المساعد الشخصي الرقمي

مشاهدة النسخة كاملة : سؤال بخصوص التنشيف وزني 87 طولي 180


آلفيصل
04-04-2010, 03:45 AM
السلام عليكم ورحمة الله وبركاته

يسعدلي صباحكم يارب بصراحة مدري مع وين ابدى بس بقول مشكلتي واتمنى منكم تساعدوني

انا وزني 87 وطولي 180 طبعا كان وزني قبل 125 بس مع الدايت والنادي نزل

لي الان ثلاث اسابيع العب تمارين سويديه شاقه اول مابديت العب سويدي كان وزني 89 والحين 87

طبعا اليوم كلمني المدرب وقالي تقدر تدخل حديد نسوي لك جدول تنشيف
طبعا عندي دهون بالجسم عبارة عن كرش وصدر وبطن لكن باقي الجسم ناشف لانه لي فوق 5 شهور مسجل بالنادي العب سير وسيكل
المهم سئالت اكثر من شخص اللى يقولي لا اصبر واللى يقولي ادخل نشف جسمك التنشيف هي حرق للدهون وتقسيم الجسم :(
واحترت وانا متحمس بقوووة ادخل حديد واقسم جسمي وكذا

هل ادخل انشف او انزل وزني واحمل حميه ودايت واقلل السعرات او ايش اعمل بالضبط
وبالنسبة لعمري اذا كذا تحتاجونة والا كذا فهو 22 ربيعا :D < ؟

وجزاكم الله خير مقدما والله يعطيكم الف عافية بس قسم قسمات متوهق :( تكفون ساعدوني ما اعرف احد ينصحني او استفيد منه :cray:
AC-MILAN
04-04-2010, 05:37 AM
وعليكم السلام ورحمة الله وبركاته

اخوي تقدر تنشف وتعمل دايت من دون فات والكارب قليل والنسبة الأكبر تكون بروتينات بس الكارب
لا تقطعه كليا ولكن الكمية قليلة وتكون قبل التمرن وممكن الوجبة اللي بعد التمرين على طول

والعب تنشيف تكون اربع جلسات بتكرارت عالية 15-20 لكن الأوزان اللي تستخدمها لازم تحس انك تبذل مجهود للوصول الى عدد التكرار اللازم ومع الوقت تقدر تزيد الوزن بس بس بنفس التكرار ومعاه كارديو لا يقل عن نصف ساعة
آلفيصل
05-04-2010, 03:21 PM
عزيزي ياليت توضح ايش الفات والكارب والكارديو
الشاي الثاني مايسبب لي ترهل بعدين خصوصا ان الجدول اللى بمشي عليه 6 ايام بالاسبوع يوم الاثنين والخميس العب سويدي بطن واجهزة الشي الثاني كبتن الحديد قالي لازم تاخذ ادويه تنشيف
بس انا اخفت انها بعدين تسبب الضعف الجنسي
وهل اقدر اسوي تنشيف وعندي كرش /:
وسوري على اسئلتي اذا هي تافهة بالنسبة لغيري بس انا مبتدى وما اعرف احد يلعب حديد والشي الثاني اغلب المدربين يدرون الربح المادي من العيبه :(
ودمتو
منادة الليل
05-04-2010, 04:41 PM
هلا اخوي



فكمل هذا السبوع خلها تصير شهر

وبعدها خذ لك الليبو6 ممتاز جداً ويساعد على حرق الدهون ولكن مع التمرين :)

وحاول تاخذ لك طلة على موضوع اخونا بوراشد

حقق حلم ال6باك وازالة الكرش والترهلات

افضل موضوع راح يفيدك في حرق الدهون ان شاء الله
آلفيصل
06-04-2010, 12:31 AM
مشكور اخوي على تواصلك وافادتك ..
انا مالعبت تضخيم بدخل على التنشيف على طول .. هل فيه مشكلة..؟ وهل العضله بعدين أقدر اضخمها أو لا..؟
الشي الثاني ياالغالي أنا مالعبت حديد بحياتي أول مرة وبدخل تنشيف على طول ..

الجسم اللى ابغى اوصل له هذا بس

جسم تقسيم فرنسي

http://4.bp.blogspot.com/_NC5846yjURg/SrI1eRtSX2I/AAAAAAAABqg/wT3jXvNtyvQ/s320/ripped-abs.jpg

هل التضخيم لازم يكون قبل التنشيف وإلا مافي مشكلة يكون التضخيم بعد التنشيف .. ؟ لأني راح ابدأ بالتنشيف قبل التضخيم ..
ويعطيكم ربي الف عافيه ..
mashkaljey
06-04-2010, 08:22 AM
مشكور اخوي على تواصلك وافادتك ..

انا مالعبت تضخيم بدخل على التنشيف على طول .. هل فيه مشكلة..؟

انت ما يناسب جسمك تضخيم لان التضخيم راح يزيد معدل الدهون بجسمك بالاضافه طبعا الى العضل لكن ما راح يبان عندك الا في المناطق اللي انت تقول عندك قليله الدهون يعني بالباي راح يبان معاك لكن بالمعده والصدر انسى فلهذا ادخل على كلام المدرب تنشيف وخلك معاه ومع جدوله

وهل العضله بعدين أقدر اضخمها أو لا..؟

العضله تتضخم طبيعيا مع زياده الاوزان يعني اول ما تلعب تشيل 10 كيلو بعد شهر من اللعب المتواصل هال 10 كيلو تسخن فيها ؟ والسبب ان العضل عندك تضخم وكبر وصار يقاوم هالوزن ببساطه لهذا تزيد بالاوزان ويكبر العضل وطبعا التنشيف يفرق عن التخسيس لان التنشيف المفروض بعد التضخيم لكن الكباتن بالنوادي طبعا ما يشرحون لك سالفه التضخيم والتنشيف فيقولك يالله ادخلك تنشيف وهو يقصد انه بيستمر في معدل تمارين الحرق مثل السيكل الهرولة والمعده والخواصر والسويدي بشكل عام مع تمارين الحديد وزياده الاوزان فتره عن فتره طبعا كل هذا ما تقدر الا في حال لو انتظمت تغذيتك يعني مو تخبص بالاكل وتقول يالله ماشفت شي ؟

الشي الثاني ياالغالي أنا مالعبت حديد بحياتي أول مرة وبدخل تنشيف على طول ..

تقدر تسميه اي شي لكن انسا حاليا كلمة تنشيف انت الان بفتره صقل العضل وبناء اساس عضلي ما تقدر تقول يالله بسوي تنشيف ولا يالله بسوي تضخيم وانت بالاساس ما عندك عضل !! مثال واحد عنده سياره ما سافر فيها يقول يالله بسافر من غير لا يجيك على اطاراتها ومكينتها وتحملها للسفر ؟ ولا خذوف فغلوه يالله ؟ طبعا انسا مساله تنشيف اوتضخيم او هالكلام الا بعد 3 اشهر كامله وانت تلعب بجدول منسق ومنظم بعدها تعال قول ابي اضخم او انشف


الجسم اللى ابغى اوصل له هذا بس


جسم تقسيم فرنسي


http://4.bp.blogspot.com/_NC5846yjURg/SrI1eRtSX2I/AAAAAAAABqg/wT3jXvNtyvQ/s320/ripped-abs.jpg

هالجسم وهالصورة ذبحتونا فيها يا اخوان والله هالجسم متعدل بالفوتوشوب وماخذ راحته بالخدع التصويرية ولو هو جسم طبيعي من غير بروتين فهو ناتج على الاقل سنتين من التمرين المتواصل الجاد مع التغذيه الصحية او ابر هرمونات لا تقل عن 5 اشهر يعني لا تقولون يالله بوصل لهالجسم خلك بالمعقول يا اخي قول ينشف جسمي لوزن كذا وحط الوزن او بزيد عرض عضلات جسمي كمثال الباي بزيده 40 والصدر 120 طبعا تاخذ قياسات هالاماكن بالبداية اول ما تدخل النادي وبعدين بعد شهرين او 3 تاخذ القياسات مره اخرى وتشوف التطور اما تحطلي صورة وتقول ابي هالجسم ؟ مايصير هالكلام


هل التضخيم لازم يكون قبل التنشيف وإلا مافي مشكلة يكون التضخيم بعد التنشيف .. ؟ لأني راح ابدأ بالتنشيف قبل التضخيم ..

راجع ردي اعلاه وتعرف ان الان لا نتكلم عن تضخيم ولا تنشيف ومساله ان المدرب يقولك اخذ ادوية وما ادري ايش قوله يا عم الحج ! لسه بدري نحن في اول المشوار شوي شوي علينا يا حبيبي خلني اطلع كم عضله بعدين كلمني بهالامور

والله يعينك على اللي يدور الفلوس
آبو رآشـد
06-04-2010, 08:24 AM
تو ابرد وشفت الذيب سبقني ما قصر ابو ابراهيم ولا عاد تتعودها يا صاحب الموضوع :)
mashkaljey
06-04-2010, 08:29 AM
شكله ارسلك وارسلي بالخاص لا تلومه الرجال يبي يتعلم عساك عالقوة يا بوراشد