مشكور اخوي على تواصلك وافادتك ..
انا مالعبت تضخيم بدخل على التنشيف على طول .. هل فيه مشكلة..؟
انت ما يناسب جسمك تضخيم لان التضخيم راح يزيد معدل الدهون بجسمك بالاضافه طبعا الى العضل لكن ما راح يبان عندك الا في المناطق اللي انت تقول عندك قليله الدهون يعني بالباي راح يبان معاك لكن بالمعده والصدر انسى فلهذا ادخل على كلام المدرب تنشيف وخلك معاه ومع جدوله
وهل العضله بعدين أقدر اضخمها أو لا..؟
العضله تتضخم طبيعيا مع زياده الاوزان يعني اول ما تلعب تشيل 10 كيلو بعد شهر من اللعب المتواصل هال 10 كيلو تسخن فيها ؟ والسبب ان العضل عندك تضخم وكبر وصار يقاوم هالوزن ببساطه لهذا تزيد بالاوزان ويكبر العضل وطبعا التنشيف يفرق عن التخسيس لان التنشيف المفروض بعد التضخيم لكن الكباتن بالنوادي طبعا ما يشرحون لك سالفه التضخيم والتنشيف فيقولك يالله ادخلك تنشيف وهو يقصد انه بيستمر في معدل تمارين الحرق مثل السيكل الهرولة والمعده والخواصر والسويدي بشكل عام مع تمارين الحديد وزياده الاوزان فتره عن فتره طبعا كل هذا ما تقدر الا في حال لو انتظمت تغذيتك يعني مو تخبص بالاكل وتقول يالله ماشفت شي ؟
الشي الثاني ياالغالي أنا مالعبت حديد بحياتي أول مرة وبدخل تنشيف على طول ..
تقدر تسميه اي شي لكن انسا حاليا كلمة تنشيف انت الان بفتره صقل العضل وبناء اساس عضلي ما تقدر تقول يالله بسوي تنشيف ولا يالله بسوي تضخيم وانت بالاساس ما عندك عضل !! مثال واحد عنده سياره ما سافر فيها يقول يالله بسافر من غير لا يجيك على اطاراتها ومكينتها وتحملها للسفر ؟ ولا خذوف فغلوه يالله ؟ طبعا انسا مساله تنشيف اوتضخيم او هالكلام الا بعد 3 اشهر كامله وانت تلعب بجدول منسق ومنظم بعدها تعال قول ابي اضخم او انشف
الجسم اللى ابغى اوصل له هذا بس
جسم تقسيم فرنسي
هالجسم وهالصورة ذبحتونا فيها يا اخوان والله هالجسم متعدل بالفوتوشوب وماخذ راحته بالخدع التصويرية ولو هو جسم طبيعي من غير بروتين فهو ناتج على الاقل سنتين من التمرين المتواصل الجاد مع التغذيه الصحية او ابر هرمونات لا تقل عن 5 اشهر يعني لا تقولون يالله بوصل لهالجسم خلك بالمعقول يا اخي قول ينشف جسمي لوزن كذا وحط الوزن او بزيد عرض عضلات جسمي كمثال الباي بزيده 40 والصدر 120 طبعا تاخذ قياسات هالاماكن بالبداية اول ما تدخل النادي وبعدين بعد شهرين او 3 تاخذ القياسات مره اخرى وتشوف التطور اما تحطلي صورة وتقول ابي هالجسم ؟ مايصير هالكلام
هل التضخيم لازم يكون قبل التنشيف وإلا مافي مشكلة يكون التضخيم بعد التنشيف .. ؟ لأني راح ابدأ بالتنشيف قبل التضخيم ..
راجع ردي اعلاه وتعرف ان الان لا نتكلم عن تضخيم ولا تنشيف ومساله ان المدرب يقولك اخذ ادوية وما ادري ايش قوله يا عم الحج ! لسه بدري نحن في اول المشوار شوي شوي علينا يا حبيبي خلني اطلع كم عضله بعدين كلمني بهالامور
والله يعينك على اللي يدور الفلوس
< ؟
