وش الجدول المناسب لي من هالجدولين ؟ + مشواري في الحديد

[ديكستر جاكسون]

السلام عليكم ..
انا صار لي 3 شهور في الحديد ، أول اسبوعين كان تسخين وبعدين شهرين ونص جدول من الصالة بس ما احسه فادني كثير ،
لأنه صاحبي يلعب معاي وزاد وزنه اكثر مني وصار اضخم مني بنفس الفترة !
بس جسمي مفصل أكثر طبعا :biggrin2:
زدت في هالفترة 5 كيلو أكل طبيعي فقط بس دايت التزمت فيه صح وعطاني اياه كبتن نسيبي ..
الحين اخذت لي هالمكملين بعد ما قال لي نسيبي عن نتائجه ،
النيتروتك + السل تك

بس أبي جدول صح حق ضخامة
شفت جدول أخوي بو رآشد وشفت الردود الي تمدح فيه
بس المشكلة انا ما اقدر اتمرن غير 4 أيام في السبوع ، بسبب ظرووف خارجة عن ارادتي

فبالنسبة لجدول أبو راشد خليته بهالشكل :
السبت : صدر + بطن علوي
الأحد : ظهر + بطات
الاثنين : راحة
الثلاثاء : باي وتراي + بطن سفلي وجوانب
الاربعاء : أفخاذ + أكتاف وترابز
الخميس : راحة
الجمعة : راحة

أو إني ألعب هالجدول العادي حق الصالة :
صدر + تراي
ظهر + باي
راحة
أكتاف + ترابز
راحة
رجل + سواعد
راحة

وهذا الدايت الي زادني 4 كيلو : :wink2:

الوجبة الاولى ( 6:00 ) أول ما أصحى :
4 بيضات [ 3 بياض و1 سندويش كاملة ] + كورن فلكس

الوجبة الثانية ( 6:45 ) قبل المدرسة :
صحن فول + عصير

الوجبة الثالثة ( 9:00 ) في المدرسة :
3 فطاير + عصير

الوجبة الرابعة ( 1:00 ) رجعتي من المدرسة :
حليب بالموز

الوجبة الخامسة ( 2:30 ) الغدا :
الي تسوي الوالدة الله يحفظها

الوجبة السادسة ( 6:30 ) بعد التمرين :
صدر دجاج + خبز

الوجبة السابعة ( 8:30 ) العشا :
مكرونية أو سلطة تونة أو اندومي أو كورن فلكس

الوجبة الثامنة ( 9:30 ) قبل النوم :
حليب بالموز

وهذا دايتي ، بانتظار تعليقاتكم شباب ..

[ديكستر جاكسون]

علما أن وزني 75 وطولي 180 أبي ضخامة زي الوحوش في الصالة ههههه

[آبو رآشـد]

شغلك ممتاز مع انة يفضل انك تلعب خمس ايام واكثر اربع ايام ما راح تشوف نتائج مثل الي يعطي كل عضلة حقها الكامل ولازم تشد حيلك في الاكل ما ناحية البروتين ولا باس من الدهون بالنسبة لك وبعدين ترجع تنشف

حاول تلعب خمس ايام وان ما قدرت العب الجدول حق النادي افضل علشان يكون متابع معك ويشوف اية تغير سلبي بالعضة ويعدل لك الجدول مباشرة

بالنسبة للبروتين ممتاز والسل تلك بعد ولو تزيد امينو يكون حلو

وبالتوفيق يا وحش مع الملاحظة انك طويل فكسب العضلات عندك اصعب من الصغير

[ديكستر جاكسون]

هلا ابو راشد
إذا قصدك في يوم الكتف والفخذ
انا صراحة ألعب بس تمرين السكوات الحر حسب ما سمعت أن قوي ويمرن العضلة الامامية والخلفية ويحفز هرمون التستيرون كثير فـ يعني الكتف راح اعطيه حقه وزيادة
وانا مابي ضخامة كثير في الرجل وترى حتى في يوم الظهر والبطات تمرين واحد بطات وانا جالس
لأنه أنا مقتنع في جدولك ، وإذا مو زين لحالتي عطني جدول من عندك 4 أيام
لأنه الصالة مافيها الا مدربين وما يفهموا شي بس يعطوك الورقة حقت الجدول والسلام عليكم حتى صاحبي ما يطبقه لأنه أغلبه بالأجهزة !

[آبو رآشـد]

لا ما فية شي اسمة سكوات وبس لازم تتمرن كامل التمارين


بالنسبة للجدول تقدر تستعمل جدول الي في المنتدى

وتحطة انت زي ما رتبتة فوق وتلعب فية اسبوع بالبار واسبوع بالاجهزة لكن مو كل التمارين فقط الي تقدر تلعب بالبار مثل الصدرالسفلي والعلوي والمستوي والكتف الي هو الهور لكن بعض التمارين تحتاج الى اجهزة مثل تمارين الظهر وبعض تمارين الكتف وبعض تمارين الارجل وغيرها فحاول تنوع بحيث ما تكثر تمارين فقط تلعب الحر الي هو البار والي يرادف لة بالجهاز

بالتوفيق

[ديكستر جاكسون]

يعطيك ربي الصحة والعافية ابو راشد ، ما قصرت وراح اسوي الي قلت عليه :)