المساعد الشخصي الرقمي

مشاهدة النسخة كاملة : نصيحه بالنسبه للمكملات الغذائيه


نس نس
15-05-2010, 09:34 PM
السلام عليكم اخواني .... انا حالياً امارس السويدي بشكل يومي عدا الجمعه وسباحه كل يوم .... وسونا وجاكوزي مرتين إلى 3 مرات بالاسبوع ..... وزني 102 ونص هذا قبل اسبوع ... والطول 172

حالياً ابي مكمل غذائي حارق للدهون لأن مشكلتي الكبيره تركز الشحوم والانتفاح في البطن وعلى الجنوب ومسوي لي جداً ازمه والي يشوفني يعطيني وزني اكبر بسبب تركز السمنه والانتفاح بالكرش مقارنه بالمناطق الاخرى .... حالياً معاناه بالتمرين لأني ماشي بالاسبوع الثاني بس لما اشرب ريد بول خصوصاً بالايام الي اكون فيها مانمت بشكل صحيح او اشتغلت بكثره واحس اثرها بشكل جيد ....

كلمت صديق لي ودرت بالانترنت وماشاء الله المشاركات هنا كثيره فصفيت على نوعين اخذهم وابي نصيحتكم بالافضل سواء من هالنوعين او نوع اخر ....

1 - MuscleTech Hydroxycut Hardcore X (http://www.bodybuilding.com/store/mt/hard.html)

http://www.bodybuilding.com/store/mt/images/hydroxycut_hardcore_x_130_black.jpeg



2 - Lipo 6x (http://www.bodybuilding.com/store/nutrex/lipo6x.html)
http://www.bodybuilding.com/store/nutrex/images/lipo_6x_130_black.jpeg

ملاحضه بالنسبه MuscleTech Hydroxycut Hardcore X (http://www.bodybuilding.com/store/mt/hard.html) : المنتج هذا جديد وليس له علاقه بالمنتج القديم الي سبق التحذير منه.

ملاحضه اخرى : اي من النوعيه يعطي طاقه زياده لممارسه الرياضه مع العلم ان ما عندي اي مشكله طبيه او حساسيه او ضغط او اي مرض اخر يأثر في اخذ هذه المنتجات.


شاكر لكم وللنخبه الي مايقصرون لأني جد استفدت من المعلومات الي تحطونها هنا
aljoookeeer
15-05-2010, 09:38 PM
هلا بك أخوي
والله من القراءة وكذا أشوف الناس متجهه لليبو 6x ويعطي طاقة للتمرين

ونشوف آراء الكباتن
Leaner
15-05-2010, 09:44 PM
عن تجربة شخصية الليبو6x جدا ممتاز لأزالة الدهون في الجسم وتزويد الجسم بالطاقة أثناء التمرين

انا انصحك فيه وبقوة ولكن ابدأ بالليبو6 العادي لما يتعود جسمك عليه وتنتقل لللمرحلة الثانية وهي lipo6x

بالنسبة للهيدروكسي كت منتج ممتاز ولكن كشهرة وشعبية وجوائز > الليبو6 أفضل

تحياتي
نس نس
16-05-2010, 12:46 AM
بس اخوي على اي اساس اني لازم انتقل من اللينو 6 للـX لأني مثل ماقريت فيه ناس بدوا من البلاك ! وامورهم ماشيه ..... هل فيه شي مثبت على موضوع انك لازم تمر عليهم ..... لأنه خصوصاً من هالناحيه اللغط زايد وكلن له رايه .... وبالمواقع الانجليزيه مافيه كلام انك لازم تبدأ بالتدريج ..... اتمنى انك تسهب في موضوع التدريج وتنورني
Leaner
16-05-2010, 02:55 PM
أخوي انا قتلك جذي علشان جسمك يتعود على المنتج شوي شوي

ولكن اذا انت من عشاق الكافيين (القهوة مثلا) ودايما متعود عليها، جذي جسمك راح يكون متعود على الكافيين وعادي تبدي بالبيبو6 العادي أو البلاك والأكس

ولكن بما انك مو من عشاق الكافيين ونادر تاخذها، فابدأ بالليبو6 العادي أفضل عشان تعود جسمك وتنتقل الي الليبو6 أكس لأن مفعوله أقوي من العادي والليبو بلاك مفعوله أقوى من العادي والأكس، لذلك ينصح باستخدام الليبو بلاك للأشخاص الي أعمارهم أكثر من 21 سنة عكس العادي والأكس ( أكثر من 18 سنة)

كأمان أنصحك انك تبدأ بالعادي اذا جسمك لم يتعود على الكافيين لأن هالمنتج بيخلي ضغط دمك مرتفع عن السابق فمابالك اذا جسمك مومتعود ع الكافيين ؟ ولا تنسى أهم شي شرب كميات كبيرة من الماء

أتمنى وصلت الفكرة :)
Leaner
16-05-2010, 03:00 PM
وانا عن نفسي، استخدمت الليبو6x علطول لأني من عشاق القهوة التركية وكل يوم الصبح أشربها :)

فجسمي الحمدالله متعود على هالشي ولم أتعرض الى أي نوع من الأعراض الجانبية للمنتج ولله الحمد :)

والنتائج كانت ممتازة :)

فيه ناس يبدون بالبلاك والنتائج تكون ممتازة ولكن لمبد‍‍‍أ الأمان انصحك تمشي بالتدريج اذا الكافيين جديد عليك

تحياتي
نس نس
16-05-2010, 08:45 PM
بالعكس انا راعي شاي وقهوه ...... في الصباح دايم يا قهوه يا شاي رسمياً ..... هذا غير القهوه العربيه الرايحه والجايه علي
نس نس
16-05-2010, 08:48 PM
بالنسبه للكميات الكبيره من الماء هل تقدر تقدرها لي يومياً ...... لأني بعض المرات ما اشرب مويه كثير
منادة الليل
16-05-2010, 09:11 PM
ماقصرو الوحوش

بخصوص كمية الماء اهم شي ما يقل عن 3 الى 4 لتر باليوم وحتى لو كثرت ممتاز للوقاية :)
Leaner
16-05-2010, 10:32 PM
كلام منادة صحيح ويعطيه العافية :)

وبما انك تكثر كافيين في اليوم فلا بأس انك تبدي بالليبو6x =)

بالتوفيق اخوي
نس نس
17-05-2010, 08:54 AM
ماقصرتوا صراحه شرحكم وافي .... بس انا قررت على MuscleTech Hydroxycut Hardcore X (http://www.bodybuilding.com/store/mt/hard.html)
وين راح القاه؟
Leaner
17-05-2010, 12:52 PM
انت من الكويت ؟

اذا من الكويت، ماراح تلقاه في المحلات بعد انقطاع الهيدروكسي كت القديم إلا اذا تعرف شخص يجيبه من بره
نس نس
17-05-2010, 01:38 PM
لا اخوي سعودي من الشرقيه بالاخص ..... المشكله تشتري من برا انسى يجيك ..... توصي واحد يجيبه من برا اقرب واحد بيجي بشهر 7 ..... لو يحصل بالبحرين او واحد يبيع بالشرقيه او بالرياض تدلوني عليهم راح اكون شاكر
Leaner
17-05-2010, 02:47 PM
والله ياخوي اسمحلي ماقدر أفيدك لأني من الكويت

ان شاءالله الشباب بيفيدونك