المساعد الشخصي الرقمي

مشاهدة النسخة كاملة : شي غريب وابيكم تساعدوني


نس نس
17-05-2010, 09:15 PM
السلام عليكم ورحمه الله وبركاته .... هذا الاسبوع الثاني لي بالصاله تخيلوا يومياً سويدي وسباحه عدا الجمعه تمارين والتريد مايل والسباحه كذلك ..... ومرتين بالاسبوع الجاكوزي والسونا والبخار .....
دايت مطبقه بنسبة 80 بالميه ومخلي وجبه وحده يوم الخميس العشا او الغدا مفتوح ..... الرز قاطعه
المشروبات الغازيه قاطعها ... السكريات كذلك واستخدم بدالها ... تروبكانا سليم .... شرب الشاي الاخضر بشكل شبهه يومي ... بعض المرات اشرب ريد بول قبل التمرين لو حسيت نفسي منهم من الدوام او قل النوم ..... كل هذا اسويه وفي المقابل كيلو واحد نزول .... جد انصدمت حسيت اني جالس اتعب على الفاضي ما ادري وشو الغلط هل فيه شي انا اكله غلط ..... بصراحه مستغرب بشكل كبير
.hamad.
17-05-2010, 09:24 PM
مرحبا اخوي ...
لاتنصدم يالغالي تره موضوعك بسيط وايد بس يبيله صبر .. ونزول الوزن البطيئ تره وايد احسن من النزول السريع لانه النزول السريع بعدها لوتفتح فالأكل يوم واحد بتعبي على طول لأن الجسم بيكون متعطش للدهون ونصيحه ياخوي خل وزنك ينزل تدريجي افضل ..

وممكن تاخذ حبوب كرناتين عشان اتحول الدهون لطاقة تحرقها وقت التمرين ..

واتمنالك التوفيق وتوصل لهدفك بإذن الله
ابونواف4
17-05-2010, 10:31 PM
سأروي لك تجربة استفدت منها في الصيف الماضي وفقدت 15 كيلو خلال شهرين ،


ودون ريجيم أو حتّى تقليل في الأكل ، عدا مشي وتمارين لياقة من ساعة إلى ساعتين ،


بالإضافة إلى /


1- استخدام شاي صيني اسمه ( الغزال )


2- قرص إلى قرصين منتج ثوم اسمه " ويكي "


3- وبعد الوجبات كوب ماء ساخن
ينقع فيه ليمونة وملعقة كبيرة كمون " وهذه قرأتها عن خبيري التغذية جابر القحطاني وعادل عبدالعال "


ولكنّي أضيف عليها ملعقة صغيرة خلّ تفاح ..


وكلّ ثلاثة أيّام أجعل يوماً راحة للمعدة دون استخدام شيء ..



توقّفت عن التجربة مع العمل الوظيفي ،
لأنّها تجعلني أتردّد على دورة المياه - أعزّكم الله - حوالي خمس مرّات في اليوم ،


وسأعاودها في الصيف القادم بإذن الله ..



أعانك الله ويسّر أمرك ..
منادة الليل
17-05-2010, 10:35 PM
ماقصر والوحوش

وبس اضيف شي بسيط

في اجسام طبيعتها لو شنو تسوي فيها ياخذ لها وقت على ما تحرق ..
وفي اجسام طبيعتها لوشنو تسوي فيها ياخذ لها وقت على ما تزيد الوزن :)

انت فقط التزم وتاكدانك ماشي صح باذن الله راح توصل يالغالي

واتبع نصايح الوحوش ما قصرو الله يحفظهم
y1zed
18-05-2010, 02:18 AM
انا اعرف واحد من الشباب نزل خلال اسبوع 4كيلو
والاسبوع اللي بعده زاد 6 كيلو !!
النزول البطيء افضل من النزول المفاجئ لان النزول المفاجئ قد يسبب لك فقر دم لاسمح الله
واصبر وان شاء الله تشوف نتائج مرضيه
نس نس
18-05-2010, 09:01 AM
شاكرين لكم وانا راح اكمل بعد .... اخصائي تغذيه عشان اشوف الخلل وين في برنامجي الغذائي