المساعد الشخصي الرقمي

مشاهدة النسخة كاملة : مشكلة الدهون الغير مرغوب فيها,,,,, ساعدوني الله يخليكم


nsw
18-05-2010, 10:05 PM
السلام عليكم
طبعا خذيت لفه ع قسم اللياقه البدنيه وكمال الاجسام
صراحه تستخدموا مصطلحات ما افهمها :cray: لاني جديد ف هالاشياء(شكلها السالفه معقده)
انا بديت من 4 اشهر تقريبا
بس كنت ف البدايه مهتم اني اخسر الدهون الزايده بس بعد فتره قررت ابدأ اتدرب حديد بس للاسف ماعندي خبره كله تمرينات عشوائيه ف الجيم,,,, الحين اتمرن اقل فالمنزل لضيق الوقت (عندي اختبارات:cray:) بس بعد قريب الشهرين بسافر دوله اجنبيه عشان اكمل دراستي وهناك بشترك ف جيم
طبعا تركت الاطعمه الغير صحيه
صرت اكل اقل

النتائج:
خسرت 10 كيلوجرام
قوة تحمل أكبر يعني كنت ما اقدر اسوي 8 مرات تمرينات ضغط,,,, الحين اقدر اوصل ل25
بنية حلوه ومناسبه

بس عندي مشكله واعتبرها كبيره لانها تحبطني وماتخليني الاحظ النتائج بشكل واضح ألا وهي: نسبة دهون عاليه ف جسمي وحاولت اركض وامشي بس ماراضيه تروح,,, الحين بديت البس السونا sauna suit سمعت انه التعرق يفيد ف تخفيف الوزن,,, الحين البسها وانا اتمرن حديد وتمارين الضغط والبطن الخ

المهم :::::::: انا اريد افقد هالشحوم الزايده خلال اقل من شهرين؟؟؟
هل أقدر وكيف؟؟؟؟
علما انه وزني 86 كيلوجرام
ووزني المثالي تقريبا 75

ارجووووووووكم ساعدوني
همي اخسر هالدهون حاليا وبعدها بركز أكثر اني اصير وحش
طبعا مااريد استخدم اي عقاقير
وماعندي إلا 2 دمبلز كل واحد 10 كيلوجرام ومرات اضيفهم ف بار صغير لليد بحيث يصيروا تقريبا 20

تحياتي لكم أحبتي
ولد ابوظبي
19-05-2010, 12:01 AM
وعليكمـ السـلام ورحمة الله وبركاته ..
طويل العمر .. انته تبي تفقد وزن .. يعني لازم تتمرن التمارين اللي تساعد في تخفيف الوزن ..
مثل .. المشي .. الركض .. السيكل ..

ويوم دخلت الصـاله .. ماسألك المدرب او ماسألته .. تبي زياده وزن ولا فقدان وزن .. ؟!

ودام همك تخسر الوزن .. ابتعد عن الاكل اللي فيه دهون مشبعه .. وقلل من الكاربوهيدرات مثل الخبز والحلويات الخ

خلك صديق الفواكه والخضروات .. ووجباتك تكون 3 الرئيسيه ..
ولاتنسى المشي او الركض .. وكل يوم تزيد فالوقت

عندي سؤال .. انته من الامارات؟؟
nsw
19-05-2010, 01:30 PM
حياك اخي العزيز
أشكرك جزيل الشكر ع هالمشاركه
الجيم الي كنت اروحه ماكان فيه مدرب (هوه جيم تابع لشركة ومفتوح لموظفيها ومن دون مدرب ومن دون اشتراك)
أنا أخوك من سلطنة عمان
*طبعا من ناحية الأكل أنا تركت الحلويات والمأكولات الدسمه وصرت اركز ع الوجبات الي فيها نسبة البروتين عاليه وخففت كثير من الاكل
*أشرب ماي كثير
*أستعمل لبسة السونا لما اتدرب حديد عشان فكرة انه التعرق يحرق الدهون
*اركض كل يومين مسافة تقريبا 3 ونص كيلومتر ونفس الشي امشي
*عندي عبوه من Ultimate Nutrition RED ZONE استخدمها مرات قبل التمرين بس ماعندي نيه اشتري غيرها لما تخلص
*اقوم بتمرينات الحديد وتمرينات البطن والضغط لمدة من 20 دقيقه الى 30 دقيقه.

كله هذا وماشي فايده
هل في امور ثانيه لازم اخذها ف الحسبان لانه صراحه مشكلة الدهون احبطتني وأريد اهتم بعضلاتي
وعندي زميل عنده نفس الحاله بس هذاك ماشاء الله عليه نصف وحش نقدر نقول بس الدهون مضيعه عليه
يعني الحين الحديد مايفيد ف خسارة الدهون
الله يخليكم ساعدوني
تحياتي
nassernasser123
20-05-2010, 10:14 AM
اخوي تبي توخر الدهن وتخسر وزن :
1- كثر شرب الماء
2- ابتعد عن الحلويات والدهون وامش على نظام دايت
3- امش على جهاز القاري ما يقل عن 30 دقيقه والايام بين 4 الى 6 في الاسبوع
4- تستطيع الاستفاده من مواضيع كثيره في ازاله الدهون والكرش واولها موضوع اخونا ابو راشد ( حقق حلم ال 6 باك )
بالتوفيق