المساعد الشخصي الرقمي

مشاهدة النسخة كاملة : مارأيكم ياحوش بنظام الـــ 13 يوم الذي يتبعه الوحش صديقي!!!


طموحي
22-06-2010, 12:25 PM
السلام عليكم ورحمة الله وبركاته


صديقي له مايقارب 12 سنه في اللعبة جسمه ماشاء الله تبارك الله مايحتاج
وصف كتل عضليه ضخمه تقسيم جامد جدا وعروق واضحه بكل مكان...


سألته عن برنامج التمرين اللي يتبعه وكتب لي جدوله الخاص وحبيت استشير
الوحش في المنتدي


قالي نظام 13 يوم هذا يعطي ضخامه ستلاحظها من اول شهر في البرنامج بس بشرط
اثناء اللعب تجهد العضله تماما ..
وان لم يحصل ماتريده من ضخامه ارجع لي وقلي ماعندك سالفه:p


نبدأ
اليوم الاول / صدر
اليوم الثاني/ راحه
اليوم الثالث/ راحه
اليوم الرابع/ باي +سواعد
اليوم الخامس/ راحه
اليوم السادس/ راحه
اليوم السابع / ظهر وتراي
اليوم الثامن / راحه
اليوم التاسع / راحه
اليوم العاشر / بطن + افخاذ+ بطات
اليوم الحاي عشر / راحه
اليوم الثاني عشر / راحه
اليوم الثالث عشر / كتف + مثلثات


قالي هذا الجدول ينفع معك في التضخيم والتنشيف ولكن في حالة التنشيف تضيف
عند يوم كارديو ويوم هروله من كل اسبوع يعني في نظام ال 13 يوم يطلع مجموع ايام
الكارديو 2 يوم والهروله 2 يوم.


كتبلي الجدول وانا قلت بدوري مانستغني عن اراء الوحوش والكباتن
انا الصراحه ناوي ابدء في هذا النظام في هذا الشهر واراقب النتائج



نتظر توجيهاتكم
تحياتي لكم
AKQ8
22-06-2010, 12:31 PM
لا تعلييق.....
Al3aZeF
22-06-2010, 12:36 PM
غـريب صرآحـة ، يعنـي تمـرن عضـلة كل 13 يـُوم ..
مآدري‘ مآ عنـدي فكــرة .. بس مآ أشـُوفه رآح يفيـد بشي !
MOOKA
22-06-2010, 02:31 PM
نفس كلام الاخوان انا كنت متوقع ان الجدول افضل من كذا
لكن اقدر اسمي الجدول هذا جدول الراحه كله راحه
على العموم ممكن هو مستفيد لانه على كلامك واصل مراحل متقدمه من اللعبه
واتحداه اذا هو على بدايته في اللعبه متبع نفس الجدول لاني اعتقد الجدول هذا للي يبي يحافظ على الكتله العضليه
جبروت ملكي
22-06-2010, 03:09 PM
أتوقع لو بين كل تمرين و تمرين يواحد واحد فقط راحه .. ممكن يكون صحيح .. لكن يومين .. كثير شوي . لأنه على الحسبه هذي العضله تتمرن بمعدل مرتين فقط بالشهر تقريبا .. و هو برأيي قليل جدا .
باتو الدرعيه
22-06-2010, 03:11 PM
الي عنده شغل وموظف وابوي عيال احلا جدول له ذا بس اذا كنت تقدر تروح النادي في الاسبوع اربع مرات احسن من الراحه الي مالها داعي
يحلم بجسم فرنسي
22-06-2010, 03:42 PM
لو امشي على هالجدول اتعلم الكسل لروحة النادى بس ممكن مفيد جربه كابتن طموحي وعطنا النتائج
kd939
22-06-2010, 04:01 PM
ياكابتن اذا تبي جدول تضخيم
العب يومين ويوم راحه
او العب ثلاث ايام ويوم راحه
فيصل الاسلمي
22-06-2010, 04:02 PM
اضيف رايي من راي الاخوان

هذا جدول اللي متككن وواصل للمرحله اللي يبيه

بس مجرد يلعب عشان مايفقد اللي كسبه

بس اذا في بدايه

انصحك ماتمشي على الجدول هذا

انصحك
بلجدول هذا

صدر + باي +سواعد
كتف+ مثلث+رجول
ضهر+تراي+معده وخواصر
وبعده راحه وتكمل

ولم توصل للجسم المطلوب امش على جدولك اللي تبيه اللي ذكرته
طموحي
22-06-2010, 04:04 PM
ماادري لاحظت من الاخوان مستغربين من ايام الراحه
يااخوان العضل ينمو في ايام الراحه تراه ماهو في ايام التمرين
وبعدين لاحظ كتبت في الموضوع (((اثناء اللعب تجهد العضله تماما ..)))
طبعا وغيرها التغذيه مهمه جدا جدا في الشهر..
يعني في خلال 26 يوم العضله تتمرن مرتين وصديقي وعدني بنتائج مبهره
في شهر ... انا راح اجرب البرنامج واعطيكم النتائج من الاول للأخير

تحياتي وودي
فيصل الاسلمي
22-06-2010, 04:09 PM
بنتضار انتائج ...
بوطالب
22-06-2010, 10:46 PM
جدول بيضيع وقتك أو بيعطيك نتايج أقل عن الجداول الثانيه بكثير. على العموم بالتوفيق.
toto jeddah
22-06-2010, 11:31 PM
مع احترامي ,, افشل جدول مر في حياتي ,,,,,,,,,,
ميعرو
22-06-2010, 11:36 PM
جرب وقلنا والله يوفقك الحياه تجارب وان شاء الله تستفيد
مشاري الرياض
24-08-2011, 12:13 PM
مع اني مبتدى

بس اشوف مثل ماقالو الاخوان فاشل ويعود ع الكسل

واشوفه صراحه مربح للنادي لانك نادر ماتجي المفروض يعطونك تخفيض :) ع الرسوم
أبو روعه
24-08-2011, 01:41 PM
اسمع ياصديقي كل الي هنا ماتعدو الـ 12 سنه وصديقك خبره وانت جرب الـ 13 يوم وتمرين قوي وبعدين علمنا

والخبره لأهل الخبره


تحياتي
ولد ابوظبي
24-08-2011, 02:18 PM
غريب .. وكلام الأعضاء مقنع .. من ناحية ايام الراحه ..

او يمكن للشخص الي له فترة طويلة يتمرن ويحافظ عالمكسب العضلي ..


جرب والتجربة خير برهــان ..

تحياتي
King Of Coffee
24-08-2011, 02:38 PM
من حوالي 4 سنوات جربت نظام مقارب له جدا .

بالنسبة لشخص مبتدأ لا أفضل أنه يجربه والجدول بشكل عام يعمل على الحفاظ بشكل جزئي على اللياقة والعضل .

مميزاتة :-

1) نفس ماذكرت إنه يحافظ بشكل جزئي على العضل واللياقة .
2) يظمن أنه العضلة ارتاحت 100 %

عيوبة :-
1) يسبب الكسل .
2) يضيع الشهر من غير فايدة تذكر
3) وقت استخدامي للبرنامج أرى إن قوة التحمل عندي أصبحت قليلة .
كنت في ذاك الوقت أعمل تكرارات إجبارية لبعض العضلات ولاحظت إن الأداء قل عندي بشكل كبير .


بشكل عام الجدول غير جيد .
ولكن مثل ماقالوا الأخوان يصلح للشخص المشغول كثير .


وشكرا لكـ
THh Rock
24-08-2011, 06:49 PM
من جدك انت ..!! 4 ايام رااحه ...!! لا وتقول العضله ما تنمو الا ايام الراحه طيب على كلامك بتمرن كل اسبوع عضله كذا راحه اكثر وفايده اكثر !!!
يا بطل كلامك سليم الراحه ضروريه واساسيه لكن بالمعقول يوم يومين ...!!
مع احترامي لخويك يالوحش يا اما انه غبي او انه يتغابه !! ولا تنسى 13 يوم ما طلعت جسمه كذا !!! اكيد انه مريح وقال بدل ما اريح اتمرن 3 ايام كافيه في الاسبوع !!
buraydawi
24-08-2011, 07:45 PM
جزاك الله خير اخوي
واللعبة لعبة تجربة ... جرب وعطنا النتايج
موفق يالغالي
بردان1
24-08-2011, 07:50 PM
< دايم فكره بالفلوس

يعني الحين ابي ادفع 300 ريال حق شهر بالنادي وبالاخير اجي 8 ايام لهم هههه لا والله

--
لا بس عن جد وشلون يضمن لك خويك انك تشوف نتايج من اول شهر وانت خلال اول شهر مامرنت العضلة الا مرتين ؟!!!! العضلة وقت الراحة تاخذ حاجته فقطططط لإعادة بناءه مو معناته انه اذا طالت فترة الراحة فانها تقوم تقعد تبني تبني تبني لما تروح للنادي مره ثانيه !! لا هي بس تبني بقدر الي يشفيها ولاتنسى انه اساسا الجداول الاسبوعيه الاعتياديه انت تمرن كل عضلة مره بالاسبوع يعني بقية الاسبوع غالبا العضلة ماراح تجهد الا جهد بسيط


وبالتوفيق طبعا اضم صوتي للاعضاء ماشوفه جدول مناسب للضخامه ابد
لكن جرب ممكن التجربة تلقى انه ناجح
وبالتوفيق يالغلا
toto jeddah
24-08-2011, 07:53 PM
موضوع مرفوع !!