المساعد الشخصي الرقمي

مشاهدة النسخة كاملة : التخسيس واللياقة مشكله مع الامينو 2222 ... لا استطيع بلعهم !!


كويتي88
11-07-2010, 11:22 PM
السلام عليكم ..

يا كباتن شلونكم عساكم بخير ..؟؟

احب اذكر اني شريت جلوتامين مع امينو 2222 سوفت جل مع الدب الروسي 5000 زيرو فات ...

حيث انه وزني تقريبا 100 وطول تقريبا 186

حاليا انا قلت راح استعمل الجلوتامين مع الامينو عساس اني اخسس .. ومن اخس اشوي راح ابتدي اخذ الدب الروسي لان فيه كاربس كثير ممكن يسبب بالسمنه !!


فعلا ابتديت من اول امبارح اخذ الجلوتامين .. بس يوم جيت اخذ الامينو معاه الصراحه ماعرفت ابلعه ...

فبقيت اسال الاخوان الكباتن ... هلا من الممكن اني افتح الحبه واخذ الي داخل الحبه واخلطه داخل عصير واشربه ..؟ ولا هذا بسبب ضرر ..؟

لان مافي الا هل حل ؟؟

ياريت الاقاده من الاخوان المتاكدين من معلوماتهم ..

وعن طريقه استخدامي للمكملات هل صحيحه ام لا ..؟

وشكرا مقدما لكم يا اخوان :)
sami1989
12-07-2010, 01:55 AM
لا اخي ! الكبسوله ماتنفتح طيب كيف ماتنبلع ؟ من تاخذه اشرب مياه كثيره معاه وتتعود عليه عاديه الشغله
آبو رآشـد
12-07-2010, 02:08 AM
اول شي تشكيلة المكملات هذي فاشلة ؟؟؟
حاول تخلصها وتسئل هنا علشان نعطيك افضل منتج يناسبك

ثاني امر

بالنسبة للامينو هذا يا طويل العمر تشربها مع ماء حاول تعود نفسك تفكها وتحطها بكاس لكن مستقبلاً راح تشوف منتجات كثيرة عبارة عن حبوب وكاسبولة وتابلز وتظطر انك تبلع عود نفسك حط الحبة عند لهاتك واشرب كاس ماء وابلع

مستقبلا راح تقدر تاكل 11 حبة دفعة واحدة ان عودت نقسك

بالتوفيق
eng.bader09
12-07-2010, 09:19 AM
عارف شعورك
نفسي لما كنت استعمل حبوب
عموما قو قلبك ولا ترتبك عشان لا تغص بالحبه
و عشا تطمن جيب كوب ماي كبيرو انت تشرب الحبه :)
ابو مهاا
12-07-2010, 09:56 AM
الله يعينك انا بعد كنت استخدمه 2222 مسأله تعويد والحمد لله خلصت العلبه كامله بس انا انصحك ان خلصتها اخذ امينو تيك من شركه يونيفرسال كل حبه فيه 50 مغ ال كرنتين والي تستخدمه باليوم 12 يعني 600 وبصراحه من اول اسبوعين نتيجه ممتازه بدون حوارق دهون بالتوفيق يابطل وانصحك تكمله ترا ممتاز الكابس بس عيبه الحبه
ابو مهاا
12-07-2010, 09:59 AM
فقط للتنويه نسيت الامينو تك حبته اصغر من البندول :)
THE CAST
12-07-2010, 10:37 AM
مثل ماقالولك الشباب
ومع الوقت راح تتعود ان شالله
نفس الوضع مع شخص اعرفه لكن مع ثاني يوم صار عنده الامر عادي جدا

تحياتي
كويتي88
13-07-2010, 10:22 AM
اشكركم يا اخوان على المرور والافاده ... لكن انا خلاص تصرفت بالامينو 2222 وجبتلي امينو لكويد (( الاسود))



اول شي تشكيلة المكملات هذي فاشلة ؟؟؟
حاول تخلصها وتسئل هنا علشان نعطيك افضل منتج يناسبك

ثاني امر

بالنسبة للامينو هذا يا طويل العمر تشربها مع ماء حاول تعود نفسك تفكها وتحطها بكاس لكن مستقبلاً راح تشوف منتجات كثيرة عبارة عن حبوب وكاسبولة وتابلز وتظطر انك تبلع عود نفسك حط الحبة عند لهاتك واشرب كاس ماء وابلع

مستقبلا راح تقدر تاكل 11 حبة دفعة واحدة ان عودت نقسك

بالتوفيق


اشكرك على تعقيبك اخووي ...

لكن حاليا الي موجود عندي جلوتامين مع امينو لكويد (( الاسود )) مع الدب الروسي 5000

اخوي شنو المشكله في هذي التشكيله ياريت لو اتفهمني ..

وبالاخر ومنكم نستفيد :)
thetiger22
27-07-2010, 12:52 AM
اعذرنى اخى فلن اقدر على افادتك
ولكن اتمنى لك ان تجد الحل
ولكن كان لدى استفسار عن موضوع سابق لديك ولكن للاسف الموضوع مغلق الان
وياربيت تشوف المشاركه دى
http://www.montada.com/showpost.php?p=6875404&postcount=14
ودمت بالف خير
ولد ابوظبي
27-07-2010, 01:40 AM
.. مرحبا ..

انا كنت نفسك .. وماقدر ابلعهم .. فصرت اكسرها من النص .. واكسرها الباقي بأسناني ..

طبعا حاولت اكثر عن مره .. حتى اني شرقت مرتين وكنت بموت فيها .. وابتعدت عنها ..

.. مب كل شخص قابل انه يتعود على بلعها .. فـ عن نفسي غيرته لسوفت جيل .. او امينوا 4800 .. او اي امينو ولكن تكون نسبه الحبه معقوله .. وقابله للبلع

تحياتي