المساعد الشخصي الرقمي

مشاهدة النسخة كاملة : كمال الاجسام البرو بالفانيليا.. والامينو 2222.. ومدة التمرين ؟؟


نــــــادر
27-10-2010, 10:31 AM
السلام عليكم ورحمة الله وبركاته


يسعد لي مساؤكم وصباحكم جميعاً


استفسار اقرب ما يكون للنقاش . . اولاً ما ادري عن البروكومبلكس قينر بالفانيلا تنصحوني فيه من ناحية النكهه والا الفراوله أفضل


ثانياً انا استخدم امينو سوفت جلز 2222 وش نصيحتكم من ناحية السيرفنق


ثالثاً وهذا الموضوع اللي يهمني كثير وهو مدة التمرين: كما تعرفون ان المده المناسبة للتمرين تكون 45 دقيقه الى ساعه ولكن هالمده قصيره جداً وانا واحد من الناس يالله يمديني اخلص اربع تمارين في ساعه وهذي بحد ذاتها مشكله وخاصه اذا كان الواحد عنده عضلتين يمرنهم في نفس اليوم. وش رايكم في المده هل يمددها الواحد لساعه ونص او هذا الشي بيأثر على الأنسجه. وكما ذكرت لكم الموضوع للنقاش واتمنى نستفيد من اراء الجميع.


لكم ارق التحايا
Heartbeat
27-10-2010, 01:03 PM
بخصوص البرو انا افضل فانيلا

و2222 اربع قبل التمرين بنص ساعه واربع بعد التمرين مباشر واثنين بعد العشاء

بخصوص التمرين انت تلعب ضخامه 5 دقايق تسخين بعدها تبلش حديد 5 تمارين عضله كبيره + 3 تمارين عضله صغيره
بين كل جوله والثانيه راحه 30 - 6 ثانيه تخلصها بساعه ان شاء الله
اطول 1
27-10-2010, 02:27 PM
هلا بك
حبيت انبهك يا اخوي لو تغير الامينو افضل
لان احماضه مهي عاليه بالشكل المطلو
ويحتوي على مشتقات الخنزير ( الله يكرمك)
وانا ارشح لك امينو تك او سوبر امينو 4800
نــــــادر
31-10-2010, 09:43 AM
اخوي sports man لا هنت يالغالي ويعطيك العافيه
نــــــادر
31-10-2010, 09:45 AM
هلا بك اخوي اطول 1

والله ياخوك ما عرفنا ناس تقول كلام واليوم الثاني يطلع لك كلام غيره هذا طبعاً بخصوصو المشتقات . . بس ما تتوقع ان السوفت قيلز افضل من اللي ذكرتهم للتضخيم

وشاكر لك مرورك يالغلا
Leaner
31-10-2010, 10:52 AM
اخوي كم طولك ووزنك

بالنسبة لأمينو 2222 ضعيف في الضخامة والسوفت جل يحتوي ع مشتقات خنزير عكس التابلتز

البرو قينر أفضل شي نكهة الشوكولاته ولكن هم الفانيلا طعمه لذيذ

مدة التمرين يفضل 45 دقيقة الى ساعة واذا انت تطول أكثر، أكيد تاخذ راحة طويلة بين الجولات، يفضل بعد كل جولة تاخذ راحة لمدة 30 ثانية الى دقيقة واخر جولة ترتاح دقيقة-دقيقتين اذا كان الوزن عالي جدا

يعني لا تنسى التكرارات تكون 12-10-8-6 مع زيادة أوزان بعد كل جولة وأهم شي spot ( مدرب يساعدك في كل جولة )

واستخدم أمينو 4800 أو أمينو تك أو أنابوليك أمينو 10000 < للضخامة أفضل من أمينو 2222 بكثير
Leaner
31-10-2010, 10:54 AM
وانا أفضل وقت الضخامة تركز ع عضلة وحدة في اليوم

مثلا:
اليوم الأوول : صدر
الثانني : ظهر
الثالث : باي + تراي + سواعد
الرابع: أكتاف + مثلثات
الخامس : أرجل كاملة
يوم راحة أو يومين حسب المقدرة

جذي راح يكون تركيزك للعضل أفضل من عضلتين في اليوم

مثال ع ذلك: لما تخلص من تمارين الصدر وتبلش تمارين التراي أو الباي، راح تكون طاقتك شبه معدومة وأوزانك تقل وبالتالي ماراح تعطي عضلة الباي أو التراي حقها في الضخامة

ولا تنسى تضيف تمارين المعدة، يومين الى 3 في الأسبوع
نــــــادر
01-11-2010, 09:14 AM
الغالي leaner

ما قصرت اخوي كفيت ووفيت واكيد بستفيد من اللي ذكرته

شكراً لك يالغلا