كمال الاجسام ذوي الخبره بالجسم الفرنسي الله يجزاكم خير ! [الأرشيف]

jaguarq8

13-03-2011, 11:44 PM

السلام عليكم ورحمه الله

بالبدايه انا عمري 25 والوزن 82 الطول 175 ونسبه الدهون 26 % وصارلي شهر العب حديد !
المكملات اللي شريتها (واي بروتين _جلوتامين _ امينو 2222 _ليبو 6 )

أبي اعرف ياشباب اذا تكرمتوا تمارين للحصول على الجسم الفرنسي مع الجدول يعني مثلا اذا كان اليوم الاول صدر وتراي ومعده ... فتلعب كذا وكذا في جدول واحد وتلعب تمارين كذا وكذا في جدول 2 وايضا باقي العضلات..!

لأني الجدول اللي لقيته مع تمارينه وتكراراته هو( المعده فقط ) موضوع بوراشد حلم 6 باك الله يوسع عليه دنيا واخره

واسف على الاطاله :)

SDal

14-03-2011, 02:05 AM

أمامك ثلاث خطوات .. و المسألة ممكن تستغرق سنة للحصول على جسم محترم ..
سنة ممكن تكون اطول مدة ..

الاولى التخسيس .. نسبة دهونك مرتفعة .. اتبع دايت قليل السعرات فيه نسبة كبيرة من البروتين .. اعمل كارديو كثير .. لا تستخدم حارق دهون بهذي المرحلة .. ممكن تستخدم
مكملات مساعدة على الحرق مثل الـCLA و الـCarnitine .. لحد وصول نسبة دهون جسمك لـ15 .. أو لحد وصولك لمرحلة تعتبر جسمك فيها دهونه بسيطة .. و حققت
تناسق .. ساعتها تدخل المرحلة الثانية ..

التضخيم .. التضخيم هو مرحلة انت تحاول فيها تزيد كتلة جسمك العضلية قدر الامكان .. لسببين .. اولاً شكل الجسم .. ثاني شيء العضل يحرق سعرات اكثر بكثير جداً من
الدهون و هالشيء يلزمك بالمرحلة الثالثة .. عموماً بالتضخيم راح يكون عندك كذا استراتيجية .. اما زيادة وزنك بسرعة بغض النظر عن زيادة وزن الدهون .. او زيادة
بسيطة يكون فيها العضل اكثر من الدهون بكثير لكن ابطأ .. تستمر بهذي المرحلة لحد امر من اثنين .. اما يصبح جسمك فيه كمية دهون كبيرة مرة ثانية, او حتى تكون مقتنع
بكمية العضلات الي بجسمك و تدخل على المرحلة الثالثة .....

التنشيف .. جسمك الان فيه كمية عضل محترمة .. تغطيها دهون .. الوضع المثالي تتخلص من الدهون .. و يبقى العضل و بالتالي تحقيق الجسم الفرنسي .. لكن المثالية غير
موجودة .. بالتالي انت بهذي المرحلة باختصار تحاول تخسر اكبر كمية من الدهون ممكنة .. مع محافظة على اكبر كمية عضل ممكنة لكن طبيعي ينزل وزن العضل ايضاً
بهذي المرحلة .. مع انتهاء التنشيف تكون حصلت على جسم مثالي و فرنسي .. و ممكن ترجع بعدها تضخم و تنشف لزيادة الحجم و الخ ..

ركز بمرحلتك الحالية .. التخسيس .. لكن خلي فبالك انه مسيرتك للجسم الفرنسي فيها هذي المراحل .. لا تحدد مدة زمنية للتخسيس مثلاً .. انتظر حتى تكون قانع عن جسمك
و انك انتهيت من اي شيء ممكن يعتبر بدانة .. و بعدها انتقل على المرحلة التالية ..

بالتوفيق ..