ابي رأيكم الله لا يهينكم في الكورس الي ببداه بالصيف باذن الله

[Broken Sword]

السلام عليكم..

كيف حالكم طيبين ان شاء الله ؟؟

انا الحمدلله قررت ورسيت اني ابدا بالصيف لان الصيف مثل ما تعرفون هو الوقت الوحيد الي نفضى فيه من الدوام ونقدر ناكل زي العالم وتنام الين ما تطفش وتقوم :yawn:

وراح يكون: تست بروبيونات في اول 5 اسابيع مع اكواجان(بولدينون) كولمبي مع ستانزولول(ونسترول حقنة)

والاسابيع الـ4 الاخيرة راح ابدل التست بـ الماسترون(دروستنولول بروبيونات) وطبعاً استمر على الاكواجان والستنازلول..

ومعلوماتي:
العمر:19
الطول:176
الوزن:82
الدهون:17.5
مدة التمرين:8 شهور(من الآن) وقت الكورس بعد شهرين واسبوع.. راح اكمل 10 شهور تقريباً ثم ابدا

يا ليت ما تبخلون بمعلوماتكم واي نصيحة حول المواد الداخلة بالكورس

وحتى لو عندكم نصيحة ثانية من ناحية الاخطار ما راح تقصرون

و يعطيكم العافية..

[Broken Sword]

آسف نسيت اوضح اني راح اخذ بروفيرون وليجالون 70 يومياً

وبرجنيل (hcg) بعد الكورس باسبوع..

[.hamad.]

السلام عليكم ..

لاتعليق على الكورس لان سنك مايسمح للهرمونات ..

أعتذر

[abu kinan]

+1 عمرك صغير مرة على الهرمونات

[Broken Sword]

يعطيكم العافية اخواني وهذا من اهتمامكم..

وشكراً على النصيحة على اي حال جزاكم الله خير

[بردان1]

ياخي ماحد ضاربك على يدك تدخل بالهرمونات

والله العظيم يوجعن قلبي اذا شفت زي هالمواضيع ياخي ان جينا نتكلم عن العمر فعمرك صغير اولا
وفترة تدريبك قليلة

ياخي والله العظيم خطر على حياتك ابتعد عنهم انت بغننننى عن هالسوالف كله
احمد ربك على العافيه وهذا اهم شي اما منظر الجسم بغنى عنه اذا كان فيه ضرر


الله يعين ويووفق

[ryaaan]

ياخي هالفتره هرمونات جسمك والافرازات الطبيعيه تكون في اوجهها .. ياخي نام زين وتغذى زين ومافي مانع من البروتينات واحماض اذا ناوي شغل عدل
لاكن هرمونات .. اصلا كيف جاتك الجرأه انك تاخذها وماعندك مخاوف منها ؟؟