المساعد الشخصي الرقمي

مشاهدة النسخة كاملة : كمال الاجسام احتاج اراءكم للوصول لطموحي - جسم فرنسي - ادخلوا ربي يسعدكم


wolf167
19-04-2011, 03:00 PM
السلام عليكم ورحمة الله وبركاته

انا لي 10 ايام اروح النادي بشكل جدي هالمره مو زي قبل

قياساتي:
الطول: 182 سم
الوزن: 83 ك
نسبة الدهون 17٪
ال BMI : 24.8

بالنسبه للآكل صرت اكل بالبيت صدر دجاج وسلطات وعصائر طبيعيه .

اول عشر ايام كنت العب شامل بس احس اني خلاص لازم ابدآ ببرنامج. الصراحه ماعندي مدرب لان اسعار المدربين بالنادي اللي مسجل فيه مبالغ فيه - تقريباً 40 ريال للحصه + 800 ريال اشتراك غير شامل اشتراك النادي - ف حبيت اعتمد ع الخبرات اللي هنا

نظامي حالياً كالأتي:
10 دقايق كارديو عشان احرق السكريات
60-90 دقيقه تمارين شامله
30 دقيقه كارديو
مره بالاسبوع سباحه و ساونا

وسؤالي هو كيف اختار الاوزان المناسبه ؟ لان صراحه مدري بعض الاحيان اشيل 20 واليوم اللي بعده 60 واللي بعده 40 ماني ثابت على شي

والشي الثاني المكملات صراحه اغلب المواضيع مكتوب فيها مكملات كثيره ف هل تضر ام لا ؟ انا احتاج من 1 الى 2 ع الاقل

الزبده: ممكن برنامج يفيد مع مكملات ونصائح حلوه ؟ عندي النصائح عن كل شي والله ربي يسعدكم

شكراً
TRIPLE H2
19-04-2011, 05:46 PM
وعليكم السلام
اسمع يا اخوي بالنسبة للجدول روح عند المدرب وقله يعطيك جدول تقسيم و ان ما لقيت بتلاقي مواضيع كثيرة في المنتدى أما بالنسبة للأوزان والله ما أعلم لكن أظن انه كل عضلة لها قدرة لتشيل الوزن فيه فمثلا عضلة الصدر غير عن الباي و هكذا
قبل ما تهتم بالمكملات أهتم بالاكل فمثلا
الفطور : بروتن نباتي مع كاس حليب قليل أو منزوه الدسم مع 3 بياض بيض مع ربع رغيف اسمر
الوجبة : مرتديلا منزوعة الدسم بنسبة 98 % من 6 الى 10 قطع مع نصف رغيف أسمر
الغداء: صدر ونصف دجاج أو قطعة سمك أو ستيك بقري مع خضار مع نصف كوب رز والافضل يكون بني مع سلطة
الوجبة قبل التمرين بساعتين تكون شوفان مع حليب قليل أو منزوع الدسم مع سكر ملعقة أو نصف ملعقة
بعد التمرين : علبة تونة مع خضار مع ربع رغيف أسمر مع عدس
قبل النوم : كمية من جبنة قريش منزوعة الدسم مع كاس حليب قليل أو منزوع الدسم
ملاحظة : هذا الجدول الغذائي كان متبعه أحد أصدقائي في النادي مدة 5 شهور بدون أي مكمل زاد والله ما اذكر 4-5 كيلو عضل صاف ونسبة الدهون 13.4 الطول 180
تقدر تستخدم الواي بروتين و اوبتي من و جلوتامين
ودمت بود
wolf167
20-04-2011, 01:28 AM
الله يعطيك العافيه اخوي ع الرد ووراح اضيف هالجدول ضمن الخيارات

انا هدفي انزل 1٪ دهون كل اسبوع + تضخيم خفيف

وننتظر بقية الكباتن .. شاكر ومقدر لردك ربي يسعدك
بردان1
20-04-2011, 05:56 AM
اعوذ بالله صراحه شي مبالغ فيه اسعار المدربين وبعد خاصين يعني
حنا بالنادي عندنا غصبن عليه المدرب يدربك اذا انت تبي يعني يساعدك ويعلمك جدول ويكون متعاون

المهم بالموضوع لاتعتمد عليه 800 ريال خله بمخباك اصرف لك
بالنسبة للجدول الغذائي اهم شي تقلل من الدهون قد ماتقدر وتاكل باليوم 5 - 6 وجبات تقسمهم 3 رئيسية الي هم فطور وغدا وعشا
ووجبتين او ثلاث بيناتهم فرعية تكون وجبات خفيفة يعني مثل بطاطس مسلوقة او حبتين موز مع كوب حليب او غيره من الوجبات الكثيرة عندك يعني وانت تقدر تسوي جدولك الغذائي من المواد الي تقدر توفرها وتكتبه هنا عشان الاعضاء يعطونك اراءهم فيه افضلك :)

اما التمارين فيه عدة جداول ممكن تستفيد منها هنا بالمنتدى بس اعتقد اعتقد انك المفروض تخلي الكارديو 30 دقيقة قبل التمرين وليس بعده
لان بعده راح ياثر على العضل الافضل تخليه قبل التمرين
وخلي تكراراتك 12 تكرار على اربع جلسات للعضلات الكبيرة و12 تكرار على ثلاث جلسات للعضلات الصغيرة

وبالنسبة للجدول راح اقترح عليك احد الجداول المقترحه لكن ماعندي علم هو يناسبك او لا لكن ممكن الاعضاء يعلقون او يعدلون عليه اذا مايناسب بياناتك
السبت صدر
الاحد ضهر
الاثنين اكتاف
الثلاثاء راحة
الاربعاء باي + تراي + سواعد
الخميس ارجل
الجمعة راحه او تاخذ سباحة وكارديو فقط

وبالنسبة للمكملات اعتقد عندك الافضل واي بروتين من اوبتمم

والله يوفقك ان شاءالله
حبيت اشارك لو بشي بسيط بموضوعك لكن لاتعتمد على كلامي ميه بالمية خبرتي لازالت قليله باللعبه :) الخبراء ان شاءالله يفيدونك اكثر واذا فيه شي غلط بكلامي يصححونه لك :) ودي واحترامي
wolf167
21-04-2011, 11:34 AM
الله يعطيك العافيه يا اخوي ماقصرت والله افدتني جداً وبانتظار البقيه
بردان1
21-04-2011, 02:51 PM
العفووو منك ماسوينا شي
wolf167
25-04-2011, 10:36 AM
لا اله الا الله