المساعد الشخصي الرقمي

مشاهدة النسخة كاملة : الرجاااااااء المساااعدة في ميتل جير سوليد 2 : أبناء الحرية .. و بسرعة بسرعة .


M7MOOOD
31-01-2002, 03:21 AM
أنا يوم الثلاثاء رحت و شريت لعبة ميتل جير سوليد 2 : أبناء الحرية بعشرين دينار كويتي أصلي ( خرب ويهم .. نصابين خذوا مني فلوس كثيرة .. و حتى كفر اللعبة من داخل مكسوووور :غضب: :غضب: ) .

المهم وصلت البيت .. و حطيت الشريط داخل جهاز البلاي ستيشن 2 و بديت ألعب فيه و اندمجت فيه آخر اندماج .. بس المشكلة أني بعد ما تعاركت مع أولجا .. خذيت المسدس و رحت لمكان فيه خزانة بثلاثة أبواب .. الباب اللي على يمين عليها صورة ريال ياباني .. و الباب الوسطي عليها صورة بنت يابانية .. و الباب الأخير مغلق و ما ينفتح .. المهم في هالمكان فيه ممر و آخره موجود باب .. المشكلة أن الممر فيه متفجرات و ليزر .. و لازم أبطل مفعول الليزر و ذلك بتصويب المسدس على شي يشع منه لون أخضر .. المهم أنا لقيت واحد منهم في نفس الممر .. و صوبت عليه مسدسي و أبطلت مفعوله و هو الليزر الموجود في الوسط .. بس أنا ما عرفت وين ألاقي الثانيين ؟؟؟

دورت عليهم في كل مكان .. طقت و لاعت جبدي من الدواره و الفراره عليهم :( :( :(

فممكن تقولون لي وين ألقاهم بالظبط و بالتفصيل الممل ... بليـــــــــــز :(

و ألف شكر للي راح يساعدني .
msm
31-01-2002, 05:39 AM
هلا محمود ......

انت راح تلقى قدام الخزانة شي زي الصندوق وقف عليه ......بعدين صوب على الليزر وبتلقى فوق جهاز ابطل مفعوله .....
بعدين بيتعطل الليزر الأول وبيقى الاخير..... قرب منه وبتلقى الجهاز الاخير .......

وكمل اللعبة وراك اشياء حلوة لاتفوتك ......:D
ستيف بورنسايد
31-01-2002, 12:54 PM
قدام الكبت يوجد طلقات على صندوق اركب على الصنوق وطلع قدام بتشوف القنبلة الي يجب عليك تطفئه
وبعد هالقنبلة يوجد قنبلة ثالثة على يسار الباب
واي مشكلة تواجهك يا محمود انا حاضر
M7MOOOD
31-01-2002, 04:10 PM
مشكوووووووووووووووورين على المساعده ...

و الله يعطيكم ألف عافية :D

بس أنا الحين في مشكلة ثانية :(

بعد ما آخذ صور لميتل جير ... وين أروح و شنو أسوي ?:

فأنا أدري أني لازم أروح عند الكمبيوتر علشان أدز الصور ... بس وين الكمبيوتر ?:

دورت عليه و ما لقيته :(

فالرجاء المساعدة و بأسرع وقت :":

و شكرا .
HeRC2001
31-01-2002, 04:56 PM
الكمبيوتر تلقاه في اول المكان اللي فيه الآلة الكبيرة (Metal Gear Ray) تلقا كمبيوتر لون شاشته خضراء
روح للكمبيوتر بعدين طق مثلث بعدين ياخذ الصور منك
M7MOOOD
01-02-2002, 05:17 AM
شكرا شكرا على المساعدة ...

و لكني الحين في مشكلة ثالثة و ابي مساعدة ثالثة الله يخلكم و بسرعة :(

أنا الحين ألعب برايدن .. و وصلت لما أبطل رايدن مفعول القنبلة الموجودة في المكان اللي ابتدأت التحكم فيه ( القنبلة اللي فوق الماي موجوده ) .. و أثناء محاولتي للخروج من المكان طلع لي المره السوده و اللي معاها سح كهربي كبير و تعاركت معاها .. بعدين أتى رفيجها فامب اللي يمص الدم و أطلق عليه رايدن طلقة اصابت راسه .. و حسباله أن مات .. بس لما صعد المصعد قام الريال فامب .. المهم لما صعدت بالمصعد اتصل فيني الكورينيل و عطاني مهلة مدتها 400 ثانية علشان أوصل للمبنى E و أروح لسرداب هذا المبنى .. بس المشكلة أن باب السرداب يبيله بطاقة لفل 5 .. و أنا ما عندي الا بطاقة لفل 1 !! و علما أتذكر أن بطاقه لفل 5 موجودة عند الشرطي الأسود .. بس الأتصال بيني و بينه انقطع لأنه مات الظاهر :":

فممكن تقولولي وين أروح الحين و شنو اسوي و بالتفصيل .. بلييييييز و بأسرع وقت :( :(
GUNDAM X
01-02-2002, 05:44 AM
سلام محمود
منو قال انك لازم تروح السرداب ؟؟
روح السطح
اصعد السلم اللي عاليمين و رح تصعد السطح
اهناك رح تباري رئيس fatman
تبي اعلمك اشلون تفوز عليه بسهوله ولا اخليك تفكر و تلعب بروحك
اذا تبي تفكر لا تكمل اذا ماتابي
طف القنابل الي يحطهم المتين
بعدين روح و طقه عادي (بوكسات :)) و لما يطيح روح جدامه و نيشن على راسه بالفرد
طاقته رح تروح باسرعه
و كرر :D
و السلام
M7MOOOD
01-02-2002, 07:41 AM
يعني أقالته فوق سطح مبنى E ؟؟

و بعد ما أقاتله ... وين أروح و شنو أسوي ؟؟؟؟؟؟؟؟؟
ستيف بورنسايد
01-02-2002, 08:37 AM
بعد ما تهزم فات مان بجي النينجا وبيعطيك بطاقة وملابس تنكر
Auron
01-02-2002, 08:41 AM
بعده يجيك النينجا؟؟؟ الي هو ...... ولا بلاش (لا نحرق اللعب عليك)

المهم بعد فات مان يجيك النينجا ويعطيك لبس جنود وبعدين تروح الـShell1

core ..ما ادري وش اسمه هو زي كذا تقريبا المهم .... تروح للـ B2 وتاخذ

الميكروفون (المكبر الصوتي تلاقيه جوا غرفة الكمبيوتر على اليسار)

خذه وارجع للـ B1 واذا الجندي طلع في دورية استكشاف ازنطه(امسكه

برقبته) وحط وجهه قدام الجهاز الي يفحص العيون وبعدين تدخل غرفة

الرهائن....... وAmes يكون على اليسار تحت مرررررررررة وحتسمع صوت

دقات قلبه سريعه وقوية بالميكروفون.........بس انتبه لا ترططم باي

جندي لانك اذا صقعت فيه حيروح اللبس اوتوماتيك وتنكشف واهم شئ

عشان ما يشكون فيك الجنود (وهو لا زم تسويه) تلاقي الرشاش الروسي

AKS-74U

ولا تطلق اي شئ لان الجندي الي في غرفة الرهائن على اتصال دائم

بقاعدته (شف النجاسه) ولا تفكر انك تلمسه ولا تخدره وعندك في نفس

المكان المنظار الحراري تلاقيه على يسار الشاشة ورا المنصة حقت

الخطب لا تنساه تراه مهم



...واذا تبي اي شئ قول لي

وانا حاضر
M7MOOOD
03-02-2002, 03:11 AM
أبي مساعدة ثانية :(

أنا بعد ما قاتلت الرئيس السمين اللي يزرع القنابل .. أتى النينجا لي و عطاني ملابس جنود .. و بعدين رحت لـShell1 و رحت للمصعد و لقيت كاميرا مراقبة عند المصعد .. كل ما تشوفني و أنا ما عندي سلاح الجنود تطلع أنذار ... و لما حطيت المفجر اللي يشوش الكاميرا .. و أنا أنتظر المصعد أنتهى المفعول و طلع جرس انذار ثاني و صادوني :":

فممكن تقولون لي شلون اعدي المكان !!!!!!!
SoS 360
03-02-2002, 10:18 AM
يا الاخ محمود لاوم تروح المخرن ( اللي تكون غرفه مصممه من طابقين اللي وقت فيها وحده من قنابل c4 ) راح تلقى تحت سلاح المجله عدل ":" انزل عند السلاح تحت راح تلقى جدامك بابين عليهم ( لازم يكون عندك كرت lv 2 ) اللي عطاك ايها النينجا دش الباب اللي تحت في المخرن راح تلقى سلاح ak .

واي خدمه انا حاضر q8al7ob@hotmail.com
ستيف بورنسايد
03-02-2002, 01:31 PM
زي ما شرح لك البرت ويسكر خذ الرشاش
وبعدين روح الى المصعد الي عنده الكاميرا الي تكشفك
والبس لبس العدو ولابد ان يكون عندك الرشاش
M7MOOOD
04-02-2002, 05:29 AM
أبي مساااااعدة :":

أنا الحين في Shell1 و في السرداب الأول B1 و لقيت فيه باب ما ينفتح و يمه جهاز يعاين عيون الحراس ... المهم لما أحط عين رايدن الباب ما ينفتح لأن عينه مو معروفه ... فقمت و خذيت لي جندي من الجنود الثلاثة اللي في الغرفة و اللي يعملون دورات استكشافية و قمت و كسرت رقبته ... و لما كنت أبي أحطه عند جهاز كشف العيون علشان ينفتح الباب لي .. ما يوقف الجندي و ما أقدر أثبته .. و كل ما أتركه جدام جهاز معاينة العيون يطيح :": :": :":

فممكن تقولون لي شنو هو الحل و أي زر اضغط و وين أروح و شنو أعمل ... علما بأني خذيت كل الأدوات في B2 ... و شكرا مقدما لكم .
SoS 360
04-02-2002, 09:42 AM
لا تقوم بكسر رقبة الجندي قم بتسلل من خلف الجندي وقم واسحب الحندي الى ما اللي يفحص العيون وخل الجندي يمقابل مال العيون راح يطلع مشهد يقوم فيه رايدن بوضع راس الجندي في الكاشف مال عيون وتدخل الباب

( ملاحظه لازم بكون الجندي مستيقظ مو لازم يكون نايم او ميت )
M7MOOOD
05-02-2002, 02:46 AM
أبي مسااااااااعدة :o

أنا الحين وصلت عند غرفت الرهائن ... ممكن تقولون لي شنو أعمل و وين أروح بالتفصيل لأني مو عارف و لا شي ...

و تراني مليت و طقت جبدي كل شوي أوصل لمكان صعب ما أقدر أعديته .. ما قمت أستمتع باللعبة :( :( :( :( :(
ستيف بورنسايد
05-02-2002, 01:02 PM
خذ المايكرفون (ما ادري عاد هو مايكرفون ولا لا)
من قائمة الاسلحة
بعد ذلك روح قدام من الجهة الي ما فية الجندي
وبعد ذلك بتشوف مجموعة اسرى اتركهم
وبعد ذلك بتشوف اسير واحد ما تحته احد
ضع المايكرفون وبيتكلم معاك
M7MOOOD
05-02-2002, 04:09 PM
و شلون أحط المكرفون عنده !!! و المكرفون اللي عندي ياه مو بقائمة الأسلحة .. بل بقائمة الأدوات .. المهم .. و بعد ما أتكلم مع هالأسير ... وين أروح و شنو أسوي !!!
ستيف بورنسايد
05-02-2002, 04:14 PM
بعد ذلك بجي ريفولوقر
وبجي كمان النينجا ((حرقت اللعبة عليك)
M7MOOOD
05-02-2002, 05:17 PM
مشكووووووووور أخ ستيف على هالمساعدات ...

و الله يعطيك ألف عافية .. و هالشي ماراح أنساه لك .. بس تعال قولي .. أي رهين اللي لازم أحط عنده المكرفون .. لأني رحت عند رهين رهين .. و المكرفون ما ينحط عندهم ... تراني والله ضعت :( :( :( :(

الله يخليكم ساعدوني .. تراني ما عدت أتحمل هالشي :(
SoS 360
05-02-2002, 05:23 PM
حط الميكرفون عند جميع الرهائن اللي يطلع منه صوت مثل الصفاره ونبضاته سريعه اهو ames اضغط زر المثلث عشان تكلمه

اهو لون شعره رصاصي واذا ما تبي الجندي يزعجك حط له المجله ولا تحاول تخدر الجندي
M7MOOOD
06-02-2002, 02:47 PM
شكرا على المساعدة ...

بس أنا الحين علقت في مكان ثاني :( :( :(

الحين أنا وصلت للممر اللي يربط Shell1 مع Shell2 ... و لقيت هناك قنابل ... و لازم أبطل مفعولهم .. فدمرت 9 قنابل و باقي لي واحد ....

ممكن تقولولي وين ألقاه و بالتفصيل ... و هاذول هم القنابل اللي دمرتهم :

1- قنبلة فوق الباب اللي خرج منه رايدن .

2- قنبلة عند الدرج المقابل للباب اللي طلع منه رايدن تحت.

3- قنبلة ثانية عند الدرج المقابل للباب اللي طلع منه رايدن تحت.

4- قنبلة مواجه للباب اللي خرج منه رايدن و معلقة على عامود قصير .

5- قنبلة على الكاميرا الطائرة المراقبة .

6- قنبلة على يسار مدخل Shell2 .

7- قنبلة على يمين مدخل Shell2 .

8- قنبلة عند مكان تجمع الحمام .

9- قنبلة موجوده على الممر بأقصى اليسار تحت .

و هذه هي القنابل اللي عرفت مكانهم و دمرتهم .. و باقي لي قنبلة وحده .. ممكن تقولون لي وين ألقاها و بالتفصيل و بسرعة الله يخليكم

:( :( :(
msm
06-02-2002, 02:57 PM
10 - قنبلة خلف العلم .
M7MOOOD
06-02-2002, 03:09 PM
خلف العلم !!!

أنا دورت خلف العلم وز ما لقيت شي ؟؟؟

ممكن تحدد مكانه أكثر ...

و شكرا .
SoS 360
06-02-2002, 03:38 PM
في قنبله خلف العلم انت صوب على العلم وراح تصكر القنبله واي مساعده انا حاضر

q8al7ob@hotmail.com الماسنجر