التخسيس واللياقة ابي انقص 15 كيلو في الشهر .. ككيف ؟ [الأرشيف]

مشعل5

20-05-2011, 09:21 AM

السسلام عليكم ورحمة الله وبركاته ..

كيفكم وش اخبآآركم .. آن شآء ـآلله تمآآآم ..

شبآب انا ابغي انقص 15 كيلو في شهر !

انا فككرت اسوي حميه وامشي لككن ما اعرف المشي يفيد او فيه تمرين معين يحرق الدهون ..

وراح اشتري الة جري ( سير ) كهربائي .. وابي نصايحكم

مع العلم ان وزني 120 او 110 بين ها الرقمين مع العلم اني اخره مره قست قبل سنه ونص ككان 118 تقريبآ ..

ومن بعدهآ نقصصت لاني ككنت اخفف من الاكل وجبه وحده في اليوم لمدة شهرين يمككن ! وتغير شكلي الكرشه خفت

مع العلم ان اككبر منقطة تحتوي عندي من الدهون أهي الاردآف بشكل ككبير .. هل فيه تمرين لحرق شحوم الاردآف ..

انتظر ارائكم .. والسلام عليكم ورحمة الله وبركاته !

Rashid.S

20-05-2011, 09:38 AM

وعليكم السلام ورحمة الله وبركاته

اولا اخوي من الصعب خسارة ١٥ كيلو في شهر لان معدل النزول الطبيعي من نص الي ١،٥ كيلو في الاسبوع
ممكن اول اسبوع تنزل نزول قوي ك ٤ كيلو او ٣،٥ وهذا راح يكون بخسران الماء الزائد بالجسم وبعدها جسمك يمشي على المعدل الطبيعي

وبخصول الدايت لازم تاكل ثلاث وجبار رائيسيه واثنان الي ثلاث فرعيه بين الوجبات
الرائيسيه ظيف عليها سلطه وتكون الصباح بياض ٣ او اربع بياض
مع سلطه ممكن تكون سلطه واعصر عليها ليمون وحط جبنه بيضاء

الغداء صدر دجاج او تونا مع سلطه

العشاء لحم احمر مشوي او تونا او ممكن بيضتين وتنوع مع سلطه

الفرعيه فواكه او حليب حجات خفايف

مشعل5

20-05-2011, 09:50 AM

ككيلو واحد في أسبوع !!

يعني في الشهر بس 5 كيلو !

وطيب ايش التمآآرين ـآلللي اسويهآ لحرق الدهون ايش تنصحوني

Rashid.S

20-05-2011, 10:02 AM

ادخل على الاجهزه اول اسبوع عشان تزيد من لياقتك

٢٠ دقيقه سير عشرين كروس او ابتيكال و عشرين دراجه واذا فيك حيل اسبح شوي
بعدين بتحصل جداول حلوه هنا ادخل قسم المواضيع المميزه وبتحصل اللي يعجبك ان شاء الله

amma271

20-05-2011, 10:06 AM

أخوي معلومة بسيطة
النزول السريع في الوزن شي غير صحي و قد يضر بجسمك
و أخوي راشد ما قصر معك الله يعطيه العافية

مشعل5

20-05-2011, 10:29 AM

يآشبآب .. انا ابي ازيل الكرشه والاردآف في شهرين ..

انا مآ قلت رآح اصير ( عود أسنآن ) لا ابي وزني يكون 80 .. بس ابي اغير من شكلي ع خفيف وخاصه في منطقة الآردآآف اككثر من الكرش ..

ووياليت التمآرين الي تساعدني ع ازالة الاردآآآف .. والمشي رأح استعمل السير ( الة الجري ) ..

عطوني اراكم والله محتآآر

Rashid.S

20-05-2011, 10:50 AM

بصراحه ما في شي اسمه حرق الدهون بمنطقه وحده وبذات في الكرش ولو كان فيه ،، كنت انا اول واحد انفذها :d
الدهون تروح من الجسم تدريجا ،، حبه حبه مثال تقريبي اخر دهون انحطت بالجسم
هي اول دهون راح تنحرق وبعده وبعدها الين توصل لاول منطقه انحط فيها دهون وهي البطن صحيح راح تخف البطن بس ما راح تروح نهائيا قبل باقي الاشياء ،، بس انا سمعت مره ان حرق الدهون الموضعي ممكن انه يتطبق على الارداف والراجل بشكل عام ،،
واذا كانت المعلومه صحيحه ان شاء الله يفيدونا بها اصحاب الخبره ،،

مشعل5

20-05-2011, 10:54 AM

وألله مدري يالغآآلي

انتظر رد الشباب ..

وهل الـ 10 كيلو تغير في الشكل او ماتغير شي؟

Rashid.S

20-05-2011, 11:03 AM

تغير كثير ،، ولا تخاف ،، يمكن انت مستصعبها شوي ،، بس يبيلها شوي من عزيمتك
صدقني بترتاح جدا بعدين راح تشوف الفرق كل شوي لو عندي لك صور طول رحلتي الرجيميه كان وريتك الفرق في كل كم كيلو ،،
اذا قدرت تتغلب على نفسك وتدخل تمرين وتنتظم ،، وعندك العزيمه الكافيه
انا اقولك مو راح تنزل ١٠ كيلو راح توصل لوزنك المثالي
بس حط اهدافك حبه حبه يعني جزئهم اول هدف يكون ٢ كيلو بعدين الهدف اللي بعده ٥ كيلو واللي ٣ كيلو مثلا
وان شاء الله تحقق مرادك

khzzar

20-05-2011, 01:08 PM

نصيحة على السريع النزول السريع راح يسبب لك ترهلات وراح تتعب في علاجها

حط في بالك فترة طويلة لين توصل للوزن اللي تبغاه ولا تستعجل فتندم

تحياتي

abu kinan

20-05-2011, 01:13 PM

15 كيلو في الشهر اقلك مستحيل مستحيل مستحيل ولو حصلت مع اني ارى انه مستحيل سوف يكون لذلك اثار سلبيه جدا جدا جدا

ابولطيفه

20-05-2011, 01:52 PM

اخوي انت تقول انك تاكل وجبه وحده في اليوم وهذا اكبر غلط

نصيحت مجرب صحيح تنزل بسرعه لكن الوزن يرجع دبل

خل اكلك صحي وكل ثلاث وجبات معتدله وابعد عن الدهون والسكريات

وبنسبه للارداف هذا طال عمرك حلها سهل اسهل من الكرش بكثير

انا عن نفسي مجرب جهاز الابتكال والله جاب نتجيه طيبه معي وفي الاخير اقولك مو مهم كم تنزل الاهم المقاسات

والله يوفقك

اسدالسيارات

20-05-2011, 04:31 PM

وليد وبس

20-05-2011, 06:51 PM

لاتتعدلى 12 كيلو او شهر بحد اقصى

انا لي تجارب مع انقاص وزن سريع جدا وكانت فاشله النتيجه يرجع دبل الوزن !!

انا ماشي على نظام هادي الان

mak222

20-05-2011, 11:53 PM

انا كان وزني 115 واحين بفضل الله 81 كيلو بس اخذ معاي وقت طويل لاني انا قطعت الرياضع فتره

المهم بعطيك كم من نصيحه اهم شي تمشي + تركض يعني فاليوم 45 دقيقه وايد اوكي ... وابعد ع شي اسم فـأاست فووود انسى من حياتك وابعد عن المشروباات الغاازيه و عن الحلويات والجبوسه والعيش والمنتدى والكبسه والبرياني

حاول تخلي اكلك كله مشاوي وكل ثلاث وجبات عاديه يعني الصبح كل بيض بس بدون صفار والغداؤ كل صدر دجاجه او سمك او خضرا مسلوقه وكثر من الخضرا ...

ونصيحه كثرمن ( الانااناس و الشاي اخضر بدون سكر )

وربي يوفقك واهم شي انك ما تتملل يوم تسوي الرياضه خلي عندكـ هدف عشان يزيد اصرارك

abu kinan

21-05-2011, 01:09 AM

معليش أخواني أنا شخصيا أول شهر في الصالة نزلت 12 كيلو (كيلو ينطح كيلو )
التفصيل ( أول أسبوع لياقة وثلاث أسابيع الباقية سويدي نص ساعة ).

يعني أنا لو شاد حيلي نزلت أكثر من 12 كيلوو

وبالتوفيق ,, لاكن أنا شخصيا ما أنصح تنزل أكثر من 8 كيلو بالشهر أفضل مثل ما قالولك الأخوان بخصوص الترهلات

لو نزول الشخص 12 كيلو بشهر بشكل طبعيي وسهل ولو شاد حيله كان نقص اكثر ماكان بقي احد على وجه الكره الأرضية يعاني من السمنة

وبصراحه هذه المداخله على تعليقك حصرا لسبب معين وهو انه بصراحه لما يجي واحد ويشد حيله بالدايت ويعمل رياضه وينزل حوالي 2 الى 3 كيلو بالشهر ويقرأ كلامك بيصاب باحباط شديد جدا لاعتقاده بانه فشل بالدايت طبعا الكل يتفق انه أول شهر بيكون النزول سريع بسبب نزول السوائل وليس الدهون وهذا كلام موثق علميا وعمليا

abu kinan

21-05-2011, 01:12 AM

لاتتعدلى 12 كيلو او شهر بحد اقصى

انا لي تجارب مع انقاص وزن سريع جدا وكانت فاشله النتيجه يرجع دبل الوزن !!

انا ماشي على نظام هادي الان

يا أخي 12 كيلو مين في شهر هي عملية شفط دهون ولا دايت ؟؟؟؟؟؟
حتى شفط الدهون ما أتوقع بيخسرك 12 كيلو مرة وحده

وليد وبس

21-05-2011, 09:30 AM

يا أخي 12 كيلو مين في شهر هي عملية شفط دهون ولا دايت ؟؟؟؟؟؟
حتى شفط الدهون ما أتوقع بيخسرك 12 كيلو مرة وحده

مع تمارين ودايت يقدر وخاصه اول شهر
دائما اللي عندهم نسبه الدهون عاليه ينحفون بشكل سريع جداً
انا في بدايه رجيمي كان اكلي ممتاز ولا فيه حرمان لكن كنت اتمرن كثير
كان وزني ينزل باليوم نصف كيلو !! نهايه الشهر 12 كيلو نزلتها وبدون ترهل
لاني كنت حاب اعطي نفسي دفعه اول شهر عشان استمر
بالشهر الثاني بديت بشكل بطيئ يعني بالشهر 5 كيلو

buraydawi

21-05-2011, 09:44 AM

ماقصروا معك الاخوان
الله يجزاكم خير جميعا

اسدالسيارات

21-05-2011, 03:17 PM

لو نزول الشخص 12 كيلو بشهر بشكل طبعيي وسهل ولو شاد حيله كان نقص اكثر ماكان بقي احد على وجه الكره الأرضية يعاني من السمنة

وبصراحه هذه المداخله على تعليقك حصرا لسبب معين وهو انه بصراحه لما يجي واحد ويشد حيله بالدايت ويعمل رياضه وينزل حوالي 2 الى 3 كيلو بالشهر ويقرأ كلامك بيصاب باحباط شديد جدا لاعتقاده بانه فشل بالدايت طبعا الكل يتفق انه أول شهر بيكون النزول سريع بسبب نزول السوائل وليس الدهون وهذا كلام موثق علميا وعمليا

أنا عارف أن أول شهر بينزل بسرعة علشان كذا أنا وضحت أن أنا يوم أنزل أول شهر من بداية التخسيس وأنا ألحين أنزل في الشهور إلي بعد الأول 8إلى 9 كيلو ويناقص تدريجيا

abu kinan

21-05-2011, 04:02 PM

أنا عارف أن أول شهر بينزل بسرعة علشان كذا أنا وضحت أن أنا يوم أنزل أول شهر من بداية التخسيس وأنا ألحين أنزل في الشهور إلي بعد الأول 8إلى 9 كيلو ويناقص تدريجيا

بعد اول نزول للوزن بسرعه والكل يعرف هذه النقطه أصبحت تنزل 8 - 9 كيلو في الشهر ؟؟؟؟ لاتعليق

MANJNR

21-05-2011, 06:11 PM

لو نزول الشخص 12 كيلو بشهر بشكل طبعيي وسهل ولو شاد حيله كان نقص اكثر ماكان بقي احد على وجه الكره الأرضية يعاني من السمنة
وبصراحه هذه المداخله على تعليقك حصرا لسبب معين وهو انه بصراحه لما يجي واحد ويشد حيله بالدايت ويعمل رياضه وينزل حوالي 2 الى 3 كيلو بالشهر ويقرأ كلامك بيصاب باحباط شديد جدا لاعتقاده بانه فشل بالدايت طبعا الكل يتفق انه أول شهر بيكون النزول سريع بسبب نزول السوائل وليس الدهون وهذا كلام موثق علميا وعمليا

---------------------

الله على كلامك يا كووووتش حكم تنقط عسل ^_^

abu kinan

21-05-2011, 06:31 PM

---------------------

الله على كلامك يا كووووتش حكم تنقط عسل ^_^

يا أخي والله مافي شي شخصي بس يجيك واحد يقول الطبيعي 12 كيلو في شهر ولا التان يقول لاتزيد عن 8 كيلو بالشهر :boggled:

زي اللي يجي يقول خذيت واي بروتين ب70 ريال :09: