بعد الانضباطيه والمكملات لا يوجد اي تحسن !

[thamory]

السلام عليكم

يسعد مساكم .. بصراحة عندي استفسارات كثيره ولكني مابي اكثر عشان مايضيع الموضوع

انا لي تقريباً ثلاث شهور في بناء الاجسام وسبق طرحت موضوع سابق قبل اقل من شهر ..

واستخدم واي بروتين وكازين فقط لحد الان..

اللي الاحظه ان جسمي ماعاد يتفاعل معي بالتمارين يعني بالشهرين الاولى بعد كل يوم وبعد كل اسبوع احس بفرق
وان كان بسيط .. الحين ثابت تماماً لا عضل لا دهن .؟!!

هالشي له تفسير ..؟ او ناقصني شي .. علماً باني ماشي على جدول كل يوم عضله

علماً اني نوعت بالتمارين وغيرت ايام الراحه والتمارين اكثر من مره

نومي تحسن كثير حالياً عكس البداية كنت انام ثلاث اربع ساعات بس ومع كذا فيه تأثير
ويوم ضبطت اموري انتهى التأثير !!

باكتفي بهالنقطة بهالموضوع فقط

[بردان1]

طيب كيف التغذيه اخي ؟

وعموما ترا طبيعيا اول شهرين هذي كل شخص يتهول من نفسه بسبب النتايج المتضاعفه الجسم بسرعه يتقبل الوضع
يعني اخبر اول شهر لي اجي الاسبوع هذا العب واشيل وزن اتقطع عشان اشيله واجي الاسبوع الي بعده اشيل ضعفه وهكذا
ولما تاصل بعد شهرين تبدا تتاخر العملية شوي شوي
لكن مو معناته ماراح تشوف نتايج الا اكيد تشوف لازم بس تاكد من تغذيتك يالغالي وتاكد من اداءك بالتمرين ( تركيز على العضلة < ترا هالشغله والله مهمه ) يعني تادي التمرين بافضل شكل بوزن قوي

وان شاءالله تشوف نتايج احلى
موفق

[thamory]

التغذيه ممتازه الحمدلله والتركيز جيد

الف شكر لك

[Rashid.S]

اقلب جدولك فوق وتحت وغير تمريناتك شوي

واقطع البروتينات على الأقل لمدة اسبوع او اسبوعين واهتم بالتغذيه اكثر والنوم لمدة 8 ساعات ليلا
تجنب الكافين ليللا عشان تنام نوم عميق لان الفايده ما تجي الا بعد ساعه من النوم العميق ،،

وان شاء الله راح تشوف تغير
" اقلب جدولك فوق تحت = العب الرجول اول شي اذا كنت تلعبها اخر شي والصدر اخر شي اذا كنت تلعبه اول شي "
وخلي المدرب معك عشان يشجعك لشيل الاوزان او ينبهك اذا وضعيتك غلط ،،

[thamory]

نصيحه حلوه

اليوم راحه وبكره عندي صدره بقلبه رجل !

بس البروتينات توي بادي اخذها ماله داعي اقطعها بهالسرعه !

واذا فيه شي اضيفه لهم ماعندي مشكله قبل لااقطعها في رمضان

[Rashid.S]

حلو قلبة الجدول ما تسويها الا افي بداية الاسبوع يعني في بداية الجدول
ودامك توك بادي مكملات ما يحتاج تقطعهم واذا توك تحت ال18 ما تحتاجه فوقفهم
الواي خذه اول ما تصحى وبعده بنص ساعه فطورك خذه مع ماي
وخذه بعد التمرين مع ماي
والكزين بعد التمرين
وتقدر تزيد bcaa خلال التمرين وبعده ،،

[thamory]

اكثر من شخص نصحني بالبي سي شكلي بضيفه للكورس

شاكر لك جهودك اخوي راشد

[thamory]

عذرا على كثرة الاسئلة

البي سي اللي عرفته انه احماض مثل الامينو و وو و

وش الافضل اخذ او ليه الاغلب نصحني بالبي سي وش زوده عن غيره ؟

[1رحال]

^^^^^
مناسب للضخامه زنسبة الاحماض الي فيه ممتازه

[Rashid.S]

الامينو 2222 مكون من العديد من الامينوات الاساسيه والغير الاساسيه
والبي سي اي اي مكون من ثلاث امينوات واحيان يضاف عليهم الجلوتامين في بعض الشركات


هذا الفرق ،،
لكن اش الافضل فيناس تقول هذاك افضل لان كل الامينوات اللي تبيها تحصلها
وفي ناس تقول ال بي سي اي اي وانا بالنسبه لي اذا بتنشف ما تاخذ الا بي سي اي اي
اما اذا بتضخم انت مخير ،،

[thamory]

كل الشكر لك ياوحش

[Rashid.S]

العفووو أخوي ،،

[بارجيم]

اكيد في مشكله في اكلك او نومك او تمارينك
ولو طبقت هالثلاث اصبر على النتائج
اكيد مو في يوم وليله

[thamory]

المشكلة عندي بديت احس فيها وتاثر علي كثير في الجزء الايمن
ان كان صدر او كتف او حتى باي !!

يعني اوضح لك لما العب صدر تفتيح احس بالم شديد في عضلة الباي اليمنى !

غير ان عضلة الصدر اليمنى اصغر من اليسرى
واحس فيه الم بسيط يجي ويروح بين وقت والثاني باسفل الكتف الايمن !

احسه مأثر على تماريني كثير ولا ادري وش حله

[بردان1]

^^ مثل هالمشاكل طبيعي ان شاءالله يعني كثير بالبداية يلاحظ هذي اكبر من هذي وهذي اصغر من هذي
لكن مع الوقت راح يتلاشا ويتعادل الجسم بس ابعد عن الاجهزة وخليك على الاوزان الحره او الاجهزه الي تكون كل ذراع يتحرك لحاله عشان يتزن وحاول تركز بتمرينك على العضلة

وان شاءالله مع الوقت تشوف تحسنات وموفق اخي

[red angel]

أخي الكريم الكاسين لا ينفع بعد التمرين مباشرلصبح لبطىء إمتصاصه إستخدمه فقط قبل النوم واستخدم الواي الصبح وبعد التمرين مباشره وأضف لكورسك كرياتين منوهيدرات + فايتامين ونظم نومك وأكلك وسترى الفرق

تحياتي

[thamory]

الف شكر لكم

وفعلا رياضة تحتاج صبر