المساعد الشخصي الرقمي

مشاهدة النسخة كاملة : كمال الاجسام نصيحتكم و المشورة مشكلة باليد اليسار


death screen
31-05-2011, 04:30 PM
السلام عليكم ورحمة الله وبركاته...

اخواني الكرام الكابتن المحترمين,,,

حاب اخذ نصيحتكم انا ليا فترة تقريبا 5 اشهر العب حديد بس عندي مشكلة متعبتني جداُ وهي مشكلة في اليد اليسار تتعب
بسرعة وما اقدر بعدها اشيل اوزان يعني غالبا بلعب عليها بال 20 كج بس احس انها تتخدر و رحت المستشفى وعملت فحص واشعه ولله الحمد ما تطلع فيها اي شي فا املي بالله ثم بالكباتين كبير باعطائي النصيحة

وثانيا لو في احد يقدر يفدني بجدول مفيد وهذي معلوماتي

الوزن 78 كج
الطول 178 سم
الدهون تقريبا 12-13 %
العمر 26 سنه

بس عندي مشكلة صغيره جدا والحمد الله على كل حال ( عندي التهاب بالكبد بي).

ولكم من جزيل الشكر والعرفان.
اخوكم الصغير.
THh Rock
31-05-2011, 09:53 PM
وعليكم السلام ورحمة الله وبركاته
سلامات يا بطل ما تشوف شر
وعندك ضعف فقط في الساعد حاول تمرن سواعدك يوم ايه ويوم لا ...... والاهم شكل في التمريين
العاشق M
01-06-2011, 01:10 AM
ماقصر الكبتن احمد
بس حبيبي اخذ احتياطك ولبس هذآ الشداد الي يجي في الكوع ناسي اسمه
وراح تحس زياده في القوه
اسـم العضو
01-06-2011, 01:44 AM
انا مثلك اعاني من ضعف في اليد اليسرى .. اعتقد اغلب الناس .... من شهرين وانا مركز على اليد اليسار .. دايم اقلل من التكرار في اليمين وازيد في اليسار .... والحين انا ملاحظ ان الفرق بدا يختفي بين اليسار واليمين
oO LoOodDy Oo
01-06-2011, 02:29 AM
شف وأنا أخوك إن كان قصدك ألم في الساعد
وبالضبط يألمك كثير وخاصة بعد تمارين الباي هذا الساعد


لكن أخاف إنه يكون لا قدر الله مفصل


على العموم


الساعد الضعيف إختلفوا فيها الناس


منهم الي قال هذي عضلات ضعيفة ولازم تقويها .. وفي ناس جربو زادو قوتها ونفعت وناس ما نفعت يعني على حسب موقع الألم بالضبط وعلى حسب الجسم


وفيه ناس قالوا هذي نقص فيتامينات ومنهم الي جربو ناس نفعت وناس ما نفعت


ومنهم الي قالو بالضبط نقص فيتامين ب6 على ما أعتقد لكن ما ني متأكد
وناس نفعت وناس بتقول مانفعت
حتى شفت أنا بنفس يضربون أبر في منطقة الساعد بالضبط


وفيه الي جاب شد يربط في أول الساعد جهت الكف ونفعت معاهم كثير


طيب بتقول ليش ناس إيه وناس لا
لأن السواعد ماهي عضلة ولا عضلتين أنا يوم شفت تشريح الأجسام حصلت فوق العشر العضلات ... إيه نعم.. لكن عضلات دقيقة
علشان كذا تختلف الآراء


فأنت شوف الي يناسبك وإن شاء الله راح تلقى الحل



مع تحياتي لووودي
death screen
01-06-2011, 10:41 AM
اهلين بالكباتين ...
منوررين والله

اولا احب اشكركم على الدعم والمعلومات ...

الكبتن احمد : مشكور عزيز على المعلومة وان شاء اشتغل عليها.

الكبتن العاشق : منور الموضوع بمرورك

الكبتن اسم عضو: مشكور على النصيحة وان شاء الله راح اشتريها واجربها.

الكبتن LOODY MONSTER : اشكر كل الشكر على المعلومات ، ولله الحمد انا عملت اشعة على كتفي و اليد اليسار بصفة عامة و طلع كل شي سليم بس خبرني الدكتورانه يصير التهاب في العضلة اثناء اللعب فقط.

تحياتي للجميع