انا لي اروح النادي 3 ايام ... سؤال للوحوش لو تكرمتم

[عبادي الاحمد]

السلام عليكم ورحمة الله وبركاته


طولي مادري بس تقريبا 165

الوزن : 54

العمر : 26



انا لي مسجل في النادي 3 ايام فقطط ..... والحمدلله بديت اهتم بتغذيتي كثيرررر


لكن سؤالي انا ما اتمرن كل يوم عضله المدرب يخليني اتمرن صدر واكتاف وبطات وباي كل يوم ؟ هل هذا عادي ؟ لاني اشوف كاتبين كل يوم عضله ؟


يليت احد يعطيني نصايح عشان عندي زواج وابي اظبط جسمي خلال شهرين او ثلاثه لان فيه زواج هههه

تكفون لاتنسون يا وحوش ساعدونا وشكرا لكم

[Rashid.S]

عادي يا بطل ،، هذا يسمونه كوكتيل او تشكيل

انت اول ما تبدأ التمرين تلعب على هذا النظام لمدة اسبوع او اسبوعين عشان لا تفاجئ عضلات جسمك
فتلعب كل شي وعلى اوزان خفبفه ومعقوله وبعدين تدخل على الجدول

واعطيك معلومه حتى اللاعب اذا قطع مدة كم اسبوع او شهر يدخل على هالنظام بس يمكن مده اقل ،، طبعا من وحش لوحش تفرق حبتين ،،

[عبادي الاحمد]

يعطيك الف الف عافيه اخوي وشكار لك

بس سؤال اخير هل خلال شهرين يمكن لجسمي يظبط وتبرز العضلات ؟

[HHSA2002]

نتائج رياضة الاجسام ما تجي إلا بالصبر وطولة البال مع الأنتظام في التمارين والغذاء المناسب + انها تختلف البنية الجسيمة من شخص لآخر

فصعب تقدر تحدد فترة معينة .

بعد شهرين يبان عليك انك تمارس الرياضة وتحس ان جسمك مشدود.

[بردان1]

خلال شهرين ممكن تتحدد العضلات
واذا كنت جاد بتغذيتك غنية بالبروتين واكل صحي ان شااءالله تشوف تحسن اخي لكن مفترض انك تدخل قبل
بس مايفوت الا الشر ان شاءالله ابدا الحين
وواضب على تمارينك واهتم بتغذيتك والنووووم

وان شاءالله تشوف نتايج حلوه
وانت اذا اسئل المدرب اذا الوضع الحين قصده جدول تسخين فهو طبيعي واذا مرت خمس ايام قله ياكبتن ابي ادخل بالجدول وابدا كل يوم عضلة او عضلتين ( كبيره - صغيره )

وانا من رايي عشان نتايج اسرع استخدم بس واي بروتين من اوبتمم بعد اسبوعين من الان ابدا فيه
طبعا اساسا جسمك بعالم كمال الاجسام يحتاج ضخامه لكن الضخامه تحتاج فترة وبعد هالفتره بتلقى كرش صغيرونه ودنيا لو تبي تستخدم مكملات القيينر وانتا عندك زواج فلذلك انا نصحتك بالواي
مع تغذية وواي بروتين بعد التمرين ان شاءالله تشوف بروز حلو ورسمم كويس بالجسم

موفق

[Rashid.S]

بدري على الواي ،، خل الرجال ياكل ٥-٦ وجبات

بعدين لاحقين على البروتين ،، اعذرني اخي بردان
بس من رايي خله ياكل الخضر واليابس بس ياكل نظيف ولا ياكل فاست فود وملك المندي
ويبعد عن الغازيات هذه كفيله انها تنفخه العضل اللي هو يبيه ،،

وش راييك ^_* << اقنعتك ولا تو ،،، ناوي يقنعه بالغصب ،، لوووول

[بردان1]

واو وش ذا النجمتين الي تحت اسمي
خخ الله يعطيهم الصحة والعافية توي اشوفهن والله

اخي راشد احتررم رايك اكيد رايك صحيح بس الرجال وراوه عرس عقب شهرين وترا البروتين ماله وقت محدد يعني صح ان اول شهر هذا يبي يروح بس تحريك للعضلة لكن قلت يستخدم الواي يفيده بهالشهرين لانه هو كل المدة شهرين
وانا قبل كم يوم شايفن رد للاخ ذاكاست وواصف لاحد الاخوات اعتقد اذا ماني غلطان سيريس ماس وهي ماتتمرن يعني مافيه مشاكل بالبروتين لانه مساعد تغذيه

وفيه والله واحد معي بالنادي دخل شهر ونص والله شوفت عيني شهر ونص ومن اوله دخل بواي قولد استاندرد والرجال عنده جسم الحين ماشاءالله ممتااااز بروز للعضلات بشكل واااضح جدا

يعني انا مثل ماقال الاخ راشد لازم التغذييييه ثم التغذيه لكن لنتايج افضل ماقترحت الواي عشانه بحاجة لنسبة بروتين اكثر لا اقترحته عشانه صعب تلقى بالاغذية بروتين سريع امتصاص لحاله
عشان كذا اعتقد ان الواي ماله بدييييل اطلاقا بلعبة كمال الاجسام لا بالاغذية ولا بالمكملات

واذا استمر على التغذية السليمة 100 بالمية يبي يشوف نتايج ان شاءالله ترضيه بس بفترة شهرين جدا قصيره

موفقين الجميع يارب واحترم رايك راشد :)

[Rashid.S]

عشان كذا اعتقد ان الواي ماله بدييييل اطلاقا بلعبة كمال الاجسام لا بالاغذية ولا بالمكملات

وانت بعد راييك على العين والراس ،، وانا اايدك على هذه النقطه ١٠٠٪
لاني بعد قاطع كل شي هلايام لان بعض الحاجات خلصت ،، وقلت اريح شوي
بس صرت اقول تمرين من دون واي ماله طعم ،، تجلس تفكر كيف بتغذي جسمك بعد التمرين

[الجافي101]

اخوي انا وياك نفس الجسم بالظبط انا طولي 166ووزني 55 .. اقرا مواضيعي وردود الاخوان فيها ان شاء الله تستفيد

[بردان1]

خخخ بالزبط هيك
صراحة احس انحفرت ببالي الجسسسسم متعطش واااااي بعد التمرين


وطبعا صاحب الموضوع القرار لك ممكن اول شهر تلعب وتشوف مع التغذيه الجديه اذا شفت فيه تطور من اول شهر استمر على الاغذية واذا حبيت تدخل البروتين فلا تدخل شي فيه فات لان وقتها يكون باقي شهر ع الزواج :) بس مثل ماقال الاخ راشد 5-6 وجبات

والله يوفقك باللعبة وبزواجك يارب

[عبادي الاحمد]

الله يعطيكم الف الف الف الف عافيه

اخوي بردان الواي اي نوع ؟ وكيف استخدامه ياليت تفيدني لاني قررت اخذ واي وهل له اعراض جانبيه ؟

[بردان1]

لا ان شاءالله ماله اعراض جانبيه اذا اخذته بطريقة سليمة

والنوع خذ واي بروتين قولد استاندرد من اوبتمم بس لاتنسى ترا مثل ماقال الاخ راشد تقدر تستغني عنه وتعتمد على الاكل بالبداية لانك مبتدء لكن ماجا المنع عشان ضرر لا بل لانك تقدر تحصل القدر اللازم من البروتين من الاطعمه بالبداية
لكن انا اقترحته لك لنتايج افضل واسرع

وطريقة استخدامه

سكوب مع حليب اول ماتصحى
سكوب مع ماء بعد التمرين مباشرة
سكوب مع حليب قبل النوم

وموفق ان شاءالله

[Rashid.S]

مداخله بسيطه

يفضل سكوب مع الماي اول ما يصحى وبعده بنص ساعه وجبة الفطور
لانك يا طويل العمر والسلامه بتقوم من النوم وجسمك متعطش للبروتين بمعنى احرى للامينو اللي فيه عشان يبني
فتاخذه مع ماي عشان يوصل لجسمك اسرع ويغذي عضلاتك ،،

لا تنسى يا اخي بردان انه توه طالع من مرحلة كتابولك من خلال النوم فالبروتين راح يدخله فالانبولك ،،،
يحتاج البروتين مع حليب الصبح اذا كان بياخذه سناك بعد الفطور بساعتين ونص ،،،

[بردان1]

^^

جزاك الله خير ومنكم نستفيد وانا والله كل خبرتي بهالسوالف جت منكم وتلقيط مثل هيك :) وهذي معلومه نضيفه للمخزون والمشوار طويل :)

موفقين الجميع

[عبادي الاحمد]

ماقصرتم والله

الله يعافيكم ويطول بعماركم :$

سؤال اخير وعد اخر سؤال ههههههههه

انا عندي دنابل في البيت هل ممكن عشان اطلع بنتايج اسرع اقدر العب فيها ؟ والعب ضغط ؟ والطريقه

[بردان1]

لا اخي ساعه الا ساعه ونص بالنادي خليك

وخمس ايام بالاسبوع ويومين راحه وانت حاول توزع الجدول مع المدرب تبعك

وبعد الناااادي لاترهق نفسك زيادة وبايام الراحة لاترهق نفسك ايضا الا اذا كان مشي او سباحة بيوم منهم وبعد مو مستحب

بس لاتسخدمهن اذا انت مشترك بنادي

وحط ببالك تضخيم العضلة زيادة وزن + تركيز بالتمرين + تكرارات قليلة

[عبادي الاحمد]

انا كل تمرين العبه اربع مجموعات عشر تكرارات ؟ صحيح ؟ كذا قال لي المدرب

[بردان1]

المدرب ادرا فيك مدامه مدخلك تسخين مادري كل مدرب وله شكل صراحة بالتسخين انا المدرب بدابي تسخين جدول عادي وقته بس باوزان مريحة جدا وفيه بعضهم اشوفه بدابهم بثلاث ايام شامل ومادري يعني
لكن اذا بديت جدوولك التكرارات لاتزيد عن عشر والجلسات مو كل تمرين 4 جلسات للعضلات الكبيره مثلا تبي تتمرن 5 تمارين خلي اول ثنين الرئيسيات 4 جلسات والببقيه ثلاث اما العضلات الصغيره دايم خليها 3

طبعا تختلف الاراء من هالناحية بس انا مقتنع بهالراي الي هو ماشي عليه انا الحين لان فيه ناس تقولك العضلة الكبيره كل تمارينها خليها 4 جلسات بس اشوفها ارهاق والفائدة تروح لان بوقت الضخامه اهم شي تكون خارج النادي وما احرقت كل السعرات

وموفق

[عبادي الاحمد]

اخوي بردان بيض الله وجهك كفيت ووفيت الله يعافيك مشكووووووووووووووووووووووووووووور

[بردان1]

الله يجزااااااك خير ويبيض هالوجه ياجدي


بالتووفيق للجميع