عضو جديد
السلام عليكم ورحمة الله وبركاته
طولي مادري بس تقريبا 165
الوزن : 54
العمر : 26
انا لي مسجل في النادي 3 ايام فقطط ..... والحمدلله بديت اهتم بتغذيتي كثيرررر
لكن سؤالي انا ما اتمرن كل يوم عضله المدرب يخليني اتمرن صدر واكتاف وبطات وباي كل يوم ؟ هل هذا عادي ؟ لاني اشوف كاتبين كل يوم عضله ؟
يليت احد يعطيني نصايح عشان عندي زواج وابي اظبط جسمي خلال شهرين او ثلاثه لان فيه زواج هههه
تكفون لاتنسون يا وحوش ساعدونا وشكرا لكم
عضو كمال اجسام خبير
عادي يا بطل ،، هذا يسمونه كوكتيل او تشكيل
انت اول ما تبدأ التمرين تلعب على هذا النظام لمدة اسبوع او اسبوعين عشان لا تفاجئ عضلات جسمك
فتلعب كل شي وعلى اوزان خفبفه ومعقوله وبعدين تدخل على الجدول
واعطيك معلومه حتى اللاعب اذا قطع مدة كم اسبوع او شهر يدخل على هالنظام بس يمكن مده اقل ،، طبعا من وحش لوحش تفرق حبتين ،،
عضو جديد
يعطيك الف الف عافيه اخوي وشكار لك
بس سؤال اخير هل خلال شهرين يمكن لجسمي يظبط وتبرز العضلات ؟
عضو كمال أجسام خبير
نتائج رياضة الاجسام ما تجي إلا بالصبر وطولة البال مع الأنتظام في التمارين والغذاء المناسب + انها تختلف البنية الجسيمة من شخص لآخر
فصعب تقدر تحدد فترة معينة .
بعد شهرين يبان عليك انك تمارس الرياضة وتحس ان جسمك مشدود.
HANI
عضو مميز
خلال شهرين ممكن تتحدد العضلات
واذا كنت جاد بتغذيتك غنية بالبروتين واكل صحي ان شااءالله تشوف تحسن اخي لكن مفترض انك تدخل قبل
بس مايفوت الا الشر ان شاءالله ابدا الحين
وواضب على تمارينك واهتم بتغذيتك والنووووم
وان شاءالله تشوف نتايج حلوه
وانت اذا اسئل المدرب اذا الوضع الحين قصده جدول تسخين فهو طبيعي واذا مرت خمس ايام قله ياكبتن ابي ادخل بالجدول وابدا كل يوم عضلة او عضلتين ( كبيره - صغيره )
وانا من رايي عشان نتايج اسرع استخدم بس واي بروتين من اوبتمم بعد اسبوعين من الان ابدا فيه
طبعا اساسا جسمك بعالم كمال الاجسام يحتاج ضخامه لكن الضخامه تحتاج فترة وبعد هالفتره بتلقى كرش صغيرونه ودنيا لو تبي تستخدم مكملات القيينر وانتا عندك زواج فلذلك انا نصحتك بالواي
مع تغذية وواي بروتين بعد التمرين ان شاءالله تشوف بروز حلو ورسمم كويس بالجسم
موفق
عضو كمال اجسام خبير
بدري على الواي ،، خل الرجال ياكل ٥-٦ وجبات
بعدين لاحقين على البروتين ،، اعذرني اخي بردان
بس من رايي خله ياكل الخضر واليابس بس ياكل نظيف ولا ياكل فاست فود وملك المندي
ويبعد عن الغازيات هذه كفيله انها تنفخه العضل اللي هو يبيه ،،
وش راييك ^_* << اقنعتك ولا تو ،،، ناوي يقنعه بالغصب ،، لوووول
عضو مميز
واو وش ذا النجمتين الي تحت اسمي
خخ الله يعطيهم الصحة والعافية توي اشوفهن والله
اخي راشد احتررم رايك اكيد رايك صحيح بس الرجال وراوه عرس عقب شهرين وترا البروتين ماله وقت محدد يعني صح ان اول شهر هذا يبي يروح بس تحريك للعضلة لكن قلت يستخدم الواي يفيده بهالشهرين لانه هو كل المدة شهرين
وانا قبل كم يوم شايفن رد للاخ ذاكاست وواصف لاحد الاخوات اعتقد اذا ماني غلطان سيريس ماس وهي ماتتمرن يعني مافيه مشاكل بالبروتين لانه مساعد تغذيه
وفيه والله واحد معي بالنادي دخل شهر ونص والله شوفت عيني شهر ونص ومن اوله دخل بواي قولد استاندرد والرجال عنده جسم الحين ماشاءالله ممتااااز بروز للعضلات بشكل واااضح جدا
يعني انا مثل ماقال الاخ راشد لازم التغذييييه ثم التغذيه لكن لنتايج افضل ماقترحت الواي عشانه بحاجة لنسبة بروتين اكثر لا اقترحته عشانه صعب تلقى بالاغذية بروتين سريع امتصاص لحاله
عشان كذا اعتقد ان الواي ماله بدييييل اطلاقا بلعبة كمال الاجسام لا بالاغذية ولا بالمكملات
واذا استمر على التغذية السليمة 100 بالمية يبي يشوف نتايج ان شاءالله ترضيه بس بفترة شهرين جدا قصيره
موفقين الجميع يارب واحترم رايك راشد
عضو كمال اجسام خبير
وانت بعد راييك على العين والراس ،، وانا اايدك على هذه النقطه ١٠٠٪عشان كذا اعتقد ان الواي ماله بدييييل اطلاقا بلعبة كمال الاجسام لا بالاغذية ولا بالمكملات
لاني بعد قاطع كل شي هلايام لان بعض الحاجات خلصت ،، وقلت اريح شوي
بس صرت اقول تمرين من دون واي ماله طعم ،، تجلس تفكر كيف بتغذي جسمك بعد التمرين
عضو كمال أجسام خبير
اخوي انا وياك نفس الجسم بالظبط انا طولي 166ووزني 55 .. اقرا مواضيعي وردود الاخوان فيها ان شاء الله تستفيد
عضو مميز
خخخ بالزبط هيك
صراحة احس انحفرت ببالي الجسسسسم متعطش واااااي بعد التمرين
وطبعا صاحب الموضوع القرار لك ممكن اول شهر تلعب وتشوف مع التغذيه الجديه اذا شفت فيه تطور من اول شهر استمر على الاغذية واذا حبيت تدخل البروتين فلا تدخل شي فيه فات لان وقتها يكون باقي شهر ع الزواج
والله يوفقك باللعبة وبزواجك يارب
عضو جديد
الله يعطيكم الف الف الف الف عافيه
اخوي بردان الواي اي نوع ؟ وكيف استخدامه ياليت تفيدني لاني قررت اخذ واي وهل له اعراض جانبيه ؟
عضو مميز
لا ان شاءالله ماله اعراض جانبيه اذا اخذته بطريقة سليمة
والنوع خذ واي بروتين قولد استاندرد من اوبتمم بس لاتنسى ترا مثل ماقال الاخ راشد تقدر تستغني عنه وتعتمد على الاكل بالبداية لانك مبتدء لكن ماجا المنع عشان ضرر لا بل لانك تقدر تحصل القدر اللازم من البروتين من الاطعمه بالبداية
لكن انا اقترحته لك لنتايج افضل واسرع
وطريقة استخدامه
سكوب مع حليب اول ماتصحى
سكوب مع ماء بعد التمرين مباشرة
سكوب مع حليب قبل النوم
وموفق ان شاءالله
عضو كمال اجسام خبير
مداخله بسيطه
يفضل سكوب مع الماي اول ما يصحى وبعده بنص ساعه وجبة الفطور
لانك يا طويل العمر والسلامه بتقوم من النوم وجسمك متعطش للبروتين بمعنى احرى للامينو اللي فيه عشان يبني
فتاخذه مع ماي عشان يوصل لجسمك اسرع ويغذي عضلاتك ،،
لا تنسى يا اخي بردان انه توه طالع من مرحلة كتابولك من خلال النوم فالبروتين راح يدخله فالانبولك ،،،
يحتاج البروتين مع حليب الصبح اذا كان بياخذه سناك بعد الفطور بساعتين ونص ،،،
عضو مميز
^^
جزاك الله خير ومنكم نستفيد وانا والله كل خبرتي بهالسوالف جت منكم وتلقيط مثل هيك
موفقين الجميع
عضو جديد
ماقصرتم والله
الله يعافيكم ويطول بعماركم :$
سؤال اخير وعد اخر سؤال ههههههههه
انا عندي دنابل في البيت هل ممكن عشان اطلع بنتايج اسرع اقدر العب فيها ؟ والعب ضغط ؟ والطريقه
ضوابط المشاركة
