ارجو المساعده وزني جدا منخفض ...

[meesi5]

معلومات المتقدم بالاستفسار :
العمر : 19 , الجنس : ذكر

الطول :172 متر
الوزن : 50 كيلوجرام

نسبة الدهون : 00.1

و الاستفسار كالتالي :
السلام عليكم ،

يا جماعة الخير مثل مو شايفين ، وزني جدا نحيف بالنسبة لطولي ،
وانا دخلت موقع وعملت حساب للوزن الطبيعي بالنسبة لطولي ..

طلع الوزن الطبيعي : 68 ك.غ ..

تصورو ؟ يعني انا بعيد عن الوزن الطبيعي بـ 18 كيلوو ، وهذا الطبيعي ، وانا ابغا فوق الطبيعي بعد << مو عاجبه :)

.
.

فإخواني ، أنا آكل بس مشكلتي اكل يوم واقطع شهر ، لدرجة وصلت اني آكل وجبة واحد فقط وبسيطة تكون
باليوم ، وباقي اليوم آكل أشياء فاضية ( شوقولاطة :) ، كوكاكولا وأخواتها ...الخ ) ..

فلقيت الحل الوحيد الذي لا ثالث له أني ألعب حديد ، لانه هو اللي بيخليني احصل على ( وزن + جسم ) ،
بس المشكلة هي اني ما اعرف كيف ابدا ،

.
.

كل اللي اريده ان حد فعلا يساعدني ويكسب فيني اجر ويعطيني ..

1ـ البروتينات اللي احتاجها في زيادة وزني وكيفية استعمالها ..
2ـ الجدول المناسب لي ،

علما اني كل اللي اريده جسم فتنس لا اكثر ولا اقل ، يعني ( جسم سمين بس مو زيادة ) << تعريفي للفتنس :) ..

.
.

وشكرا لعظيم اهتمامكم يا جماعة << والنعم :)
ملاحظة : يا جماعة اسلوب نداء .. :)

[meesi5]

معقول نص ساعة وللحين ولا رد ؟؟؟؟؟؟؟؟؟

[لاعب متقدم]

يا أخوي اول شئ يبيلك تاكل ما يصير وجبة و حدة و تقطع شهر أخوي أكل و بعدين ألعب حديد ما يصير ما تاكل و تلعب حديد أول شئ ما عندك طاقة و ثاني شئ إذا لعبت حديدما عندك طاقة و ما كليت شئ أنت بتحرق العضلات و وزنك بينقص نتيجة لي حرق العضلات و بصير جسمك جدا نحيف

[لاعب متقدم]

و المكملات بدون غذاء سليم ما تنفع و أسمها مكملات الأنها تكمل أحتياجاتك من الغذاء الطبيعي

[بردان1]

اخوي مثل ماتفضل الاخ

تمرين بدون تغذية = هدم وارهاق والام بالمفاصل ومستحيل يزود وزنك

اهم شي اخوي الحين سجل بنادي بس قبل لاتسجل خلك اسبوع اضبط تغذيتك انا مابي اقولك كل 5 - 7 وجبات من اول اسبوع
ابدا اول اسبوع قبل لاتسجل الصباح بيضتين كوب حليب مع كورن فلكس او شوفان وبعد كذا الساعه 11 موزه موزتين مع حليب او مكسرات وبعدين الضهر تغدا مع اهلك رز ودجاج او لحم مع الزلطات او الايدام اذا موجود وبعدين العشا يعني ابدا لو على الخفيف حسن تغذيتك شوي شوي واقطع نهائيا المشروبات الغااازية
وبعدين سجل بالنادي وتلقى فيه مدرب ان شاءالله وراح يساعدك بكل الي تبي والي يغمض عليك تعال واسئل هنا والشباب ماراح يقصروون
وبالنسبة للمكملات انساها حاول تعود على تنظيم وقت تغذيتك واذا حسيت انك ضبطت الوقت بالتغذية وصرت تاكل 5 وجبات ضيف المكمل حتى جسمك مايتعود على المكمل كا مصدر للغذاء ووقتها تعال واسئل وعطنا بياناتك الجديده وان شاءالله تكون مرتفع الوزن :) وراح نعطيك كل شي تحتاجه


وموفق