تسجيل الدخول

مشاهدة النسخة كاملة : التخسيس واللياقة هل جدولي للتخسيس مناسب وهل أحتاج حبوب أو بروتينات ؟


Mr CoOol
24-07-2011, 03:14 PM
معلومات المتقدم بالاستفسار :
العمر : 19 , الجنس : ذكر

الطول :172 متر
الوزن : 72.1 كيلوجرام

نسبة الدهون : 21.1

و الاستفسار كالتالي :
السلام عليكم .. كيف الحال يا شباب ؟
أول شئ أشكركم على المنتدى الروعه و المجهود الكبير ..
ثاني شئ .. حبيت أستفسر و ياريت تفيدوني بـ خبرتكم يا كباتن ..

أنا وزني 72.1 و طولي 172 .. ونسبة الدهون 21.1% و عمري 19 سنة ..
جسمي غير متناسق .. لدي زوايد خاصة بالبطن و الخواصر و الصدر .. زوايد عاديه
ماهي سمنة لأ .. يعني مثل ما يقولون شخص " متروس " ! أبحث عن جسمي متناسق
بدون زوايد و بدون حديد .. مستعد ألعب كل يوم تمارين كارديو ساعة كاملة .. ومع تمارين
مثل الضغط و المعده و قفز الحبل الخ لكن بدون حديد .. !! مع تنظيم أكلي بشكل ممتاز
جداً بعيداً عن الدهون و أكل صحي و خفيف جداً ( حمية ) ..

الآن .. قلت لكم خطواتي .. بالمختصر كارديو و تمرين معده و ضغط و أخواتها و حمية ..
أحتاج معاهم بروتين ؟ حبوب ؟ وهل جسمي و وزني يحتاجون لـ حمية و تخسيس ؟ أو يحتاجون
تمارين أخرى .. وأهم سؤال هل أحتاج بروتين و حبوب معينه و إذا نعم ياريت ذكر الأسماء ..
مثل النوع و الماركة و الإسم .. وهل البروتينات و الحبوب تأثر على المعده .. لأنه فيني القولون
وأخاف يأثر سلبي على معدتي !!


ملاحظة :

ياريت عدم أعطائي رابط لمواضيع قسم المواضيع المميزه لأني تصفحت كل القسم ..
لكن حبيت جواب مباشر لـ أسئلتي و الله يجزاكم خير و ألف شكر لكم


للعلم
العزيمه و الإصرار و الصبر الحمدالله 100% عندي إذا كان الأمر بعيداً عن الدراسه هه


( تم أعادة طرح الموضوع لأنه الموضوع الأول مخالف ..
أتمنى هذا الموضوع غير مخالف و أسف على الموضوع السابق )
متعب سعد
24-07-2011, 06:43 PM
وعليكم السلام والرحمة..

اللهم لك الحمد كيفك انت :)

أول شي هل تلعب حديد ولالا؟

والبروتين مهم للكل.. لأنه مكمل غذائي.. ويفضل بما انك تبغى تخسيس تقعد على الدايت الطبيعي فقط..مع اخذ حاجتك اليومية من البروتين يومياً..

الحوارق ممكن تؤثر عليك ما أدري صراحة يمكن عشان القولون.. استشير طبيب أفضل لك..

خليك على الكارديو وتمارين اللياقة والأكل الخفيف النظيف..

وحاول تقلل كاربوهيدرات.. أو ابدأ تدريجياً يعني الغداء فرضا تاكل 3 حبات خبز.. الأسبوع الثاني خله حبتين الاسبوع الثالث خله حبة واحدة..

وزي كذا.. ولازم تعوض نقص الكاربوهيدرات بزيادة بروتين.. " في اجمالي السعرات الحرارية المستهلكة في اليوم"..

موفق:)
Mr CoOol
25-07-2011, 04:44 AM
وعليكم السلام والرحمة..

اللهم لك الحمد كيفك انت :)

أول شي هل تلعب حديد ولالا؟

والبروتين مهم للكل.. لأنه مكمل غذائي.. ويفضل بما انك تبغى تخسيس تقعد على الدايت الطبيعي فقط..مع اخذ حاجتك اليومية من البروتين يومياً..

الحوارق ممكن تؤثر عليك ما أدري صراحة يمكن عشان القولون.. استشير طبيب أفضل لك..

خليك على الكارديو وتمارين اللياقة والأكل الخفيف النظيف..

وحاول تقلل كاربوهيدرات.. أو ابدأ تدريجياً يعني الغداء فرضا تاكل 3 حبات خبز.. الأسبوع الثاني خله حبتين الاسبوع الثالث خله حبة واحدة..

وزي كذا.. ولازم تعوض نقص الكاربوهيدرات بزيادة بروتين.. " في اجمالي السعرات الحرارية المستهلكة في اليوم"..

موفق:)



الحمدالله بألف خير يا كابتن ..
والله الحديد ولا عمري لعبته و جسمي ضعيف مافيني شده عالحديد حالياً ..

كارديو .. ماشي فيه ميه ميه ..
الأكل .. ماشي فيه ميه ميه و حمية ممتازه ..
بس تمارين اللياقة إذا تقصد السويدي .. بصراحة
ضعيف فيها حيل وما أقدر أستمر دقيقتين ..
لكن مع الإستمرار بطور إن شاء الله ..

وأهم سؤال عندي يا كابتن .. نسبة الدهون عاليه بجسمي جداً صحيح ؟؟
لأنه طولي 172 و وزني 72 و نسبة الدهون 21.1% أعتقد عاليه جداً صح ؟؟
المفروض كم تكون عشان أحصل جسم مرتب و مافيه زوايد لأنه أطمح لشئ
قوي جداً و جسم متناسق لـ أبعد حدود ..

بإنتظار ردك و بإنتظار باجي الكباتن إذا لهم راي ثاني ..
zack khan
25-07-2011, 01:42 PM
لازم تكون 15%
متعب سعد
25-07-2011, 05:32 PM
المعدل الطبيعي من 16% الى 18%, وانت على وزنك وطولك اشوف ان الدهون عالية بصراحة :)

حاول تقلل الدهون في أكلك الى أقل حد ممكن..