تسجيل الدخول

مشاهدة النسخة كاملة : مشاكل صحية الم عصب في كوع اليد


Nas Fitness
24-08-2011, 05:31 PM
معلومات المتقدم بالاستفسار :
العمر : 21 , الجنس : ذكر

الطول :180 متر
الوزن : 84 كيلوجرام

نسبة الدهون : 15

و الاستفسار كالتالي :
السلام عليكم

اخواني من فتره تقريبا ثلاث شهور قمت بالمكاسره بالايدي مع صديق لي المهم كنت فاتح يدي اكثر من المطلوب المفروض قريبه شوي عالكتف نفس ماقولولي اصول التكاسر بالايدي ..

المهم وانا اتكاسر شدت علي عصب اليد اليمنى والم ينرفز صراحه بس بعدها بشوي خف و مرت الايام وبين فتره وفتره يرجع الالم .. والحين شبه زاد شوي رجع كل ما العب باي او ظهر اي حركه فيها تحريك لليد مع ضغط عليها فشتنصحوني فيه ياخوان؟ مع العلم مع الوجع اقدر اكمل عادي بس وجع مثل كهربا منرفز جدا ... !

http://www.9090.ws/vb/imgcache/41189.imgcache.jpg
ابو الثلاثه
24-08-2011, 10:02 PM
اخوي الكريم
الالم بسبب الجهد العالي المبذول من اليد والمتركز علي اسفل الكوع
النصيحه

مرن اليد بس لاتبدا باوزان عاليه خلك شهر علي الاقل بالاوزان الخفيفه ومرن الذراع يومين في الاسبوع
وبعدها ارفع اوزان علي خفيق وان شاء الله تشوف نتائج طيبه

وتقبل مروري
بردان1
25-08-2011, 12:19 AM
اذا هو بالعصب انا نفس الحاله جتني لما كاسرت واحد نفس الحكاية من بعدها وليومك وانا متعايش مع الالم خاصة بوقت الباي والضهر مثل ماذكرت بس انا بالساعد احسه
المهم الحمدلله الحين الالام خفييفة ومتحملها بكل اريحيه
بس حتى تخف ولاتتفاقم عليك

خذ نيوربيون من الصيدلية بـ 14 ريال
و جوينت كير بـ 81 ريال

وان شاءالله يزول الالام وتقدر تكتفي بس بالنيوربيون وان شاءالله تشوف نتيجه طيبة

وبالتوفيق يالغلا
Nas Fitness
25-08-2011, 01:00 AM
مشكورين حبايبي وماقصرتوا

اهو وتر او عصب مادري بس وجع مقزز كان كهربا ..

راعي الصيدليه قاللي خذلك فيتامين بي كومبلكس بي 6 بي 12 بي 16 اهو الافضل وبتتعالج بسرعه .. قتله عندي انا ملتي فيتامين اوبتي مان فيه فيتامين بي
رحت لصيدليه ثانيه قالي ريحها لاسبوع وحط ثلج بعد التمرين مع مساج عالمنطقه بالفكس .. بس طمنوني انه موب بيق دييل يعني اقدر اتمرن عادي بس نفس ماقلت اخفف اوزان شوي عالتمارين اللي احس انه الوجع يزيد فيها .. عالعموم بعد رمضان داخل كورس تنشيف يعني اولريدي اوزاني بخففها لكن بتكرارات اكثر ..

اي نصايح ثانيه ياخوان للي عانوا بنفس المشكله؟
m3az`
25-08-2011, 01:40 AM
نفس حالتك اصابتني

والحل مع الوقت ان شاء الله بخف ويختفي نهائيا

لكن قعدت معي اكثر من شهر وانا احس في الوجع بعدين اختفى الحمد لله
بردان1
25-08-2011, 03:42 AM
مثل ماقلتلك بردي السابق نيوربيون هو بي كوبملكس بي 1 بي 6 بي 12
لكن خذ انت النيوربيون واستعمله باليوم حبه او حبتين فقط الاوبتي مين كمية فيتامين بي فيه ضعييييفة جدا وماراح تقوم بالمقام
خلي يعني جرعتك باليوم حبتين اوبتي مين + حبتين نيوربيون بكذا يكون الوضع مناسب

وبالتوفيق يالغلا