ماهي المكملات التي تساعدني للحصول على جسم منسق

[بدر القحطاني]

معلومات المتقدم بالاستفسار :
العمر : 23 , الجنس : ذكر

الطول :174 متر
الوزن : 73 كيلوجرام

نسبة الدهون : 30.7

و الاستفسار كالتالي :
الســلام عليكم ورحمة الله وبركاته

كــل عام والجميع بخير ان شاء الله ..

يا اخوان انا عندي استفسـار في المكملات بمـا اني توني مبتدىء ولحد الان لم استخدم اي مكمــل

المعلومات المطلوبة :
العمر : 23 سنة
الطول : 174 متر
الوزن : 73 كيلو
نسبة الدهون : 30.7 :(

انا هدفـي من دخول نادي رياضي حرق الدهون مع الحصول على جسم رياضي منسق

لمحــاربة الدهون وتقليلها انتم يا وحوش ما قصرتوا في مواضيعكم وافضل منتج اقنعتوني فيه هو ليبو 6 X , وان شاء الله بعد رمضان باستعمله
لكـن بالنسبة لجسم منسق انا الان متلخبط جداً لأن اغلب الوحوش اللي بالمنتدى هدفهم تضخيم واغلب مواضيعهم تخص التضخيم , وانا هدفي فقط تنسيق

مدربين النادي ضيعوني , بعضهم الله يهديه يسوي مثالي قدامي ويقول ما يحتاج تستخدم مكملات اعتمد على نفسك
والبعض يقول اخذ مكمل تضخيم وافهمه اني ابي تنسيق لكن مصر على رأيه , وانا الان متلخبط صراحة

اللي فاهم بمثل موضوعي ويملك الخبرة لا يقصر ويفيدني باللي احتاجه من مكمل لأني ما ابي اشتري مكملات هي عكس هدفي اللي ارغبه :(

وآسف على الاطالة
تحياتي للجميع ..

[.hamad.]

اسمحلي بسؤال قبل كل شيء

كيف قست نسبة الدهون وضهرت 30% !!

[صارم]

وعليكم السلام ورحمة الله وبركاته

حياك الله أخوى , وامرك بسيط إن شاء الله المهم كما قال اخونا حمد كيف قست نسبة الدهون لانها عالية ووزنك 73

تأكد من النسبة ’ وحدد هدفك بعدها اما تضخيم ام جسم فتنس .

وللعلم ترى المكملات على اسمها مكملات وليست بذات أهمية عندما تكون تغذيتك ممتازة

تقبل مروري

[ابو الثلاثه]

سلام اخوي

مارديت علي السؤال لافادتك بالمعلومات

[بدر القحطاني]

هلا اخوي .. آسف على هالخطأ وذلك بسبب قلة خبرتي بموضوع الدهون .. انا نسبة دهوني عالية ما فيها شك لكن انها توصل لـ 30 اتوقع غير صحيح
انا وزنت عن طريق جهاز بالنادي وبما ان كل شيء بالانقلش فمـا عرفت نسبة الدهون مضبوط
لكن البودي فات ماس هو 22.7 كيلو غرام

واتوقع ان نسبة الدهون عندي هي قريبه من22 لأن اذكر وانا اخوك قبل شهرين كانت كذا النسبة

آسف على التأخير وعلى الخطأ اللي صار ..
وشاكر لكم حماسكم على الموضوع ..

[وولف دينيس]

هلابك أخوي أولا اقولك مثل ماقال الكابتن الصارم07 المكملات على اسمها مكملات والتغذية هي أساس الموضوع..
بما انك تريد حرق الدهون وبناء جسم منسق وماتبي حاليا ضخامه فا اجعل اكلك قليل الدهون والكارب بقدر المستطاع..
وبالنسبة للمكملات اللي تناسب وضعك وهدفك عندك بروتين ايزو100 وعندك امينو 2222
وبالنسبة للحارق ليبو 6x ممتاز امش عليه ..
طبعا فيه شيء مهم قبل لانهي المشاركة حافظ على الكارديو يوم بعد يوم علشان حرق الدهون
وموفق ياغالي وكل عام وانت بخير

[بدر القحطاني]

هلا اخوي وولف .. يطول لي بعمرك حبيبي وما قصرت ..
انا بعد رسالتك خلاص اقتنعت اشتري بروتين ايزو 100 < كان قبل متردد
وبالنسبة للكارديو لا توصي حريص .. والله يومياً كارديو نص ساعه ودراجة الـ spinning نص ساعة
طبعاً بعد الحديد لأن لو اسويها قبل الحديد ما فيه امل يكون فيني شدة على الحديد .. :>