المساعد الشخصي الرقمي

مشاهدة النسخة كاملة : التخسيس واللياقة رايكم بالمكملات


رياضي مبتدآ
07-10-2011, 05:50 AM
معلومات المتقدم بالاستفسار :
العمر : 20 , الجنس : ذكر

الطول :176 متر
الوزن : 73 كيلوجرام



و الاستفسار كالتالي :
مسا الخير اخواني

انا اليوم شريت امينو اسمه Superior AMINO 2222 Tabs
وهذي صورته http://www.gnc.com/product/index.jsp?productId=4134699

انا احاول ابني عضل وبنفس الوقت احرق الدهون اللي عندي فالصدر والبطن ..

استخدم ال اوكزيلت برو ( 3 حبات فاليوم )
والواي بروتين ( 3 سكوبات فالبوم )
والحين بدخل الامينو ( :

رايكم ؟ وهل النوع الامينو اللي عندي جيد ولا اغيره ؟ وكيف استخدامه لو سمحتو ؟ وهل ناقصني اي مكملات غير ؟

تسلمووون لي
رياضي مبتدآ
07-10-2011, 10:42 AM
همممم مافي رد ؟
بردان1
07-10-2011, 12:49 PM
تبني عضل وتحرق دهون بنفس الوقت ماتجي
حدد هدف واحد اما تضخيم او تخسيس
وبالنسبة للامينو حبتين مع كل وجبة
و3 حبات قبل التمرين و3 بعده
رياضي مبتدآ
07-10-2011, 09:12 PM
افاااا يعني مايصير اضخم عضل و اخسس بنفس الوقت ؟ للعلم ترا انا عندي دهون فقط فالبطن والصدر و وزني ٧٣
بردان1
08-10-2011, 12:34 AM
انت حتى تحرق الدهون تحتاج انك تحرق سعرات اكثر
واذا احرقت سعرات اكثر هنا تكون عاكست فترة التضخيم الي تحتاج انك تحرق سعرات اقل

بس هذي ببشكل عام وهناك امور اخرى وفيه دراسات كثييييييرة تقول انه مجرد مضييعة للوقت المحاوله بهالشي
فا حدد هدفك انت واذا الدهون باماكن قليلة ومو بشكل زايد العب تضخيم وسير بعد التمارين لمدة 5 الى 10 دقايق
وان شاءالله يساعدك تشد بطنك اذا جسمك تقبل لهالشي

لكن تحط ببالك انه بعد فترة راح ترجع تنشف
وموفق
رياضي مبتدآ
08-10-2011, 11:35 AM
تسلم اخوي ووايد واسمحلي والله تعبتك بالآساله بس تعرف مبتدآ وماعرف في كثير من الامور

بس اخر سؤال لو مافيها ازعاج فديتك .. لو بديت اضخم يعني شكلي بيمتن ( بيسمن ) ولا بس العضلات بتكبر ؟ لآني مابي اصير شكلي كبير وايد وجسمي ضخم من الشحوم .. ابي ضخم عضلات بس

و لو حبيت اضخم ممكن اعرف وين القى المكملات اللي احتاجها ؟

وشكرا واسف مره ثانيه علي الازعاج
بردان1
08-10-2011, 02:00 PM
اهلا وسهلا مافيها ازعاج يالغالي
وسالفة انك بتمتن اكيد بتزيد حجم بنيتك
لكن مهي بيوم وليلة
يعني المساله راح تطول وراح تكون تحت السيطرة يعني لاتخاف ان شاءالله

اذا حسيت انك بدت شحوم تزيد تقدر تتحكم بالوضع لاتخاف ان شاءالله
وبس اهتم باكلك وخليه غني بالبروتين وان شاءالله راح تكون الزيادة عضلات اغلبها
والمكملات موجودة اذا انت بالسعودية تلقاها عند الجي ان سي بـ 4× السعر الاصلي او تلقاها عند الاخوان هنا بالمنتدى بقسم البيع والشراء باسعار مناسبه

وموفق يالغالي