تسجيل الدخول

مشاهدة النسخة كاملة : كمال الاجسام تعبت من جسمي


جوهر الابداع
25-11-2011, 04:40 PM
معلومات المتقدم بالاستفسار :
العمر : 21 , الجنس : ذكر

الطول :190 متر
الوزن : 61 كيلوجرام

نسبة الدهون : ؟

و الاستفسار كالتالي :
السلام عليكم

يا ناس يا عالم ,, والله تعبت من جسمي ,, انا مشكلتي ما في عندنا صالة تدريب قريبه اقرب وحده 70 كيلو

والمشكله ان دوامي نوبات ( شفت ) يعني اجلس 7 ايام اداوم الصباح , وبعدها اطلع يومين اووف

و7 ايام اداوم من 2 الظهر الى 10 بالليل وبعدها اطلع 3 ايام اووف .

و7 ايام اخر الليل من 10 الى 6 الصبح واطلع اربعة ايام اووف

يعني لو بشترك في صاله رياضيه ترقيبا راح اجيهم بالشهر 10 ايام اكيده و 7 ايام على حسب الدوام اذا كنت تعبان ما اقدر اروح الصاله

اللي ابيه منكم تعطوني تمارين انفذها بالبيت
مع نصائح غذائيه وانا بسجل بالنادي وافضل انواع البروتين
يعني حتى لو ما اقدر اروح النادي اسويها بالبيت

تكفون ساعدوني
نسبة الدهون ما ادري كم
الـــســـامـــر
25-11-2011, 07:31 PM
في ايام الي ماتقدر تروح فيها نادي


تقدر تروح اي مركز رياضي تاخذلك دنبل باوزان تقدر تشيله من 5 كيلو الى 20 كيلو


وتاخذلك بار باوزان هم تقدر تشيله بس متخلي اعتمادك عليها كلي يعني في ايام الي ماتقدر تروح فيها نادي


وانواع بروتين كثيره انصحك بواي بروتين قولد ستاند


واهم شي تخلي 5 وجبات باليوم كل 3 ساعات او 4 بالكثير
العاشق M
25-11-2011, 07:35 PM
^^
مثل ماتفضل الاخ السامر
بس ليه ماتاخذ لك جيم منزلي افضلك
يعني اجهزه خفيفه مع البار الدنابل واوزان
عشان تقدر تتمرن يوميا واي وقت
غامدي الشرقيه
26-11-2011, 07:12 PM
حبيب قلبي صاحب الموضوع انت زي دوامي بالجبيل لكن انا راح ارتب وقتك ان شاء الله
* دوام الصباح ينتهي غلى مااعتقد الساعه 2 بالضهر (ارجع للبيت وانام ساعه ونص وبعدين قوم اكل لقمه زينه ورح للتمرين وحاول تكون بالبيت الساعه 10 عشان تنام )
*دوام اول ليل ينتهي الساعه 10 ممتاز (اكل لقمه ونام بالكثير الساعه 12 باليل عشان تقوم الساعه 9 الصباح تفطر زين وتروح للتمرين ساعه ويمديك ترجع للبيت تاكل وتبدل وتروح للدوام الساعه 2 الضهر )
*دوام اخر الليل ينتهي الساعه 6 الصباح (افطر ونام عشان الساعه 3 العصر تقوم تاكل وتروح للنادي وحاول ترجع للبيت الساعه 6 باليل عشان تريح ساعتين وتروح للدوام االساعه 10 باليل )

عموما اخوي نا لي بالشفتات 7 سنوات وباللعبه 3 سنوات والنتائج الحمد لله مرضيه لكن قليله جدا على 3 سنوات متواصله لان السبب واضح تخبط باوقات النوم والاكل والتمرين لكن الله يعيننا على الشفت

والسلام