استفسار بخصوص التدريب

[اغغغغ]

معلومات المتقدم بالاستفسار :
العمر : 26 , الجنس : ذكر

الطول :177 متر
الوزن : 85 كيلوجرام

نسبة الدهون : .؟.؟

و الاستفسار كالتالي :
السلام عليكم

يارجال ابي الحل

انا كان وزني 125 ونزلت الحمدلله الى 85 كنت العب رياضه ورجيم << يعني مو رجيم بس الرياضه هي الي ساعدتني بعد الله عز وجل

ولا كن يااخوان انا العب تمارين لياقه وسويدي بس عمري مادخلت على الحديد

وفيني ترهلات ببطني والارداف ( الجوانب ) مايعلم الا الله والله اني اتفشل منها جسمي مرره طري

ومع اني العب رياضه ولا فيه فايده

اخر شئ قلت مافيه الا العمليه والله تعبت

المشكله شكل جسمي مو متناسق يعني ايديني ضعيفات مرره وسيقان ضعيفات ( يعني نحيفات )

انا ماهي الا هالبطن بس ااخ بس تعبت بالحيل

الي عنده حل لي يكتب وله دعوه من القلب لاني قلت ابي اجرب الحديد علموني ينفع ولا لا

ملاحظه : لست مؤمن بالمكملات الغذائيه يعني ماعندي الا النادي بس


شاكر وقدر

[.hamad.]

السلام عليكم

لقد تم تعديل عنوان الموضوع

ويرجى مراجعة قوانين القسم

لا هنت

[اغغغغ]

عذرا اخي على العموم انت عدلت الموضوع وكانك تقول لاعاد اشوفك تكتب مواضيع باسلوبك هذا

اذا كان نص الردود تعديل وحذف وين الفايده

على العموم الي يبي صور لحالتي مستعد ا

[SoLaR9SiLight]

يا أخ اغغغغ , الكابتن حمد كان قصده عن العنوان فقط .....

و لو بدك تعرف السبب راجع القوانين :

http://www.montada.com/showthread.php?t=687504

[اغغغغ]

ياناس لاتطلعوا برى الموضوع خلاص لاتسون قضيه خلونا في صلب موضوعنا

شاكر ومقدر

[مـُـحـب العجمي]

اخوي لا تزعل قصد المراقب انه يعدل المواضيع حتى يسهل على غيرك الاستفادة اذا استفدت انت ان شاء الله
لأحد اصدقائي تجربة كانت ناجحة ولله الحمد
وهي نص ساعة سير أو 45 دقيقة
ربع ساعة سيكل وربع ساعة أوبتيك مع شوية بطن
أو 20 دقيقة سيكل و 20 أوبتك
وممكن تكثف البطن 3ايام في الاسبوع مع الأداوت الماضية وأهم شيء الاستمرار والمثابرة وعدم الاستسلام ونظام غذائي مناسب لك
وان شاء الله تنحل مشكلتك

[اغغغغ]

شكرا لك انشوف البقيه

[الناعسي]

كلام محب الشيخ العجمي ممتاز زيد الكارديو وزيد سباحه بالاخص

وخل اكلك قليل دهون وكربوهيدرات بس واصبر على النتيجه

[araar]

الحديد سيحل مشكلتك + نظام غذائي منعدم الدهون وقليل الكارب وغني بالبروتين..

[اغغغغ]

بيض االلله وجيهكم