استفسار بخصوص مكملات لهدف معين ؟

[JH14]

معلومات المتقدم بالاستفسار :
العمر : ٢١ , الجنس : ذكر

الطول :١٦٣ متر
الوزن : ٦٢ كيلوجرام



و الاستفسار كالتالي :
شباب ابيكم اول تشوفو الصور .. تلاحظون ان جسمي ناشف والدليل الدراع صغير .. بس منطقه البطن بارزه و الخلفيه ايضا ..

انا هدفي : ابي اضل على هل جسم بس ابي انحت المؤخره والبطن علشان جسمي يطلع مرتب


قصتي : انا في بلاد الغربه وعندي دراسه في معهد انجليزي ودوامي ٨ ساعات .. ولا استطيع ان اشترك في صاله لبناء جسمي .. وانا عندي مده ٤ اشهر في المعهد .. ابي انحت جسمي واخليه ضعيف ( اتخلص من البطن + المؤخره ) علشان يطلع جسمي حلو .. وعندما التحق بالجامعه راح تكون الدراسه اخف من ناحيه الساعات وبعدين راح ابني جسمي عضلات على جسم ناشف علشان يطلع جسمي حلو خطوه بخطوه ..

للتذكير : انا عندي في الشقه جم صغير فيه سير و سيكل ودنابل وسحب مثل حق الباي و سحب للظهر وجهار صدر همر .

وراح اجري كل يوم + الجري صباحا في الويك اند لحرق الدهون اسرع + راح ارفع الدنابل وبتكرارات كثيره لحرق الدهون وليس للتضخيم

شرايكم في كلامي ؟


الشي الثاني .. ابي مكملات استطيع ان استخدمها في حالتي وهي التخلص من البطن والمؤخره ( يعني مكملات تنشيف تقريبا ) .. انا عندي ليبو ٦ اكس بس ابي اشياء ثانيه علشان تسرع عملي + وابي مصدر للكارب علشان لا اكثر كارب من الاكل

[Rashid.S]

أدخل جيم الين تتعلم كيف تتمرن صح وتطبق صح بعدين تمرن بالبيت لحالك ،،

ان كان تشوف فديوهات ما يمنع انك تتمرن بالجيم لان وقت التمرين احيانا ما تحس بنفس وتضطر انك تتمرن غلط وانت ما تدري عن نفسك ،،

شوفلك واحد من الشباب السعوديون أو الخلجيين اللي معك ويحبون يطلعون الجيم وحاول تحتك معهم ،،

[JH14]

بس والله ياخوك صعبه حاليا علشان كدا بغيت اتبع هل شي ..

بس بغيت رايك .. من خلال الثلاث الصور هل تنصحني بالتضخيم او بحرق الدهون ؟

[Rashid.S]

يمكن اغلب اللي يشوفونك بيقولن خسس شوي بعدين ضخم
بالنسبه لي ضخم وانت مغمض لكن بشرط انك تلتزم بتغذيه صحيه مثل الكارب المعقد والبروتين المتنوع في كل وجبه مع قليل من الدهون

السبب انك تدخل ضخامه على طول ان نسبة الدهون عندك قليله وانت أول شهر تتمرن فيه ،، إذا تمرن صح ،،
شي طبيعي تنزل دهون وتزيد عضل لانك توك داخل في اللعبه ،،

[JH14]

طيب شرايك في مكملاتي حق التضخيم ( راح اطلبها من البودي بلدنغ ) :-

Combat Powder (http://www.bodybuilding.com/store/musclepharm/combat.html)
Opti-Men (http://www.bodybuilding.com/store/opt/men.html)
100% Casein (http://www.bodybuilding.com/store/bodybuilding-supplements/100-percent-casein.html)
Ultra Omega-3 (http://www.bodybuilding.com/store/now/ultra3.html)
Assault (http://www.bodybuilding.com/store/musclepharm/assault.html)
Micronized Creatine (http://www.bodybuilding.com/store/bodybuilding-supplements/micronized-creatine.html)
Xtend (http://www.bodybuilding.com/store/sv/xtend.html)
( + شيكر و اداه قياس الدهون )

المجموع : سبع مكملات
التكاليف : ١٦٦ دولار امريكي

هل المكملات جيده لاني شفت تقيييمها فوق بس ابي اعرف هل ممتازه حق تضخيم او لا ؟

[Rashid.S]

بروتين
وملتي
وزيت سمك

هذا اللي مناسب لكــ غيره لا تفكر حاليا

بعد 6 شهور على هالمنوال فكر تزيد عليهم كرياتين ،،

[JH14]

طيب ^^ .. بعد كم شهر راح اخبرك بنتايجي ^^

[Rashid.S]

حياكـ ،، ^_^