كورس هرموني .. بريمو + بربونات

[موكسي]

معلومات المتقدم بالاستفسار :
العمر : 26 , الجنس : ذكر

الطول :173 متر
الوزن : 75 كيلوجرام

نسبة الدهون : 17

و الاستفسار كالتالي :
السسلام عليكم ورحمة الله وبركاته } .. !
جيف الحآل إخوآني ..


بغيت أستشيركم بكورس هرموني [ لصآحبـي ] ..
يبآ يضخم عضل صآفي ( 5 كيلو ) عضل تقريبـآ ..
ولقلـة خبرتي أنـآ نصحـته بعدم الإستعجآل ..


المدة : لـه سنتين يلعـب بشكل مستمر ..
الدهون قليـلـة فقط في المؤخرة واسفل البطن ..


نصحته بكورس وابغي رايكم فيـه ..

بريمو + بربونات لمدة 6 اسابيـع
والمدرب نصحه بإدخال الونسترول بآخر
أسبوع ويستمر عليه 3 إلى 4 اسابيـع ..


البريـمو 300 بالأسبوع
البربونات 400 .. على 3 ايام بالـأسبوع ...



فمآ رأيكم أنتوا .. وشو المواد التي يجب توفرهآ مع الكورس ..



ننتظر رأي الأبطآل ..

[the rock 911]

اعتقد انه ياخد فرصة ينزل نسبة الدهون شوي علشان يستفيد من الكورس تمام . . .
وتقريبا والله اعلم ان البريمو استر طويل والافضل يكون من 8 الى 10 اسبوع ولو يبغى ب 6 اسابيع . . بربونات + ترنبلون اسيتات افضل ( كافي لو كان اول كورس له ما يزيد عن مادتين فقط ) والونسترول قوي وبينشف جسمه ولو ما عنده عرض او بطولة فما يحتاج . . والعلم عند باقي الابطال

[DR.GRATH]

اعتقد انه ياخد فرصة ينزل نسبة الدهون شوي علشان يستفيد من الكورس تمام . . .
وتقريبا والله اعلم ان البريمو استر طويل والافضل يكون من 8 الى 10 اسبوع ولو يبغى ب 6 اسابيع . . بربونات + ترنبلون اسيتات افضل ( كافي لو كان اول كورس له ما يزيد عن مادتين فقط ) والونسترول قوي وبينشف جسمه ولو ما عنده عرض او بطولة فما يحتاج . . والعلم عند باقي الابطال

اول كورس هرموني ترنبولن ؟؟؟
هذا لو دخل مادة واحدة في اول كورس هرموني مثلا تست انانثات
رح ياصل لنفس النتائج الي ياصلها لو ضاف الترنبولن

والترنبولن اصلا للمتقدمين او حتى للمحترفين اعراضه الجانبية قوية جدا
ويعتبر من اقوى المنشطات من حيث الاعراض الجانبية ولازم يكون اللاعب خبرة عشان يعرف يتعامل معه

وفوق كل هذا كورس تست لحاله رح يعطيه نفس النتائج من البناء العضلي

اكيد انت عارف ان اول كورس هو افضل كورس من حيث النتائج لكل اللاعبين

[موكسي]

هلا أخوي ذا روك اول شيء اشكرك عالرد ثآنيـ آ على سالفة التنشيف هو نشف بس خسر ففيها عضل لذلك قرر يرفع ويلعب ضخامة صافي مع المحافظة على نسبة الدهون ولين الصيف عقب بنشف اكثر وعن المادة اللي تقول عنها ما عندي اي خبر عنها ونحن نبغي له شغل بسيط حق 6 اسابيع لانه تدري هذا اول كورس وانا مب من مؤيدي الكورسات الطويلة ابدا خلهم على اللي استرهم قصير افضل برايي وبتكون هناك نتايج طيبه .. اخوي دكتور .. شكرا عالتوضيح وكلنا هني نفيد ونستفيد بس ما خبرتني شو رايك بالكورس والجرعة والمدة ؟ولا نصفى على كورس تيست فقط وانا لا انصح فيه لانه التست يباله من 8 الى 10 اسابيع عسب تطلع نتايجه بانتظاركم يا ابطال

[the rock 911]

التست بربونات كافي للهدف المطلوب وتصعيد العضل الصافي . . . . و 8 اسابيع تمام ونتائجها بتكون رائعة
وبالنسبة للترنبلون صحيح انه اعراضة كثيرة بس عامتا دخول كورس هرموني مغامرة بحد ذاته وخطر التست على القلب والكلى والخصية غير الجينو كافي . . و 4 اسابيع ممكن يسيطر عليها والله اعلم . . مشكور عالمداخلة يابطل

[sami1989]

التيست وحده ضعيف ومايجيب نتائج
التيست صحيح في بعض الناس تاخذه وحده لكن مو بجرعه قليله والمده ايضا وتتوقع نتائج منه !

الافضل دمج التيست مع هرمونات اخرى كل بولدينون او الديكا او البريمو او الديانبول او غيرهن للمبتدئين طبعا او المتقدمين هذا الشي يتحكم فيه الجرعات والمده زي ماقلت

هو الشخص ماخذ ماخذ هرمونات غير ياخذ شي علشان يحصل نتائج طيبه ؟ لو ياخذ شي بسيط ويقول ولله ماحصلتت نتائج مطلوبه !

[.hamad.]

السلام عليكم

شباب المواد الحيوانية مثل البلدانون ماتصلح لاول كورس لاسباب كثيرة الكل يعرفها ..

كما ان الترنابولون استات ايضاً لايصلح للمبتدئين ومن اكبر مشاكله هو قمع التستا لذالك يجب اشراك هرمون اندروجيني معه + ضغطه الكبير على الكبد ..

الافضل هو انزال نسبة الدهون الى 14% على الاقل وبعدها لكل حادثاً حديث ..

[موكسي]

هلا اخوي حمد .. المشكلة يخاف يسوي تنشيف ويخسر عضل هو يريد يضخم لين الصيف وعقب بسوي كت لانه جسمه يعتبر ناشف بس ما بارزة عنده عضلاةت البطن لو حاب بحط له صور هني

[.hamad.]

افضل ^^

بس بدون وضعيات شد يعني واقف عادي

[موكسي]

ان شاء الله اليوم ف اقبل ما نروم الجم راح اصوره وانزل صوره هني وتحكم عليه

[موكسي]

اسمحلي اخي حمد عالتأخير ...

http://im30.gulfup.com/2012-02-23/1329990084401.jpg (http://www.gulfup.com/show/Xc78qan9v38l)

http://im30.gulfup.com/2012-02-23/1329990084472.jpg (http://www.gulfup.com/show/Xxw49j3uvr6q8)


يآليت ترتب له كورس ما يعبي ماي يكون بنائي أفضل ومثل ما ذكرت استر قصير ..
والأفضل تكون دقتين الى 3 دقات بالأسبوع ..


بانتظاركم ..

[.hamad.]

من الصور واضح نوعية هذا الجسم يعبي فات بسرعة
وخصوصاً بمنطقة البطن والجوانب

ونسبة الدهون عالية

وان حب يدخل كورس حالياً فليكن دايت قبله على الاقل لمدة شهر

ترتيب النظام الغذائي + استخدام حارق دهون

يعني لازم توصل النسبة اقل من 14% على الاقل ..

نصيحة ان حبيت تبدأ

ابدأ صح

[daughtry]

والله انا مع كلام اخوي الكابتن حمد وانا مغمض عيني

ما شاء الله موسوعه بحد ذاتها ..

اسمع نصايحه وطبق الكلام الى يقولك عليه اذا تبي اقصى فايده

[موكسي]

هالفات كله يعبيـه بسبة مكملاته ( روشن بير 10000 ) وميجا ماس وربعهم ..
خلاص حتى المدرب كلمنا نحن الأثنين بالتهيا للكورس لمدة شهر
باذن الله شهر 4 بيكون ترتيب الكورس ..
ورآح اخليه ينزل نسبة الدهون عنده ..


لكن حبيت استفيد اكثر منك اخ حمد يا انك تنزل موضوع لحالك
او تجاوبني ( وانصح تنزل موضوع لحالك ) عن الهرمونات
وكيفية معرفة هل هذا الهرمون بروح المكتسب العضلي بسرعة ( مثل الداينبول .. الخ )
واللي يعبي ماي واللي ما يعبي وكذا يعني ملينا من كلام النت
نبغي الاستفادة اكثر من خلال شرح وافي ..
وشو هي الكورسات اللي تقريبـا تزيدك عضل وتقدر تحافظ على المكتسب العضلي
يعني تنزل 2 كيلو بالكثير 3 كيلو بعد الكورس مب تنزل نزلـة قوية جانك يازيد ما غزيت ..


بالانتظار ..

[daughtry]

+
الجهل بامور الكورسات
او اللخبطه بين الجرعات
يدخلك دوامه كبيره لا تعرف الخروج منها

فحاول لا تفكر واجد بالهرموناات

هالكلام بناءا على كلام الكابتن حمد

[.hamad.]

لكن حبيت استفيد اكثر منك اخ حمد يا انك تنزل موضوع لحالك
او تجاوبني ( وانصح تنزل موضوع لحالك ) عن الهرمونات
وكيفية معرفة هل هذا الهرمون بروح المكتسب العضلي بسرعة ( مثل الداينبول .. الخ )
واللي يعبي ماي واللي ما يعبي وكذا يعني ملينا من كلام النت


كلامك صحيح ياخوي بس انت عارف بروفايلات المنشطات صارت حالياً بكل المواقع منقوله وان طرحت اي موضوع من عندي ما راح يكون مختلف كثير عن المكتوب فالنت بس بتكون فيه اختلافات بسيطه ..
والشيء الاخر ان وقتي ضيق بسبب التدريب + ابنائي + اخواني الغاليين فالمنتدى + والعمل وغيره

وانا محرج جداً من ناس كثار طلبو مني جداول ومتابعة لمواضيعهم ولكني اهملتها للاسف بسبب ضيق الوقت
واتمنى لو يقرون ردي هذا ويعذروني ولو يبعثون روابط مواضيعهم مرة ثانية لي ان شاء الله بحاول اساعدهم لاني بصراحة نسيت المواضيع من كثرها ..


وشو هي الكورسات اللي تقريبـا تزيدك عضل وتقدر تحافظ على المكتسب العضلي
يعني تنزل 2 كيلو بالكثير 3 كيلو بعد الكورس مب تنزل نزلـة قوية جانك يازيد ما غزيت ..


هذا سؤال جيد بس صعب الرد عليه

لان الاجسام تختلف عن بعض ولا تستطيع ان تعطي شيء واحد فقط للكل لان الشيء اللي ينفع غيرك احتمال ماينفعك
والسبب هي الجينات

يعني لازم اشوف كل جسم لجل اعرف وش احتياجه

مثال

الجسم اللي فالصورة فوق

الاولى له ان ينزل الدهون فالبداية لان واضح من شكل الجسم ان دهونه عنيده ونوعية الجلد من النوع اللي يترهل بسرعة يعني لو صاحب هذا الجسم دخل كورس

شي اكيد بيعبي جسمه ولكن المشكلة بعد الكورس بيلاحظ زوايد فالخواصر حتى لو رجع وزنه الطبيعي راح تبقى هاذي الزوايد ويبقى منضرها
غير مناسب لباقي الجسم

والافضل له هو كورس اندروجيني صافي + قروث هرمون

وللعلم ان القورث مكلف يعني يحتاج على الاقل ياخذ قروث لمدة 4 اشهر لجل يطلع بشيء عليه القيمه ..

اذا عندك سؤال محدد بخصوص الموضوع لاتتردد يابطل :)

[موكسي]

مسموح اخ حمد وبالحل .. كل واحد وظروفه بس تعرف نحن نحب نطمع فيك اكثر ونستفيد انا من النوع اللي احب اسمع للكل واشل الصايح اللي تناسب جسمي لانه مهما قال المدرب فهذا جسمي وانا عارف نقاط ضعفي فيه بالاخير المدرب نصحنا بـ التدريب الجاد لمدة شهر وانزال نسبة الدهون ورفع اوزان كبيـرة وانا حبيت استفيد منه علما بأنه من أبطال الامارات في بطولات عدة وراح انزل موضوع عنه باذن الله خلال اليومين القادمين وقالي برتب لك كورس وانا بجوف شو يرتب وبخبرك قبلها بس القروث صعبه كأول كورس مع إنه نتايجه ممتازة جداا باختصار 5 ضربات بالاسبوع يوميا مرتين احسها صعبه شوي غير لازم تحتفظ فيها بدرجة معينة وانا على حسب عملي اتنقل يوميا طبعا صديقي نفس ظروفي بالضبط وان شاء الله راح انزل لك صوري وانت احكم بالكورس ساعتها مشكور كبتن حمد ما قصرت