الم في الكتف الايسر الامامي اثناء تمارين الصدر

[iMut3b]

معلومات المتقدم بالاستفسار :
العمر : ٢٤ , الجنس : ذكر

الطول :١٦٥ متر
الوزن : 58 كيلوجرام



و الاستفسار كالتالي :
السلام عليكم شباب

عندي مشكلة وهي بصراحه من زمااان جدا
بحكم طبيعة عملي " طبيب أسنان " ظهري دائما يكون منحني وانا اشتغل ,, واستخدم يدي اليمنى

دائما عندي الام بالكتف الايسر ,, لدرجة اني ما اقدر انام عليه ابدا ,, احيان تزيد ولا اقدر انام الا لما احط كريمات مسكنه

رحت لدكتور واخذ اشعه وقال كتفك سليم مافيه شي ,, اذا فيه مشكلة بتكون من العضلة


الزبدة !

توني بادي ماكملت ثلاث اسابيع ,, تمارين الكتف فيها الام بسيطة بس اكمل التمرين ماعندي مشكلة واموري زي العسل

بس لما العب صدر تشد علي جدا وما اقدر اكمل التمرين " غالبا باخر العدّات لما اوصل ٧-٨ اوقف

رغم اني احس اقدر اشيل وزن اعلى من اللي اشيله بكثير بس هذي توقفني

دورت شوي بالنت وحصلت كثير عندهم نفس مشكلتي بالظبط ونفس شرحي لكم

جربوا Rotator Cuff Exercise وظبطت معاهم الامور
http://www.youtube.com/watch?v=tjA0YNAQI7U

احد صارت معاه هالمشكلة بالبداية وظبطت اموره بعدها ؟

أتمنى المساعدة منكم وياليت تفيدوني

والف شكر مقدما

[Booyaka]

ماشاء الله أنت جبت الحل لحالك بالفيديو ، دليل على انك طبيب :أفكر:
عموما جرب تمارين الأطالة مبختلف الاوضاع للكتف والصدر والظهر قبل أي تمرين ، انا هذا برنامجي اول مااروح الجم لازم تمارين إطالة بالأول وأنا ماحصلي هذه الاعراض الصراحة ، بس مثل ماقلت انت هناك وضعيات غير صحيحة حنا نعملها في حياتنا اليومية بغير قصد طبعا تأثر على الجسم من وقفات خاطئة ، نوم بشكل غلط ، حمل أوزان بشكل غلط ، هذه الأشياء يجب أن نغيرها بالاساس لو حبينا انها تزول .

[الناعسي]

تقول انك كطبيب ظهرك دايما منحني للامام ، فالصيدليات فيه مشد ظهر يخلي ظهرك مستقيم البسه عشان يكون ظهرك مايل كله للامام او البس حزام من اللي يلبسونه في النادي عرضه من ورا 6 انش. ومن ناحية الكتف خلك على التمارين اللي في الفيديو وسوها قبل تمارين الصدر والاكتاف دايم وزيد عليها بعد. انا كان كتفي الايمن شبه ميت يعني مافيه الم تماما لكن ما اقدر اشيل العدات الاخيرة ولقيت الحل ولله الحمد في التسخين الممتاااااز . الله يشافيك ويفيدونك الخبراء بإذن الله.

[غامدي الشرقيه]

نفس مشكلتي مع تمرين الصدر العلوي كتفي الايمن انواع الالم والتنميل بس الحمد لله تم معالجتها بالتسخين وتمارين الاطاله ضروريه جدا وقبل كل هذا حاول لاتدخل للتمرين وجسمك باقي بارد يعني خذلك اقل شي 15دقيقه جري على السير عشان جسمك بالكامل يسخن

موفق

[shombeh]

انا عندي نفس المشكله الى اليوم بس خفت عن قبل كان عندي الغشاء الحريري الي بين الكتف والصدر مختفي ومستوي احتكاك بالعظام علاجت كهرباء وادويه والامور طيبه قطعت شهر ونص تمرين الاصابه كانت قويه والى اليوم احس بشويه الم راجع الطبيب

[iMut3b]

الف شكر يا شباب على مروركم

booyaka منور ,, وشكرا على اطرائك
ممكن تعلمني وش تمارين الاطالة اللي تسويها ؟

الناعسي
منور حبيبي ,, بالنسبة للمشد اعرفه زين واستخدمته لكن انا ما احب وانا مربوط ,, احب اتحرك واقوم واقعد عشان اضبط آم الشغل :D
وبالنسبة للتسخين انا دايم قبل لا ابدا استخن 10 دقايق بالاليبتكل بس برضوا ما ينفع


غامدي الشرقية
مشكور اخوي ماقصرت

shombeh (http://www.montada2.com/member.php?u=839737)

شكرا اخوي وان شاء الله ما تاصل الامور لهالدرجة ,, ماقصرت خيو

منورين شباب وجزاكم الله خير طمنتوني ان الوضع طبيعي " شوي " !

[wolf89]

اخي الكريم انا كنت اعاني من نفس الالم و صبت فيه بالكتف الايمن و الايسر و كان السبب ( التهاب اوتار الكتف ) و كان الوجع شديد لدرجة البكاء ^_^... و اكبر مشاكلي تكون بالنوم على الكتف المصاب و حتى لما اصحى الصبح ما احس كتفي مشلول تماما...

تعالجت عند الدكتور بس ما طلب اي صور شعاعية استطاع ان يشخص الالم ببعض الفحوصات و الحركات التي تستثير الالم... و عطاني علاج مدته شهر يشمل مضادات التهاب بجرعات عالية و كريم و اهم شيئ كان عدم التعرض للبرد... حتى لما كنت انام البس كنزة شتوية بكمام... و بعض تمارين الاطالة ... و التوقف عن الحديد ( الحمدلله كان ايام رمضان و كان التوقف من صالحي:) )... انصحك اخي بمعالجة الالم لكي لا يصبح مزمن لا سمح الله..

الله يشفيك انشالله:)

[الناعسي]

التسخين للعضله بعد بجانب التسخين الشامل

[iMut3b]

شكرا يا وولف وشكلي براجع دكتور ثاني وان شاء الله تظبط الامور

الناعسي بيض الله وجهك تعبتك معي :) باذن الله اسبوعين وارد لكم وش صار

[الناعسي]

الله يشافيك