المساعد الشخصي الرقمي

مشاهدة النسخة كاملة : كمال الاجسام رآيكم في جسسمي + مكملات


F T 10
06-04-2012, 07:12 PM
معلومات المتقدم بالاستفسار :
العمر : ١٨ , الجنس : ذكر

الطول :١٧٢ متر
الوزن : ٧٦ كيلوجرام



و الاستفسار كالتالي :
السلام عليكم >


حبيت اخذ رايكم في جسسمي لي انا ٤ اشششهر في الجييم وداخل على ٥ بعد كم يوووم


طبعا انا استخدمت فقط واي بروتين لمده ششهر وتركته ماشفت اي تقدم


والى الان مااستخدمت ششي بعده


انا اشوف ان جسسمي فيه تقدم جمميل بس احتاج الان مكملات

ايش رايكم انتم ايش اخذ


انا لازم الكررشه تروح الليبو ٦ ممكن يفيديني ولالا ؟

انا (اضضضضضخم ) يعني احتاج مكملات تضضخم
الناعسي
06-04-2012, 07:35 PM
انت تقول لازم الكرشه تروح ولازم تضخم اثبت على وحده منهم وعلمنا واللي موجود من الشباب بيفيدك

والواي تشوف نتيجته من بعد كم علبه يعني مهوب من اول علبه او نص علبه
WLD AL5UBR
07-04-2012, 07:24 AM
ماشاءالله FT 10 بدأت عضلات جسمك بالظهور في 4 شهور .. شيء طيب استمر ولا تقطع

مثل ما قالك اخوي الناعسي ، الواي بروتين يعتبر بروتين اساسي مثل الوجبات ،، لا توقف منه و راح تشوف نتيجه افضل مع الاستمرار

اهم شي اضبط وجباتك لو تكون 4 وجبات + مرتين او 3 مرات واي بروتين باليوم يكون ممتاز و في كل مره سكوب و نص

اهم شي تستخدمه بشكل صحيح ، بعد التمرين مباشره مع ماء ، و اول ما تصحى من النوم مع ماء عشان يكون سريع الامتصاص في هالوقت العضله بأمس الحاجه الى بروتين سريع الامتصاص و هنا فائده الواي بروتين

حاول تقلل من الكارب خاصه ان عندك فات ، خلي وجبه كارب واحده باليوم تكون قبل التمرين بساعتين و نصف ، مثلا بطاطس , رز , معكرونه , حبه موز قبل التمرين مباشره .. ولاتنسى الاكثار من شرب الماء

و تجنب شرب الماء اثناء الوجبه لانه يسبب انتفاخ للبطن ، شرب الماء قبل الوجبه بـ 45 دقيقه و بعد الوجبه بساعتين ، و بين الوجبات ، و اثناء التمرين في الجيم ..

بالنسبه لليبو ما انصحك خاصه بعمرك و نسبه الفات مو بالدرجه الي تحتاجه ، بس ممكن تمشي ربع ساعه 3 مرات باليوم بعد التمرين و ما انصحك بالكارديو اكثر ،لانك بفتره تضخيم


الى الامــــــام شد حيلك
اختصاصي
07-04-2012, 09:43 AM
اخوي هاي رياضه تعتمد على الصبر
والبروتين مب شي جبار يبغيله مده لين يان التغيير من اسمه مكمل غذائي
يعني مب وجبه اساسيه ركز على أكلك وان شاء الله تحقق الي تتمانه
وجسمك جميل ^^ بس يبغيله المواضبه والصبر
اما عن المعده مانسحك باليبو 6 اول شي حوارق الدهون ماتصلح الا للي فوق 21
يمكن تقول عادي شو يعني لاكن تحت 21 تكون الغدد نشطه فبتأثر خلك بعيد
عليك بتمارين المعده والمشي السريع ^^
S.alkalbani
07-04-2012, 01:45 PM
اذا ناوي تضخم طبعا وزنك جيد مب نازل

خذ واي بروتين +امينو تك+ممكن تضيف كرياتين او مكمل باور مثل الجاك ثري دي او النو اكسبلود الخ

وركز في تمارينك لا تستعجل هاي الللعبه محتاجه صبر ومثابرة

موفق