تسجيل الدخول

مشاهدة النسخة كاملة : كمال الاجسام بخصوص وقت اخذ البروتين !


جنون ابوظبي
28-04-2012, 10:18 PM
معلومات المتقدم بالاستفسار :
العمر : 18 , الجنس : ذكر

الطول :171 متر
الوزن : 71 كيلوجرام



و الاستفسار كالتالي :
السلام عليكم ,


انا وزني 71 وطولي 171





ان شاء الله باخذ بروتين

nitro isolate
65 غرام بروتين

+

امينو 2222



بس ابي اعرف , كم مره اخذ البروتين في اليوم ومتى ؟
والامينو كم حبه ؟ ومتى ؟




ومن ناحيه البيض انا سمعت ان في كل بيضه 6.3 غرام من البروتين

طيب انا الصبح اكل بيض , ولكن مو مسلوق
لا , انا اكل البيضه الي يكون مخلوط مع الخضار وينطبخ على الزيت !
نسبه البروتين فيه نفس النسبه ولا اقل ؟


في الانتظار
بردان1
28-04-2012, 11:53 PM
وعليكم السلام

البروتين تاخذ منه سكوب واحد صباحا اما على الريق او بعد الافطار بساعتين
وبعد التمرين سكوب واحد ايضا
وقبل النوم سكوب واحد

الامينو
حبتين مع كل وجبة + حبتين قبل التمرين وحبتين بعد التمرين

البيض مافيه فرق اعتقد بنسبة البروتين بين المسلوق او المقلي
جنون ابوظبي
29-04-2012, 05:29 AM
انزين يالغالي انا البروتين الي عندي يكفي بس حق 12 يوم كل يوم سكوبين وسعره غالي !

nitro isolate


الحل ؟
daughtry
29-04-2012, 06:47 AM
فالك طيب ^
خلاص ياخوي خل البروتين سكوب واحد فقط بعد التمرين
والريوق اعتمد مثلا على مصادر البروتين
دعني اعطيك مثال
الافطار
بياض البيض الوحده فيها 4 جرام بروتين
ولو قلنا تاكل 6 بيضات بياض فقط
6×4= 24
واذا كانت مع توست او خبز
الشريحه الوحده فيها يتراوح مابين 5-9 بروتين
يعني عندك
33
ولو كانت مع كوب حليب
تزيد حدود ال 7 بروتين
يعني
40 جرام بروتين

هذى وجبه الافطار
شفت شلون حسبتها؟؟

نروح وجبه الغدا
عندك صدر دجاج فيه حدود 20 جرام بروتين
ولو صدرين حول ال 44
ولو ديك رومي الشريحه 7
تاخذ 4 شرايح
4×7=

ولو علبه تونا فيها ال 24 جرام بروتين مصفى

احسب يا رجل
انت لاعب كمال اجسام
احسب
احسب
بردان1
29-04-2012, 09:29 AM
انزين يالغالي انا البروتين الي عندي يكفي بس حق 12 يوم كل يوم سكوبين وسعره غالي !

nitro isolate


الحل ؟


سلملي على واي اوبتمم او ايزو 100

80 سكوب وسعر رخيص
u turn
29-04-2012, 12:26 PM
‘

درجة غليان الزيت اعلى من درجة غليان الماء

البيض اذا انطبخ على الزيت يفقد بعض الخواص ، الافضل تـآكله مسلووق

موفق ،،
.hamad.
29-04-2012, 12:55 PM
‘

درجة غليان الزيت اعلى من درجة غليان الماء

البيض اذا انطبخ على الزيت يفقد بعض الخواص ، الافضل تـآكله مسلووق

موفق ،،

+1
البيضة الواحدة تحتوي على 5 جرام بروتين تقريباً
مقسمة على بياض وصفار

يحتوي بياض البيضة على 3 جرام بروتين اما الصفار فيحتوي على 2 جرام برويتن

وبالنسبة للاعب كمال الاجسام فالافضل ان يكتفي ببياض البيض فقط مع بيضه كاملة ان حب يدخل شوية دهون

والبيض المسلوق افضل من ناحية احتفاض البيضة بجميع عناصرها الغذائية


احسب احتياجك فالوجبة حسب كمية البروتين اللي تبي تاخذها ..

وفالغالب يحتاج لاعب بنفس وزنك ويتدرب ما لا يقل عن 4 ايام اسبوعياً الى 5 بيضات مسلوقة 4 بياض وواحدة كاملة .

+ 250 ملي كوب حليب قليل الدسم + حبتين توست اسمر + خيارة ..