كورس تضخيم صححو لي الله يرحم لي والديكم ( عاجل )

[qatarroosky]

معلومات المتقدم بالاستفسار :
العمر : 22 , الجنس : ذكر

الطول :178 متر
الوزن : 91 كيلوجرام

نسبة الدهون : 25%

و الاستفسار كالتالي :
السلام عليكم شباب انا صارلي 3 اسابيع من يوم ماسجلت حديد مرنت عضلات جسمي مع المدرب وصرت اقدر اشل اوزان احسن وبديت قبل اسبوع امرن عضلتين كل يوم وكنت كل يوم اسوي 30 دقيقه كارديو قبل التمرين المهم

انا الحين ناوي ادش برنامج بو راشد للتضخيم قبل رمضان الحق باقي شهرين ونص وعقب بنشف برمضان

ملاحظه العضلات تشكلت عندي بسرعه خلال ها ال3 اسابيع الكل لاحظ بس عندي كرش بارز بس جسمي بصوره عامه حلو ومتناسق الا صوب البطن ( ناوي انشف عقب شهرين ونض تضخيم بس ابي ابني عضل ع الاقل )

انا ناوي ادش بقوه وبعد فتره طويله من القرايه وتبادل خبرات الاعضاء والناس قررت استخدم ها المكملات مع الكورس

بروتين برو كومبلكس بحكم كميه البروتين فيه حلوه والفيتامنيات والاحماظ المعدنيه
امينو تك سمعت انه يحتوي على كميه حلوه من الاحماظ المعدنيه حوالي 12000 وحبوبه سهله البلع
انيمل باك افضل مالتي فايتمنز ادري البرو كومبلكس فيه فيتامينات حلوه بعد بس لافضل نتيجه
فيش اويل
نو اكسبلود = عندي جاك 3 دي بعد .... ماعرف اي واحد استخدم احسن ( منتج باور)
وعندي انيمل ستاك هل استعمله؟ انا قايل لكم ابي ادش بقوه وراكبه براسي خلال ها الشرهين ونص قبل رمضان

الحين انيي حق اكلي

الصبح بيض مع جبن وزيتون

الوجبه الثانيه سناك شوكليت من يونفيرسل بنسبه 36 جرام بروتين

الغدى عيش ودياي صدر او لحم مع سلطه

الوجبه الرابعه بروتين بعد التمرين

الخامسه سندويج شورما او ساعات معكرونه بس بالعاده شورما

السادسه بروتين قبل النوم


اتمنى من الخبراء يضيفيون او يصححون لي

[mshaf3i]

الله يوفقك
وتوصل لاهدافك
بانتظار رأي الخبراء للفائده اكثر
والاجابة على استفسارك راح يفيدني كثير

خالص تحياتي

[بردان1]

والله ياخوي ممكن الاستعجال مايفيدك
اخوي شهرين ونص تضخيم ماتكفيك حتى تبدا باساس عضلي شلون تنشف بعدها ولاتنسى مع التنشيف راح تكون خساره عضليه لابد
ممكن تخسر كل الي بديته

ريح نفسك
وابدا تخسيسس الان واذا نزلت نسبة الدهون تحت الـ 18 او قريبه للـ 15 ابدا ضخم على راحتك وتشوف نتايج افضل واسرع

اما الان تبي تضخم ومع التضخيم راح تزيد دهون وتبي تطلع بنتيجة ابدا غير مرضية , وبهكا الوقت تصير تحتاج لوقت طوووويل عشان تتخلص من الدهون والترهلات

[qatarroosky]

زين ياخوي بكمل تضخيم 5 شهور مب مشكله عقب بنشف تراني مب متين والله وكرشتي بارزه لاني مب متين يعني اشفطها شوي تصير سيده

يعني بو شهرين 3 كرشتي اطير انا عارف طبيعه جسمي والله لا تغرك الوزن مرتفع فيني طول وعضامي عريضه وفيني عضل

[بردان1]

طيب اوكي عسى الله يوفقك

جدولك يحتاج لشغل اكثر
الوجبة الي بعد التمرين
الشاورما هذي اقطعها نهائيا اخي
تحتاج لوجبة غنية بالبروتين + الكارب
انصحك بـ 3 شرائح توست اسمر + 200 قرام صدور دجاج + سلطة وزبادي
والصبح اضف للوجبة كوب حليب مع الشوفان
او شوربة

ومع وجبة الغدا لو اضفت كوب لبن خالي الدسم


والوجبة الاخيرة بدال البروتين لو قدرت تاخذ جبنة قريش " أريش " افضل

وحاول تبعد نهائيا عن الوجبات السريعة + المشروبات الغازية واعتمد ع الاكل الصحي

[qatarroosky]

يا ساتر عليك يا بردان هاي الفزعه الي كنت متوقعها تسللم يا الغالي صراحه نفعتني بها المعلومات

زين بردان فديت خشمك انا احتاج معدل 180 جرام بروتين باليوم قول سكوبين بروتين برو كومبلاكس هاي 120والباقي مع باقي اكلي هل اوفر الكميه المناسبه؟

وبخصوص الشوفان احطه داخل الحليب يعني؟

و200 قرام دجاج يعني هاي كم قطعه صدر دجاج تقريبا؟

وتفرق لو قليل الدسم او عالي الدسم؟

يلا انا بروح اتغدى الحين وباخذ لي لبن قليل الدسم مثل مانحصتني

تسلم والله ع النصايح الحلوه

بخصوص المكملات ممكن ترد ع اسالتي؟

[بردان1]

اهلا اخي
بروتين البرو كمبلكس خذ منه 60 قرام بروتين باليوم فقط
اذا كان البروكمبلكس الي عندك عادي معناته بالسكوب الواحد 30 قرام اما لو كان قينرز تاخذ بالسكوب الواحد 60 قرام فا توزع السكوب على جرعتين نصف سكوب ونصف سكوب

الشوفان نعم بالخلاط مع حليب + حبة موز + عسل لو حبيت
او تخلطه مع زبادي مع عسل
او تطبخه مع حليب على نار هادئة وتضيف عليه قرفه لتحسين الطعم
او عندك طرق كثيرة له لو ينتهي بك الامر تفتح العلبة وتاخذ بالملعقة للفم مباشرة ووراه كوب ماء ينفع
اهم شي الشوفان مهم جدا وخاصة صباحا تفتح يومك على كارب والياف
في بعض الايام لو كنت مليت من الشوفان ممكن تاخذ كورن فلكس لو لقيت بس لاتعتمد عليه ما انصحك اطلاقا لان فيه سكريات وغيره من مواد لكنه يقوم مقام الشوفان من ناحية الكارب

صدر الدجاج اغلب الاحيان الصدور المبرد يكون حجم القطعة الواحد 100 قرام لكن ممكن بعض الشركات يجيك القطعة الوحده كبيرة فا لو عندك ميزان اكل افضل او تاخذ مقدار حجم اليد تقريبا
وخذ صدور بدون جلد والصدر دائما يجي قليل الدهون


بخصوص المكملات الانيمال باك ابتعد عنه طال عمرك فيه جلاتين خنزيري وانت بكرامه
الباقي تمام لكن مادري عن الفيش اويل وش النوع الي عندك ؟

[king nawaf]

وعليكم السسلام

ترا انا زيك تماما بالوزن حتى تفكيري كان زيك

كله من المدرب الله يسامحه يبغى يكسب فلوس فقط
كان وزني 88 وطولي 172 وقت مافكرت اشد بالحديد
وقالي تقدر تبني عضل صافي وتخسر وزن بنفس الوقت مع المكملات الي اشتراه لي > صعب صعب جدا
قعدت شهرين احوس مالاحظت تغير مناسب بالجسم :|
بعدها غيرت النظام الغذائي واخذت مكملات ثانيه
والحمدلله اتحسنت بكسب بنسبة بسيطه بالعضل + خساره نسبة كبيره من الدهون.

والان وزني 79 و طولي 172
يعني باقي لي حول 10 كيلو دهون ^_^

ودام عندك زيادة بالوزن حاول تعتمد بالاول خساره الدهون ثانيا كسب عضل حتى لو بسيط لين ماتوصل للوزن المثالي.
ومثل ماني قاعد اعمل عليه انا

ودخلت كورس جديد هو بروتين صافي- امينو2222 بعد اسبوعين بدخل معاهم انيمال كت لحرق الدهون

اهم شي خلي الكراب قبل التمرين
والدهون خليه مره او مرتين بالاسبوع
> هذا الي قاعد اسويه
وبالتوفيق ان شاء الله

[qatarroosky]

فيش اويل عادي من الصيدليه

امس دخلت الانيمل ستاك والنو اكسبلود والامينو تك ع التمرين قبل بس كنت اخذ بروتين وفيتامين

صراحه جاني باور مرعب ماتوقعت بها الطريقه النتيجه شلت اوزان ماكنت اقدر اشلها قبل الدم بدى يدفق بقوى وحتى بالبش اب لما اتعب اكمل ولا علي عروجي طلعت من ويهي ماوعيت الا تماريني خلصت بسرعه!!! قمت رحت مشيت 30 دقيقه عقب التمرين خلصت مافي تعب مافي ارهاق تميت لين الليل زادت الرغبه الجنسيه من الستاك من النو اكسبلود مادري بس في باور رهيب تميت طول اليوم مصحصح همممممم اتوقع ساعات مايخليك ترقد بسرعه بس معليك شغل ( قران يخليك ترتاح وتهدى وتنام مطمئن القلب ) مشيت ع نظام غذائي بردان احس اني مرتاح بالاكل الحين صحي ومافي دهون احس انه مزاجي توب عال العال من الاكل ومن التمرين ومن كل شي

[qatarroosky]

افا وين الردود يا كباتن