قررت اترك النادي واحول لتمارين البيت

[جنون ابوظبي]

معلومات المتقدم بالاستفسار :
العمر : 18 , الجنس : ذكر

الطول :171 متر
الوزن : 73 كيلوجرام



و الاستفسار كالتالي :
السلام عليكم ورحمه الله وبركاته !


اخواني انا ان شاء الله السنه الجايه بتكون اخر سنه دراسيه لي , ففكرت اني خلاص اني اقطع النادي لمده سنه كامله , عشان اتفرغ للدراسه بشكل كامل , عشان اييب علامه تفرحمي وتفرح اهلي , فحبيت اني اتفرغ للدراسه بشكل كامل



بس حاب اسأل اهل الخبره , انا جسمي حلو والحمدالله , لكن الشي الوحيد الي ناقص عندي السكس باقز
ندخل للموضوع !


انا مب حاب اني اترك الجيم وارجع للكسل ! بالعكس
انا حاب اسوي جدول خلال هالسنه
اني كل يوم اتمرن عقله للامام 4 جولات كل جوله 10
وعقله للخلف 4 جولات كل جوله 10
وظغط 4 جولات كل جوله 10
وبطن 3 تمارين على حسب ,



اذا لعبت كل يوم بهالجدول جسمي بيطيح كثير وبتختفي عضلات جسمي بشكل كبير ؟
ابغى احافظ على جسمي قدر المستطاع !



+ اتمنى احد يعطيني جدول اهتم فيه اذا كان جدولي غلط !

[فاكرو]

وعليكم السلام وحمة الله

اخووي العب سويدي .. مثل ضغط .. عقلة .. متوازي .. بطن

يعني تمارين بوزن الجسم فقط ..

و رتب جدولك الغذائي .. وذا فيك تعطينا جدولك الغذائي يكون احسن

[جنون ابوظبي]

تسلم يالغالي

بس انتظر الاجابات كامله !

[ياضلوم]

اخوي مثل ما قال لك الاخ فاكرو ... نضم اكلك وحاول تكثر من البروتين ودخل على الجدول كارديو ..وتقدر تستعمل مكملات اثناء تمرينك في البيت

[مشعل320]

نصيحتي لك حاول تخلي التمارين في الويك اند

او ٣ ايام بالاسبوع اقل شي مع المشي وتمارين الضغط والمعده

في جداول تمارين للعضلات ٣ ايام في الاسبوع تقدر تستفيد منها


حااةل اقل الاسمان المحافظه ع جسمك واللياقه عشان لما ترجع ماتتعب ويكون جسمك حلو واللياقه اوكي
والله

يوفقك يارب ويوفقنا

[مشعل320]

ع فكره تقدر تجيب لك كم دنيل وبار في البيت وتلعب فيهم

مايمنع ذالك

[Booyaka]

إذا تبي تحول لتمارين البيت ، لازم تشتري أجهزة ، وإذا توفرت الميزانية
خبرني راح اقول لك وش تشتري ، أنا اتمرن حاليا بالبيت أجمع بين لعبة الحديد و السويدي

[فاكرو]

كابتن مشعل الغالي .. اذا هو بيلعب نص التمارين بالداملز .. ونص التمارين لا .. بيطلع جسمة غير متناسق ..

لو يلعب سويدي .. تمارين بوزن جسمة يكون احسن وافضل ..

والعب بطن وكارديو .. خفيف على حسب ما تبغي تخف دهونك

وخل تغذيتك جيدة .. وتقدر تستخدم مكملات وانته تتمرن في البيت

تمارين البيت مب مثل تمارين الجيم

يعني اخف

لو تلعب 6 أو 5 أيام فالأسبوع حلووو

بقترح عليك جدول ان شاء الله يناسبك

اليوم الأول :- سويدي
اليوم الثاني :- بطن + كارديو 30 دقيقة
اليوم الثالث :- سويدي
اليوم الرابع :- بطن
اليوم الخامس :- سويدي
اليوم السادس بطن + كارديو 30 دقيقة
اليوم السابع :- راحة

وحاول تخلي تغذيتك .. جيدة



إن شاء الله اكون افدتك ..

[shombeh]

السلام عليكم
انا اقول مثل الاخو Booyaka (http://www.montada.com/member.php?u=596385) يبليك كم دنبل في البيت وامورك طيبه انا الحين من شهر اتمرن في ابيت بس الدنابل الحمدالله موجودة واليوم ساير اشتري بار ان شالله عشان الامتحانات هع وبالتويق