المساعد الشخصي الرقمي

مشاهدة النسخة كاملة : التغذية ينفع اخذ سكوب بروتين اول ما اصحا من النوم؟؟


STR0NG
28-06-2012, 04:35 AM
معلومات المتقدم بالاستفسار :
العمر : 25 , الجنس : ذكر

الطول :170 متر
الوزن : 77 كيلوجرام



و الاستفسار كالتالي :
السلام عليكم ورحمة الله وبركاته

سؤالي هو كالتالي لكم :

ينفع اول ما اصحا من النوم اخذلي سكوب بروتين ؟ او سكوبين؟؟

يمكن يكون سؤالي غريب او سخيف بس الصراحه احب اسمع وجهات النظر من اكثر شخص وخاصتا انه هالشغله محيرتني لانه في ناس يقولون بعد الفطور افضل او قبله

واحنا محتاجين كلام علمي لو واحد يعلم بهالموضوع

وشنو رايكم الواحد ياخذ سكوبين بروتين؟ هل راح يستفيد منهم الجسم؟ ام راح ياخذ حاجته ويستبعد الباقي؟ يعني خسارة عالفاضي واخليها سكوب؟

وشكرا
بردان1
28-06-2012, 04:48 AM
وعليكم السلام

اكيد ينفع
انا افضل افطر قبل وبعده اخذ البروتين
لكن احيانن اقوم مستعجل اشرب سكوب مع سكر واذا رجعت افطر


كلام علمي ماعندي كلام علمي لانه بالاخير بروتين ماتوقع تلقى كلام علمي مهو علاج
تقدر تستخدمه باي وقت
STR0NG
28-06-2012, 05:07 AM
اشمعنا مع سكر ما ذكرت السبب؟؟
بردان1
28-06-2012, 05:18 AM
ماذكرت السبب لان ماكان هذا السؤال : ) بس اخذه مع سكر عشان اغذي العضل من كل جهه لانه بعد النوم تكون مخازن الجسم فارغه تماما

فا اخذه مع سكر
STR0NG
28-06-2012, 05:29 AM
كلام جميل

نفس لما نخلص من التمرين والعضلات تكون منهكة والمخازن ايظا فارغه فلازم ناخذ كاربوهيدرات سريعه وايظا بروتين

شكرا اخوي
Mamadoo.xp
28-06-2012, 01:34 PM
انا أول ما اصحى من النوم أشرب كاستين ماء عشان ينظف الجسم

بعد نص ساعة أفطر .. وبعده بساعتين ونص آخذلي سكوب بروتين مع حليب قليل الدسم
shombeh
28-06-2012, 01:38 PM
السلام عليكم
انا قبل الفطور بنص ساعه سكوب بروتين وبعد التمرين وقبل النوم وامورك طيبه هههه
تحيااتي
نجر العتيبي
28-06-2012, 02:10 PM
معلومات المتقدم بالاستفسار :
العمر : 25 , الجنس : ذكر

الطول :170 متر
الوزن : 77 كيلوجرام



و الاستفسار كالتالي :
السلام عليكم ورحمة الله وبركاته

وعليكم السلام

سؤالي هو كالتالي لكم :

ينفع اول ما اصحا من النوم اخذلي سكوب بروتين ؟ او سكوبين؟؟

لا . ماينفع . أول أشرب كأس ماء + غذاء كاربوهايدراتي سريع الأمتصاص ( لرفع مستويات الأنسولين )وبعدها ب 30-45 دقيقه تناول بروتين بودر سريع الأمتصاص .


وشنو رايكم الواحد ياخذ سكوبين بروتين؟ هل راح يستفيد منهم الجسم؟ ام راح ياخذ حاجته ويستبعد الباقي؟ يعني خسارة عالفاضي واخليها سكوب؟

هذا يعتمد على البرنامج الرياضي اللي أنت قائم عليه ( يعني اللي جالس يشتغل بشكل طبيعي ماله داعي يكثر من أستهلاكه للبروتين مثل اللي يشتغل بكورسات هرمونيه )

وشكرا

عفوا


موفق خير يابطل .
STR0NG
28-06-2012, 08:33 PM
الله يعطيكم العافيه جميعا

اكثر اجابة اقنعتني دكتور نجر

صحيح كلامك افضل شي الماي ومن ثم الكاربوهيدرات السريع وبعدين البروتين
Rashid.S
29-06-2012, 11:16 AM
وعليكم السلام ..

السموحة دكتور أنا أختلف معك وعندي رايي وبطرحه :) لا تخاف مو جاي أتهوش بذكر اللي اعرفه

تأخذ بورتين ولا ما تاخذ ؟؟ يعتمد على نوع البروتين إذا كان واي حلو واذا كان ايزو افضل واذا كان هيدرو هذا افضل شيء
انا بتكمل من ناحية كمال أجسام ولا أدري من نحية الصحة لأن في أشياء تتعارض لو تبي الصراحة

انت جسمك يكون في حالة صيام وتنفذ منه عناصر الغذاء وقت النوم من احماض امينيه وجلوكوجين فعضلاتك تكون بحالة كتابولك اي مرحلة هدم عضلي
ولتفادي هالمرحلة لازم تغذيها باسرع نوع بروتين + كارب الكارب عشان يرفع الانسولين ويبعدك من ارتفاع الكرتيزول والبروتين عشان يوفرلك الأحماض الامينيه للعضله

وانا عن نفسي احيان اخذ سكوب ايزو مع ماء + 3-7 تمرات
نجر العتيبي
01-07-2012, 09:58 PM
وعليكم السلام ..

السموحة دكتور أنا أختلف معك وعندي رايي وبطرحه :) لا تخاف مو جاي أتهوش بذكر اللي اعرفه
تأخذ بورتين ولا ما تاخذ ؟؟ يعتمد على نوع البروتين إذا كان واي حلو واذا كان ايزو افضل واذا كان هيدرو هذا افضل شيء أوافقك الرأي ألا أن الجسم ماتفرق معاه نوعية المكمل بقدر القيمه البايولوجيه التي يحملها حتى لو كانت تحتوي على نسبه من الفات .
انا بتكمل من ناحية كمال أجسام ولا أدري من ناحية الصحة لأن في أشياء تتعارض لو تبي الصراحة

انت جسمك يكون في حالة صيام وتنفذ منه عناصر الغذاء وقت النوم من احماض امينيه وجلوكوجين فعضلاتك تكون بحالة كتابولك اي مرحلة هدم عضلي هنا مربط الفرس
ولتفادي هالمرحلة ومن هنا يبداء الحل اللي لازم يكون كارب سريع الأمتصاص لتعويض النقص في مخازن الجيلوكاجين وأيقاف حالة الكاتابوليك والتحول ألى أنابوليك برفع مستويات الأنسولين والتقليل من مستويات الكيرتيزول ووضع الجسم في أقصى حالاته البنائيه للأستفاده القصوى من الحصه البروتينيه التاليه لازم تغذيها باسرع نوع بروتين + كارب الكارب عشان يرفع الانسولين ويبعدك من ارتفاع الكرتيزول والبروتين عشان يوفرلك الأحماض الامينيه للعضله

وانا عن نفسي احيان اخذ سكوب ايزو مع ماء + 3-7 تمرات

حياك الله أخي راشد .
غامدي الشرقيه
01-07-2012, 11:34 PM
نا أول ما اصحى من النوم أشرب كاستين ماء عشان ينظف الجسم

بعد نص ساعة أفطر .. وبعده بساعتين ونص آخذلي سكوب بروتين مع حليب قليل الدسم

+ رد بطل ومجرب ;)
STR0NG
02-07-2012, 02:29 AM
هذا الحلو لما نطرح موضوع ونتناقش فيه

فكل شخص له وجهة نظر وله مبرراته الخاصه واسبابه وتجربته

وبالنهاية اغلب الاراء صحيحة

شكرا للجميع
مشاري الرياض
02-07-2012, 08:50 AM
بالنسبه لي ولله

اخذ البروتين اول ما اصحى من النوم بس بس مرات مع حليب قليل الدسم ومرات مع ماء ؟؟ مادري وش الافضل بس اتوقع الماء لانه اسرع

وبعدها بساعه افطر ......
STR0NG
02-07-2012, 07:36 PM
انا افضل دائما وابدا انه البروتين ناخذه مع ماي اولا لسهولة الشرب وما يكون ثقيل وبعدين يكون سريع الامتصاص

لانه الحليب ممكن يزيدك 5 او 7 قرام بروتين تقدر تعوضها وتزيدلك ربع او نص سكوب ولا انك تغث نفسك ومعدتك عالفاضي
daughtry
02-07-2012, 08:03 PM
الله يعطيكم العافيه من ناحيتي دائما بطل الماي عند راسي
اول ما اقوم ماي وبعدها عسل وبعدها بروتيني بعدهاافطاري لكن افصل بينهم اكيد
Heartbeat
03-07-2012, 04:10 AM
وعليكم السلام ..

السموحة دكتور أنا أختلف معك وعندي رايي وبطرحه :) لا تخاف مو جاي أتهوش بذكر اللي اعرفه

تأخذ بورتين ولا ما تاخذ ؟؟ يعتمد على نوع البروتين إذا كان واي حلو واذا كان ايزو افضل واذا كان هيدرو هذا افضل شيء
انا بتكمل من ناحية كمال أجسام ولا أدري من نحية الصحة لأن في أشياء تتعارض لو تبي الصراحة

انت جسمك يكون في حالة صيام وتنفذ منه عناصر الغذاء وقت النوم من احماض امينيه وجلوكوجين فعضلاتك تكون بحالة كتابولك اي مرحلة هدم عضلي
ولتفادي هالمرحلة لازم تغذيها باسرع نوع بروتين + كارب الكارب عشان يرفع الانسولين ويبعدك من ارتفاع الكرتيزول والبروتين عشان يوفرلك الأحماض الامينيه للعضله

وانا عن نفسي احيان اخذ سكوب ايزو مع ماء + 3-7 تمرات
+1

يعطيك العافيه اخوي راشد
fouad.10
04-07-2012, 03:35 AM
اهلا اهلا ..

اخوي بالعكس سؤالك مو سخيف ولا شي ..

والله انا اشرب مويه وبعدها بشويتين اخذ عسل واحيانا موزه واحيانا تمر وبعدها شويتين اقرقع البروتين واذا كان عندي وقت 6 بياض بيض ..

وزي ما قالو الاخوان مشكورين عشان الانسولين والاستفاده من البروتين .. واتمنى لك التوفيق يالغالي ..

بالنسبة للأخ Heartbeat الكابتن راشد يتناقش مع الكابتن او الدكتور نجر وكل واحد قال الي عنده ممكن تقولنا طريقتك في استخدام البروتين بعد ماتقوم من النوم وتبطل شغل التعزيز ( +1) يا مديرنا الغالي ..!
Heartbeat
05-07-2012, 01:20 AM
بالنسبة للأخ Heartbeat الكابتن راشد يتناقش مع الكابتن او الدكتور نجر وكل واحد قال الي عنده ممكن تقولنا طريقتك في استخدام البروتين بعد ماتقوم من النوم وتبطل شغل التعزيز ( +1) يا مديرنا الغالي ..!
^_^
ليش أتفلسف بما اني أتفق مع رأي الأخ راشد :)
Strong Muscle
05-07-2012, 02:45 PM
تحيه واحترام
اول ما اصحى من النوم اتناول لتر ونصف الى لترين من الماء -حسب العشاء-وبعد الصلاه موزه وسكوب بروتين مع امنيو اسيد.
اعتقد ان هذه الطريقه تهئ جسمك لاستقبال الفطور بشراهه-طبعا هذا ليس كلام علمي ولكن تجربتي فقد استندت بذلك الى انه من الافضل علميا تناول مقبلات قبل الوجبه لتهيئة المعده والكبد وسيكون الهضم سريعا ويمكنك تناول الوجبه الوسطى بنفس مفتوحه.
STR0NG
07-07-2012, 02:54 AM
ماشالله عليك لتر ونصف الى لترين هذا بس اول ماتقعد من النوم؟؟؟

انا يوم كامل واحمد ربي اذا وصلت الى لتر ونص ماي ههههههههههههههه

صحه علي قلبك