راح اوقف حديد وابدأ تنشيف! نصائحكم؟!

[STR0NG]

معلومات المتقدم بالاستفسار :
العمر : 25 , الجنس : ذكر

الطول :170 متر
الوزن : 75 كيلوجرام

نسبة الدهون : 22%

و الاستفسار كالتالي :
السلام عليكم ورحمة الله وبركاته

انا ولله الحمد شبه ملتزم بالنادي والعب كمال اجسام مستمر من ست شهور, الحمدلله بنيت عضل لا بأس فيه وتعلمت الكثير بهالفتره سواء بالتغذيه ام بالتمارين ام بالمكملات, من الكباتن واصدقائي ومن هالمنتدى وغيره من المواقع الحمدلله اقرا واجد

والحين للامانه ناوي اوقف حديد واخلي جدولي بس مشي علي الاجهزه لمدة 45 دقيقه يوميا اخليها ربع ساعه علي جهاز الكروس ونصف ساعه علي جهاز المشي العادي

وبعدين لما اخلص من المشي احول سباحة لمدة نصف ساعه سباحة ومشي بالماي

وبعدين اخر محطة بالجاكوزي اريح واسترخي لمدة خمس دقايق عالاقل

وبخلي هالجدول يوميا وممكن اريحلي يوم بالاسبوع

وبالنسبه للتغذيه صعب اني اتقيد بنظام معين لكن راح احاول ابتعد عن الكاربوهيدرات والدهون والمطاعم والحلويات, واشرب يوميا عصير اناناس وكيوي لانهم يحرقون الدهون

واحاول اكثر الفلفل الاسود بالاكل لانه يرفع حرارة الجسم فبالتالي تحرق الشحم


وانا هدفي للامانه احرق دهون كثر ما اقدر واحاول ابعد هالكرشه المزعجه والزوايد

طبعا هالنظام لمدة شهر بس

شنو رايكم؟؟ وشنو نصائحكم؟

[بردان1]

وعليكم السلام ورحمة الله

اخشى عليك من خسارة العضل بهالطريقة

جدا مكلف على الجسم وهالشي راح يهد عضل مية بالمية
خاصة وانت بالاساس تبي تترك الحديد

طبعا التنشيف مصطلح التنشيف دايم يكون دقييييييق وبطيء بالنزول كله تحسبا لنزول العضل

[humax2007]

خطا اذا تترك الحديد لان الاعصاب راح ترتخي واذا رجعت راح تعاني

الافضل تستمر لكن تلعب باوزان متوسطه

[king nawaf]

اذا تبغى تستفيد بالنهاية

حاول تبعد عن الدهون كليا كل حاجتك اليوميه لكن ابعد الدهون تمام

ولا تلعب بالسير اكثر من 30 دقيقه لانه تزيد خسارة العضلات.

واعتمد على جهاز قياس الدهون مع كتلة العضلات

شف انا سويت مثلك ونزلت الحمدلله 4 كيلو لكن 3 كيلو دهون و كيلو واحد عضلات !!! اتحطمت كثير

-----------------------

اقترح عليك انك تخلي 3 ايام مشي و 3 ايام حديد

او تمشي قبل تمرين الحديد 15 دقيقه وبعد تمرين الحديد 15 دقيقه .

في طرق كثيره وانت عليك تجرب كل شي حتى توصل لهدفك.

واتمنى لك التوفيق
وكلامي من خبره بالتخسيس وليس لدي خبره قويه بكمال الاجسام

[STR0NG]

وعليكم السلام ورحمة الله

اخشى عليك من خسارة العضل بهالطريقة

جدا مكلف على الجسم وهالشي راح يهد عضل مية بالمية
خاصة وانت بالاساس تبي تترك الحديد

طبعا التنشيف مصطلح التنشيف دايم يكون دقييييييق وبطيء بالنزول كله تحسبا لنزول العضل


انا معاك اخوي بهالنقطة وشي طبيعي راح ينزل عضل وانا راضي لكن الاهم اني ناوي اضعف وازيل الكرش وانا اشوف لوضعي ما ينفع الا هالحل

لانه للامانه صعبه حديد كمال اجسام مع مشي وسباحة عشان انقص دهون جربتها ومانفعت

[STR0NG]

خطا اذا تترك الحديد لان الاعصاب راح ترتخي واذا رجعت راح تعاني

الافضل تستمر لكن تلعب باوزان متوسطه

اسمحلي اخوي كلامك ما اقتنعت فيه شلون الاعصاب ترتخي واذا رجعت راح اعاني؟ كلامك علمي ولا من تجربه ولا تحليل ؟؟

لانه للعلم بفترتي انا الــ 6 شهور وقفت مرتين وكل مره كانت اسبوعين

وكثير من اصدقائي وقفوا حديد شهور وبعضهم سنتين ورجعوا والوضع طبيعي

ياليت لو توضحلي هالنقطة اكثر

وشكرا

[STR0NG]

اذا تبغى تستفيد بالنهاية

حاول تبعد عن الدهون كليا كل حاجتك اليوميه لكن ابعد الدهون تمام

ولا تلعب بالسير اكثر من 30 دقيقه لانه تزيد خسارة العضلات.

واعتمد على جهاز قياس الدهون مع كتلة العضلات

شف انا سويت مثلك ونزلت الحمدلله 4 كيلو لكن 3 كيلو دهون و كيلو واحد عضلات !!! اتحطمت كثير

-----------------------

اقترح عليك انك تخلي 3 ايام مشي و 3 ايام حديد

او تمشي قبل تمرين الحديد 15 دقيقه وبعد تمرين الحديد 15 دقيقه .

في طرق كثيره وانت عليك تجرب كل شي حتى توصل لهدفك.

واتمنى لك التوفيق
وكلامي من خبره بالتخسيس وليس لدي خبره قويه بكمال الاجسام


اخوي لانه كمال الاجسام يحتاج اكل معين ويحتاج كاربوهيدرات كميات كبيرة وهذي تمتن !!

والرجيم يحتاج اكل معين ايظا !! يعني صعبه اجمع بين الثنتين انا حاولت وتعبت ومانفع يعني راح اصير نفس الغراب اللي حاول يقلد مشية الحمامة وماعرف ولما رجع لمشية الغراب نساها هههههههههه

لانه ممارسة الحديد لحالها جدا متعبه والله ما تصدق تخلص اخر تمرين وتهج من النادي تبي تشرب البروتين وترجع البيت ترتاح وتاكل

وانا الصراحه ناوي انزل بوزني واجد اقل شي 5 كيلو

وانشالله اذا رجعنا للحديد بعد شهرين او ثلاثه علي حسب الظروف نبدا من جديد مع كورسات مكملات وتغذيه وانشالله نبني عضل

[fouad.10]

السلام عليكم ورحمة الله وبركاته ..

صباح الخير يالغالي ..

معلوماتك نفس معلوماتي بس انا زايد عنك تقريبا بـ 2 كيلو , وقاعد افكر اوصل 85 وبعدها انشف ..

بصراحه ما اخفيك ماعمري سمعت او شفت اي احد يبغا ينشف ويترك الحديد ويحول سباحه او جري او غيره , بالعكس يلعب حديد لكن يحسب اكله بالملي !

و ع العموم اتمنى الخبراء يفيدونك ان شاء الله ..

وبشرنا عن النتايج عشان اكيد راح تكسب خبره اذا اول مره تنشف وخلينا نعرف ايش يصير معاك وتعلمني بعدين ^_*

تققبل مروري ياوحشش..

[STR0NG]

وعليكم السلام اخوي

انا فهمتك تقصد العب حديد ولكن باوزان خفيفه

هذي صعبه الصراحه لانه النادي اللي فيه انا زحمه

وراح يكون تعب علي كل شوي اشيل اوزان اللي يلعب معاي وانا العب خفيف

لانه ماشالله اللي معانا بالنادي اغلبهم ياكلون هرمون هههههههههه كلهم اجسام ضخمه واوزانهم عاليه

وانا ما خذيت كورسات هورمونات وضخمت عشان اخاف اخسر عضلي كبير فهمت يعني nothing to loose

وانشالله راح انزل موضوع بعد اسبوع واكتب تقارير اسبوعيه باذن الله

[fouad.10]

خخخخخ والله احسن شي انك بين الوحوش بالعكس حماس ..

بعدين صدقني ست شهور ممتازه تطلع معاك كتله ممتازه حرام تخسرها , لأنو اتوقع اذا كان شغلك كله كارديو ونظامك الغذائي لك عليه صدقني بتفقد كثير ..

انا قبل فتره لعبت ست شهور ووزني وقتها 72 والدهون 15% وقفت عن النادي شهر طبعا الشهر هذا قضيته مشي ساعه في اليوم وتمارين بطن في البيت بسس والتغذيه اهملتها بالمره يعني وجبتين في اليوم تقريبا ..

انا انفجعت يوم طلعت الميزان خخخخ لقيته واصل 60 !!!

عاد انا كنت مخطط ازبط شكلي للزواج واثاريني انصهرت خخخخخ وبعدها وقفت عن كل شي لمدة 4 شهور والحمدلله الحين رجعت صارلي 9 شهور ..

وان شاء الله ربي يوفقك ويوصلك لمبتغاك ..

[نجر العتيبي]

أتبع التعليمات التاليه : - ( مطابقه لشخص يمارس رياضة كمال الأجسام بدون ستيرويدز لغرض التنشيف)
1 - أستمر في الحديد
2 - تمرن تمرينك الأعتيادي ( أقصى أوزانك ) ولا تصدق مقولة أوزان خفيفه عدات كثيره . ( صح , أن أوزانك تنزل , لكن عادي . لأنك في برنامج غذائي سعراته الحراريه غير مكافئه للمجهود البدني الذي تقوم به , فلا تقلق ياصديقي ).
3 - خفض من سعراتك الحراريه 500 سعر حراري في الأسبوع حتى تصل ألى 1500 سعره حراريه .
4 - أذا لياقتك القلبيه جيده , مارس الأيروبك شبه يومي بعد الجيم لمده 30 دقيقه متواصله على أقل تقدير . وأذا لك عليها أبداء بقدر الأستطاعه شرط أن تكون في تصاعد عن كل مره .
5 - أستعمل حارق + جلوتامين + مالتي فايتمن + زيت السمك + وي بروتين
6 - أستمر على هاالبرنامج حتى تصل هدفك على أن لاتتجاوز 8 أسابيع .

موفق خير , وأذا فيه أضافه يأخوان لاتقصرون مع أخونا سترونق . تراه مجتهد الله يوفقه .

[STR0NG]

شكرا دكتور نجر بارك الله فيك

وانت بعد ماشالله عليك مجتهد بردودك المميزة دائما وبكل المواضيع

انا عشان اوضح لكم ليش اني مصر علي ايقاف الحديد لانه بكرا راح اجدد اشتراكي بالنادي يصير من 8\7 الى 8\8 وبعدها راح اوقف لظروف سفره لمدة شهر

يعني بالعربي موقف موقف

فناوي اطلع بنتيجة عالاقل

اني اخفف الدهون كثر ما اقدر

وبعدين انشالله نرجع للحديد عالاقل بدون دهون واديربالي حبه حبه

اتمنى الفكرة اوصلت

[بردان1]

اهاه اذا انت ناوي تخسس وليس تنشيف


اذا كذا طبق الي تشوفه واترك الحديد مهو مهم

[STR0NG]

اي صح كلامك كلمة تخسس هي الصحيحه انا اعتذر عن مصطلح تنشيف يمكن مو بمحله الصحيح

اشكر الجميع عالمشاركة