المساعد الشخصي الرقمي

مشاهدة النسخة كاملة : كمال الاجسام استفسار عن التدريب+المكملات


bader1543
14-07-2012, 12:35 PM
معلومات المتقدم بالاستفسار :
العمر : 23 , الجنس : ذكر

الطول :171 متر
الوزن : 64 كيلوجرام



و الاستفسار كالتالي :
السـلام عليكم

كيف حالكم شباب

مثل ماهو موجود بالمعلومات , وزني 64 وطولي 171 ,, ضيعت ماعرفت كيف ابدا

استفساري

1- لو كنت ابغى سكس باك بس , وش الخطوات المطلوبه؟ واحتاج زيادة وزن؟ والمكملات مهمه في نظام السكس باك او لا؟ وهل ممكن استخدم تمارين بدون اجهزه (لأني برى الرياض وصعبه نوعاً ما مافي شي قريب)


2- لو كنت ابغى تضخيم كامل , لازم في البداية ازيد وزني مثل ماعرفت .. بس وش الخطوات بالترتيب

الله لايهينكم
مبتدأ حديد
14-07-2012, 04:11 PM
خطواتك :
١- سجل في نادي
٢- اهتم بالتغذية وركز على البروتينات والكارب وخفف من الدهون
٣ بعد شهر او شهرين دخل المكملات
السكس باقز يبي لها تمارين بطن + جري واذا كان بطنك ناشف ان شاء الله فترة بسيطة ويطلع لك

اذا ماتقدر تخش في نادي امش كل يوم ساعه + بوش اب + تمارين بطن اول ماتصحى وانا شاء الله امورك طيبة
bader1543
15-07-2012, 04:39 PM
الله لايهينك يالذيب

طيب على وزني هذا , يعني جسمي نحيف بس فيه زوائد
وش الجدول اللي ينفع ؟ اقصد التغذيه

هذا ينفع؟



الغذاء
الفطور
3 ملاعق شوفان بحليب قليل الدسم محلى بسكر دايت خالي الاسبارتم +3 بياض بيض مسلوق

تقدر تستبدل الشوفان بكورن فلكس قليل السعرات مع ان الشوفان افود صحيا

بعد ساعتين كوب حليب قليل الدسم مع 3 حبات تمران وجد

الغدا
فيليه سمك بالفرن + سلطة مشكلة بدون ملح

العشا
زبادي قليل الدسم + 3 بياض بيض مسلوق


او هذا


وجبة الافطار >> ركز فيها على البروتين بصورة كافية والكربوهيدرات المعقدة والبسيطة والألياف ( معكرونه أو رز + دجاج أو مشويات أو اللحوم بصفة عامة

+ طبق سلطة خضراء )

وجبة ما قبل التمرين ( قبل صلاة العشاء بقلييل ) >> قطعة حلى أو قطعتين + كوب عصير >> من أجل الطاقة لأداء التمرين بصورة جيدة

وجبة العشاء ( بعد التمرين بساعة) >> ( أرز أو معكرونة أو أي بديل لهما + قطعة دجاج أو لحم + صحن خضار أو حبة فاكهة )

وجبة السحور >> ركز على البروتين بطئ الامتصاص ( ممكن تاخذ لك قطعة لحم + جبن قريش + خبز أو رز )


طبعا الثاني لرمضان , والاول بعدله يكون على نظام رمضان


وش الانسب لوزني وجسمي؟؟
bader1543
17-07-2012, 07:02 PM
....... up
Mr.FiT
17-07-2012, 08:09 PM
اخوي انت حدد اول شي تبي تضخيم ولا تطلع السكس باك لان صعب الاثنين تطلعهم في نفس الروتين اذا بالنسبه للسكس باك اهتم بالهروله وتمارين البطن بعدها والجوانب والاكل كثر بروتين والدهون صفر والكارب يكون قليل واذا تبي تضخم يختلف النظام الغذائي وقتها
مبتدأ حديد
18-07-2012, 04:09 AM
من رايي انك تخش النادي الان وتلعب لعب على قولتهم مو صارم او شديد بس افهم اساسيات اللعبة والتمارين ..

بعد رمضان خش برنامج عضل صافي وكبر عضلاتك واهتم بالصدر اذا تبي السكس باقز يكون شكله جميل

وان شاء راح تحب اللعبة

بالتوفيق دعواتك