استفسار عن المشاركة ببطولة

[S.alkalbani]

معلومات المتقدم بالاستفسار :
العمر : 19 , الجنس : ذكر

الطول :161 متر
الوزن : 57 كيلوجرام

نسبة الدهون : 13

و الاستفسار كالتالي :
السلام عليكم ورحمه الله وبركاته

كيف حالكم يا اعضاء ويا كباتن ان شاء الله مرتاحين

اولا اعتذر اذا اسم الموضوع غلط ماعرفت شو اكتب

ثانيا بدخل في صلب الموضوع

مده اللعب سنه و3 اسابيع

بعد 4 شهور من اليوم يعني في شهر 12 بالتحديد ستقام بطولة في دبي بدولة الامارات العربيه المتحده لكمال الاجسام

وبعد التفكير قررت اني اشارك في اول ظهور لي في هذه البطولات.. قررت اما الدخول لوزن 65 او وزن 70

فا الي عنده خبره بهالمواضيع او ممكن يفيدني اتمنى اشوف رده

اتمنى افادتي لاني اريد ازيد وزني صراحه ودي ادخل بوزن 70 ف يالغالين اتمنى تخبروني كيف ممكن ارفع وزني بهالفتره الي هي 3 شهور وبعدها بنشف شوي عشان ادخل وجسمي فأفضل حالاته ان شاء الله

واعتذر اذا كان هناك اي خطأ بالموضوع

اخوكم سليمان

[مبتدأ حديد]

اخوي ياللين تذكر فترتك باللعبة عشان يفيدونك الشباب

بالتوفيق

[S.alkalbani]

اشكرك على الرد والتنبيه :bigeyes: الحمدالله مده الللعب سنه و3اسابيع

[.hamad.]

هلا فيك اخوي

اوصلتني رسالتك

انت تعرفني بدون مجاملات مستواك حلو وجسمك ماشاء الله جيد

ولكن موضوع البطولة بدري عليه اشوي انت مايرضيك تطلع من التصفية

البطولات تحتاج فورمة جسم معينه عشان تطلع بمستوى ع المسرح وحالياً انت غير مؤهل لهلمرحلة

اتمنى ماتزعل من كلامي ولكن صعب جداً انك تدخل بطولة حتى بوزن 60 كيلو

[S.alkalbani]

شاكر لك ردك اخوي كبتن حمد وعلى تعديل اسم الموضوع

والصراحه افضل شي بهالمواضيع عارف انه البطولة يبالها شغل محترم وسمان

هي اول مشاركه وحتى لو طلعت من التصفيه او عديت التصفيه على المدى البعيد بكسب خبره من هالمشاركه بتخليني ارتب جسمي افضل لبطولة اخرى

ردك يكفي ويوفي وان شاء الله باقي الشباب يردو ونشوف الردود وبجتهد بهالفتره وان شاء الله لين يوم البطولة اكًون فورمه تأهلني للبطولة

[الناعسي]

والله يا سليمان الكابتن حمد كلامه كلام الاخ الكبير اللي يبي مصلحتك

بس من وجهة نظري ان لكل شي بدايه وعلى الاقل بتعرف مستواك ونقطة البدايه لك والبطوله راح تكون اكبر حافز لك لتواصل من تطوير جسمك ومستواك بشكل عام

حتى لو طلعت من التصفيات سريع سريع على الاقل بتكتسب خبره كيف جو البطوله وجميع نواحيها

لكن من ناحية المنافسه ذاتها فلا اقدر ازيد على كلام الكابتن حمد

[S.alkalbani]

ممكن ارتب جسمي ليوم البطولة وادخل بفورمه ممتازة وممكن صحيح اطلع من التصفيات بس مب خسران بالحالتين تجربه بستفيد منها كثير ان شاء الله

وكلام كبتن حمد على العين والراس كلام شخص فاهم بهالاشياء

[france for ever]

هلا فيك اخوي

اوصلتني رسالتك

انت تعرفني بدون مجاملات مستواك حلو وجسمك ماشاء الله جيد

ولكن موضوع البطولة بدري عليه اشوي انت مايرضيك تطلع من التصفية

البطولات تحتاج فورمة جسم معينه عشان تطلع بمستوى ع المسرح وحالياً انت غير مؤهل لهلمرحلة

اتمنى ماتزعل من كلامي ولكن صعب جداً انك تدخل بطولة حتى بوزن 60 كيلو



والله كلام الكبتن حمد سليم

اخي انصحك بالتطور اكثر و المثابرة لحضور مشرف في البطولات القادمة ان شاء الله


بالتوفيق يا بطل

[S.alkalbani]

مشكور اخوي فرانس على الرد وحاليا ماعندي غير اجتهد وبشوف وضعي لين البطولة