نزيف اثناء التمرين ؟؟

[تذكرتك]

معلومات المتقدم بالاستفسار :
العمر : 20 , الجنس : ذكر

الطول :180 متر
الوزن : 95 كيلوجرام

نسبة الدهون : 19

و الاستفسار كالتالي :
السلام عليكم ورحمة الله وبركاته

اليوم وانا في التمرين ( باي وتراي ) جاني نزيف في الانف بشكل متوسط !

طبعاً الصحه اهم شي لذلك قررت اني ما اكمل التمرين ( لعبت تمرين واحد فقط سوبرست -_- )
مع اني كنت متحمس جداً، تغذيتي مركزه جداً في يوم الذراع لأني اعاني من تأخر الذراع عن بقية العضلات فاحاول انه يكون هذا اليوم افضل يوم من كل النواحي

قبل التمرين بساعتين ونص اخذت لي حول الـ 150-200 جرام شوفان بالحليب والعسل وسكوب كومبات + الملتي فايتمن ارمور في
بعدها بساعتين اخذت جرعة من باتل فيول (محفز)
وقبل التمرين اخذت سكوب كامل من اسولت ( عادة اخذ نص سكوب بس الايام اللي احتاج فيها انيرجي عالي اخذ سكوب كامل )

طبعاً قبل التمرين حميت كارديو وسويت سترتش و ورم اب ست للعضلات المستهدفه

ما ادري اول مره تصير لي صراحه! هل تعتقدون انها من المكملات مع انه لي اسبوعين ماشي على نفس الكورس وما عانيت من اي شي
او تعتقدون انه من الضغط العالي اثناء التمرين بحكم الشده لان الوززن كان عالي وفوق هذا سوبرست وكالعاده لازم من كتم النفس بداية العدده بعدين اتنفس بشكل عادي

ارائكم ونصايحكم

[no pain no gain]

اول شي اشوف ماله داعي تاخذ اي محفز
لأنه هرموناتك الطبيعيه تكون في أعلى مستوياتها والمحفزاللي تاخذه يعطي باور عالي ( تجربة بعض الأعضاء )
وتاخذ معه اساولت وهو منتج قوي ايضا
ولو توقفه يكون افضل عشان ماتسبب ضغط عالي على جسمك
احد اللاعبين اعرفه شخصيا اخذ الجاك ثري وحدثت له نفس المشكله وقفه وانتهت المشكله

[تذكرتك]

امممم يعطيك العافيه

وبصراحه ماشفت من المحفز اي ايجابيات وعلى الارجح اني باوقفه

[تذكرتك]

يا اخوان شي غريب صصراحه

اثناء نومي انفي نزف مره ثانيه
ايضاً جرحت اصبعي يوم الثلاثاء والحين بعد اربع ايام رجع ينزف

انا ان شاء الله رايح للدكتور، واذا سألني وش تاخذ باقوله مكملات غذائيه ومن بينها نايترك اوكسيد، طبعاً بيقولي خطيره ووقفها وكذا

بس هل اوقفها والى متى ؟ مع العلم اني كل فترة ( تقريباً شهرين الى ثلاث اشهر ) اخذ لي pre-workout supplement و قد جربت مكملات مشهوره كثير بسس ما سبق حصلي كذا صراحه

[no pain no gain]

اغلب مكملات الطاقة والبمب تعمل على ضخ الدم وتوسيع العروق في الجسم فربما العروق في جسمك لا تتحمل هذه العملية
فتنفجر اطرافها
يحدث لبعض الاشخاص التالي
صداع شديد - نزيف الأنف - استفراغ - أرق
فخليك على الطبيعي افضل
موز - تمر - عسل - حليب - زبيب اثناء التمرين
تعطي طاقه حلوه
وماتشوف شر إن شاء الله

[تذكرتك]

والله يآ أخووك إني وسوست

المشكلة دآيم أستعمل مكملآت الطآقة ويآمآ أستعملت جرعآت عآليه زي 3 سكوبآت من النو أكسبلود ومكملات غيره كثير ولا صار لي اي شيء
و الأسولت لي أسبوعين أستعمله ومآشي معي زي الحلآوه ( افضل مكمل طاقة استعملته ) لآ أثآر جآنبية ولآشيء

ع العموم أنا بريح يومين وبأرجع أستعمل الاسولت واشوف اذا كان هو السبب او لا

الله يعطيك العافيه والشر مايجيك ياخوي