البروكوبلكس او البروكوبلكس جينز

[cooler2008r]

معلومات المتقدم بالاستفسار :
العمر : 21 , الجنس : ذكر

الطول :175 متر
الوزن : 64 كيلوجرام

نسبة الدهون : 11

و الاستفسار كالتالي :
السلام عليكم ورحمه الله وبركاته....
اخواني انا كان وزني قبل 6 شهور 58 كيلو ونسبه الدهون تقريبا 10.5
وبعد التدريب وتحسين الاكل زاد وزني الى 64 ونسه الدهون 11
وانا هدفي جسم فتنس ((يعني عضلات شوي بارزة مع تقسيم ))

طبعا هذا الشي كان بدون استخدام اي مكمل غذائي وتدريب في البيت (( ضغط -- واوزان خفيفه -- 5-8 كيلوو))

بس الحين مافي اي تقدم وقررت ادخل جيم و اخذ مكمل غذائي و الي هو البروكومبلكس بس محتار بين العادي والجينز

سوالي
هل اذا اخذت البروكوبلكس العادي هل بيكون هناك زيادة في الاعضل ملحوضة او ضروري اول شي اخذ الجينز ؟

هدفي جسم فتنس ((يعني جسم معتدل وعضلات بارزه)) مو جسم ضخم

وسلامتكم......

[mr.dark.gym]

وعليكم السلام ورحمه الله وبركاته ..

البروكمبلكس إفضل في هذه الحاله ..

ولازم تلتزم وتصبر علشان توصل لهدفك ..

[بردان1]

لا القينر ولا العادي
ماتقدر تجزم انهم يعطوك نتيجة ملحوظة
اللعبة لعبة صبر والدراسات تقول ان الحد الاعلى للعضل بالشهر 1 كيلو فقط

السؤال كيف تحصل على الحد الاعلى كامل , الجواب راح يكون انك تلتزم بنظام غذائي عالي االسعرات وبنفس عالي بالبروتين ( يعني مايكون مصدر السعرات اي مكان )
وبعد ماتسوي هالشي من الطبيعي راح تحصل على زيادة خفيفه دهنية ويرجع غالبا لنظامك الغذائي


بالنسبة لي لو كنت مكانك راح اخذ القينر , لكن مشكلته مهو اقتصادي
والاثنين ممتازين

[Booyaka]

قينر أو عادي لا تعطي هم حاليا ، الاوزان اللي كنت تلعب عليها لا تودي ولا تجيب يعني شيئ أكيد ماراح تشوف تقدم حاليا انت أخترت الحل الصحيح أنك سجلت بنادي ، اللي راح يحصل الان انه جسمك يتلقى اوزان جديدة عليه وأجهزة جديدة متنوعة فأكيد راح يتفاعل جسمك مع هذا الشيئ بس اهم شيئ انك تضبط أكلك ووفر كامل احتياجك من العناصر الغذائية ، وتقدر تاخذ مكمل قينر او عادي بعد التمرين يعني مابتفرق كثير معاك .

[humax2007]

اكيد السبب الاوزان الخفيفه اللي تلعب بها
ضروري تشد على نفسك بالتمرين

[cooler2008r]

مشكورين على النصائح والتوجيهات وماقصرتو
وانا ان شاء الله بستمر اول شهر بدون مكملات و على حسب النتائج الي بشوفها بقرر استخدم البروكوبلكس او لا

ومشكورين مره ثانية....