جدول غذائي للضخامه العضليه الصافيه ! محتاج تعديلاتكم

[جنون ابوظبي]

معلومات المتقدم بالاستفسار :
العمر : 18 , الجنس : ذكر

الطول :170 متر
الوزن : 75 كيلوجرام

نسبة الدهون : 12

و الاستفسار كالتالي :
السلام عليكم ورحمه الله وبركاته



اخواني انا حالياَ انتقلت الى دبي عشان الدراسه في الجامعه .. حولت للجامعه الامريكيه في دبي
وطبعا تغير جدولي غذائي وحاب ادخل في كورس بسيط ومحتاج جميع تعديلاتكم على الجدول الغذائي الله يخليكم ..

للعلم المكملات :
1- ايزو 100
2- امينو تك
3- فيتامينات
4- زيت السمك



الوجبه الاولى ( الساعه 6 ونص ) : 4 بياض البيض + كوب حليب + 4 ملاعق شوفان + خياره + 7 تمرات
المكملات ( الساعه 7 ) : حبه زيت السمك + حبه فيتامين + 4 حبات امينو تك
الوجبه الثانيه ( الساعه 10 ونص ) : موزتين + فراوله + اي فاكهه اخرى + كوب حليب
المكملات ( الساعه 10 ونص ) : سكوب ايزو100
(( للعلم احيانا اخلط الوجبه الثانيه مع السكوب بالخلاط واشربهم مره وحده ))

الوجبه الثالثه ( الساعه 2 ونص ) : صدرين دجاج + حمص
الوجبه الرابعه ( الساعه 4 ونص ) قبل التمرين : 3 تمرات او 5 تمرات
المكملات ( الساعه 4 ونص ) : 4 حبات امينو تك
الوجبه الخامسه ( الساعه 7 ) بعد التمرين مباشره : 3 تمرات
المكملات ( الساعه 7 ) : 4 حبات امينو تك وبعد ربع ساعه اخذ سكوب ايزو100 مخلوط بماي
الوجبه السابعه ( الساعه 7 ونص ) : صدر دجاج مع حمص
الوجبه الثامنه ( الساعه 10 ) : خبز اسمر مع لبنه قليله الدسم + خياره
المكملات ( قبل النوم ) : سكوب ايزو 100 مع حليب


والنوم تقريبا 6 الى 7 ساعات يومياَ ..


وانا ناوي ان شاء الله على ضخامه صافيه بأقل نسبه دهون ممكنه .. واتمنى تكون معدومه
وابغى نتائج بإذن الله تفتح النفس


الي عنده اي تعديل على اوقات المكملات او تعديل على الاكل يساعدني الله يخليكم ويفيدني بخبرته
بإنتظار اكثر من رد عشان اجمع بين جميع الردود واثبت على جدول واحد


بالانتظاركم , وشكراَ للكل مقدماَ

[yousef111]

تبغى نصيحتي اخوي
اشوف انت على وزنك ومع التمارين تحتاج تقريبا 2700 سعره حرارية
+ ضيف 200 سعره زياده علشان تدر تبني العضل
يعني المجموع = 2900 سعره حرارية
ومن رأيي جدولك مايغطي 1500 سعره اساسا

حاول تحس السعرات الحرارية ف اكلك
* 1 جرام بروتين = 4 سعرات حرارية
* 1 جرام كارب = // // //
* 1 جرام دهون = 9 // //

وحاول تعبي جسمك كارب فترة الصبح و الظهر
و بعد التمرين بروتين + سلطات

[جنون ابوظبي]

يعني شو تنصحني بأكثر ؟

شو الوجبات الي اضيفها ومتى ؟




+ بانتظار باقي الآرآءء !

[yousef111]

شوف موضوعي
http://www.montada2.com/showthread.php?t=764336

[جنون ابوظبي]

مافي فرق كبير بيني وبينك ! ويكاد لا يذكر

الفرق الوحيد هو ( منتج الكارب ) وهو الي يعطيك الكارب اكثر اخويه


عالعموم تسلم


وبانتظار الباقي !

[StronGest]

انا اشوف البرنامج ممتاز بس حاول تزيد ساعات النوم
واذا تقدر تبدل اللبنة بجبنة قريش ممتاز اذا ماتقدر زود زبادي منزوع الدسم
وبعد فترة اذا شفت الزيادة وقفت زيد شوي كارب ... بالتوفيق يابطل

[nocry]

جدول جييد بس لو تضيف عليه كارب قبل التمرين عشان يعطيك طاقة طول اليوم و ماتكون جوعان دايما

[Wael Abdullah]

ممتاز جدا عاد اهم شي انك تطبقه !
من خبرتي أشوف أنك ماشي صح
لو تحب تقدر تستبدل سكوب الصبح من الأيزو بأي مسحوق يحتوي على كارب ( بروكمبلكس مثلا)
بس عموما جدولك ممتاز

بس زعلني شي واحد ياخي !!




ماتاكل مووووز !!
لو مكانك راح اضيف موزه بعد التمرين