المساعد الشخصي الرقمي

مشاهدة النسخة كاملة : كمال الاجسام بعد سنه كاملة واكثر النتائج غير مرضية نويت ابدا ابر


psdk111
17-02-2013, 12:51 PM
معلومات المتقدم بالاستفسار :
العمر : 19 , الجنس : ذكر

الطول :170 متر
الوزن : 67 كيلوجرام



و الاستفسار كالتالي :
بسم الله الرحمن الرحيم
اخواني انا ياست من لعبة كمال الاجسام والله شي يزعل ويكبد الخاطر
الحين لي اكثر من سنه واكل الحمدلله فوق 6 وجبات ومنظم نومي
وكل شهرين اغير التمارين وماخذ الراحة يومين في الاسبوع
الا ان الكتلة العضلية مو بذاك الشكل
قسم بالله لقيت واحد له 6 شهور وجسم احسن من جسمي
ويوم سالته يقولي والله ما اكل 6 وجبات بس اضرب في الاكل ومو مهتم
بس هو يستعمل بروتين قينر
انا استعملت ايزو 100 لمدة شهر ونص ومافي اي تغير ولو قلييل
وكنت ابا ادخل استعمل قينر بس عندي كرشة لكن مهي مشكلة المكشلة الاساسية
عندي حساسية من سكر اللاكتوز الي موجود في البروتينات والوحيد الي مافيه بس ايزو 100
ونويت ادخل في الابر واحد نصنحني في ابره مالها اضرار جانبية او اسمها بريموبلان
وهذا رابط عنها http://steroidsmanual.blogspot.com/2010/10/primobolan-depot.html
نصايحكم تكفون مالي غيركم والله تعبت ووصلت مرحله كرهت نفسي
daughtry
17-02-2013, 01:20 PM
وعليكم السلام , ومنو قالك مالها اضرار ..؟ ممكن ناس يستخدمونها يتجنبون بعض الاضرار ولكن تحت اشراف ناس لهم درايه بهالامور وعارفين شنو قاعدين يسوون مو لخبطه

عموما حط صور جسمك ونشوف هل الاستجابه موجوده ام لا ولا تنسى اللعبه لعب صبر ومواصله
واحب اضيف على ذلك انت تقول عندك كرشه
يعني في دهون بالجسم , ولازم تحط ببالك تفاصيل العضلات ان كانت جيده لا تظهر ولا تمتاز وتاخذ شكلها الا بعد نحت الجسم من الدهون وتقليل الدهون
humax2007
17-02-2013, 01:24 PM
ههههه
حلوه منك ابره مالها اضرار ومكتوب بالرابط سترويد

والله مع احترامي
اللي نصحك اما انه غشيم ويضرب من الابر ولايدري وش الاعراض الجانبيه والمنظفات
او انه نصــاب ويبغي يصرف عليك بضاعته

ولاتصدق اللي بالانديه
اغلبهم يقولك طبيعي وتلقاه يضرب من الابر
انا صار لي بالصاله سنه ونص
اول يضحكون علي يقولون اجسامنا طبيعيه
وتشوف الواحد منهم وكم يشيل وتحتقر نفسك
ولما صرت اسولف معهم عرفت انهم يستخدمهم ابر
وحاليا اكتشفت ان فيه بالصاله بياعين وتلقى الواحد منهم مايتمرن ويجي الصاله بس علشان يبيع بضاعته

اذا تبغي تضخم بسرعه + صلابه
العب العضله مرتين
انا عضلة الصدر ماتطورت الا لما لعبتها مرتين بالاسبوع
بس اهم شيء يكون بين كل يوم 72 ساعه

يعني لعبتها الاثنين ماتلعبها مره ثانيه الا الخميس
ياضلوم
17-02-2013, 02:33 PM
زيد اوزانك وقلل التكرار لحد اربع او 6 .. اللي تقدر عليه ... زيد الكارب وخذ كفايك من البروتين
ديزل ديزل
17-02-2013, 04:35 PM
​اذكر جدولك ونظامك الغذائى
ياضلوم
17-02-2013, 10:38 PM
انسى شي اسمه ابر قبل عمر 23 سنه
Black Volcano
17-02-2013, 11:56 PM
الشباب كفو ووفو ماشاء الله وحرام بعمرك تدخل هالاشياء
اسأل نفسك تلعب صح ؟ اوزانك صح بالنسبه لاعلى قدر توصله من العدات ؟ تقسيم كمية البروتين في الوجبات اهم من عدد الوجبات
اذكر جدولك بالنادي ونظامك الغذائي وان شاء الله خير
نجر العتيبي
18-02-2013, 11:45 AM
تعوذ من إبليس يارجال ، انت عمرك مختلف فيه باستخدام بعض الحوارق فما بالك بالستيرويدز . واتبع نصائح الإخوان أعلاه والشباب ماقصروا وكلها نصائح في الصميم يعطيهم العافيه .
فتى الاشباح
19-02-2013, 08:01 AM
لاتستعجل ع هالاشياء حاول فالبدايه انك تستخدم مكملات مثل البروتين والامينو والكرياتين والقلوتامين وخذ لك مشروب بور مثل الجاك او نو اسبلود او سي فور وفي اشياء جديده نازله بس ماجربتها وقبل كل شي حاول تركز في التمرين اكثر والتكرار بين 12 و8 عدات واخر جلسه مابين 4 الى 6 بس زود وزن وان شاء الله راح تتحسن وترى نتايج افضل
M5Q
20-02-2013, 02:32 AM
مع احترامي الشديد لك ، بس لعبة كمال الاجسام لعبة صبر و مثابرة !
أوكي ما حسيت بفرق ، غير الجدول غير الأكل ! ، وأدخل السنة الثانية وشوف !
أوكي ما نفع معاك السنة الثانية بمقدار مافعلتة ، نظم جدول جديد و شوف اخطائك !
وصححها ، و أدخل السنة الثالثة ما عندك مشكلة ! ، على بالك لعبة كمال الاجسام لعبة يومين ؟