كورس تنشيف وابي نصايحكم

[بارجيم]

معلومات المتقدم بالاستفسار :
العمر : 22 , الجنس : ذكر

الطول :170 متر
الوزن : 81 كيلوجرام

نسبة الدهون : بين 17 و 15

و الاستفسار كالتالي :
السلام عليكم ورحمه الله وبركاته

عندي استفسار عن كورس مكملات للتنشيف

والكورس رتبه لي كبتن قديم في اللعبه وراعي بطولات

بس رايكم يهمني بعد

الكورس هو

1 واي بروتين

2 سوبر امينو 6000 شركه دايماتيز

3 بي سي ايه ايه حبوب شركه دايماتيز

4 امينوا اينيرجي بودر اخذه في نص التمرين رجفات مع ماي

5 كلين بترول

6 محفز z force قبل النوم شركه دايماتيز

7 محفز trib-650mg مع الوجبات شركه دايماتيز

8 جاك 3 دي باور قبل التمرين

والاستعمال كان كالاتي

الصبح حبه كلين بترول قبل الوجبه الاولى بنص ساعه لاني توي بادي

بعد الوجبه الاولى حبه محفز trib 650 + حبتين بي سي ايه ايه + اربع حبات امينو

بعد الغداء حبه محفز trib650 + اربع حبات امينو

بعد ساعتين جاك 3 دي سكوبين قبل التمرين

بين التمارين امينو بدور مع ماي رجفات

بعد التمرين واي بروتين + حبتين بي سي ايه ايه + اربع حبات امينو

بعد العشاء حبه محفز + حبتين بي سي ايه ايه + اربع حبات امينو

قبل النوم واي بروتين مع حليب + ثلاث حبات محفز ال Z force

ارجوا منكم افادتي اذا المكلات متوافقه واستعمالها صحيح

تحياتي لكم

[بردان1]

وعليكم السلام والرحمة


متأكد ان الي نظملك هالجدول راعي بطولات ؟ اصدق بحالة انه هو البايع .

3 منتجات امينو بكورس واحد؟ واحد يكفي والي هو البي سي اي اي

3 منبهات بكورس واحد؟ الكلين والجاك والانيرجي


انصحك تكتفي بالواي والبي سي اي اي , والكلين لاحبيت تضيفه زي ماتبي بس لاتضيف معه منبهات اخرى

والتنشيف دائما يرتكز على النظام الغذائي

موفق

[بارجيم]

شاكر لك اخوي بردان على سرعه ردك وفعلا الي نظم لي الجدول راعي بطولات

وانا استغربت من هالكورس وقلت استشيركم افضل

والجدول الغذائي منظم الحمدلله تمام

ومع الجدول الي ذكرته هل اضيف المحفزات ولا لا
وشاكر لك حسن تعاوونك

[بارجيم]

قبل فتره قريت في موضوع ان مع جدول التنشيف الي طبعا لايخلو من حارق دهون
انه لابد من اضافه منتج باور للطاقه اثناء التدريب

ابي رايك في هالشغله اخوي بردان ولاهنت

[بردان1]

ضغط وكافين , فيه ناس تسويها لكن مع المنتجات الي يكون فيها الكافين اقل او تقدر تنزعه مثل الكت او منتج بور بدون كافين


موفق

[Omarb]

مثل ماقال بردان 3 مكملات امينو مع بعض هذا مضيعة فلوس وع الفاضي أنا اقترح تاخذلك اكستند يكفي ويوفي تمزمز عليه وقت التمرين ممتاز أو كبديل ديفاي بلاك من شركة نتركس بس عيبه فيه كرياتين

أنا حاليا دخلت بالشهر الثالث من التنشيف ولم استعمل منتج باور وأوزاني لم تقل كثيرا بأغلبها نفس الأوزان من غير زيادة

مكملاتي لم تكن كثير فقط اكستند وأنيمال كت وملتي فيتامين ونتائج حلووووة جدا طبعا قاطع البروتين باودر بناء ع نصيحة الكابتن حمد وغيره لأن بتشعر بصلابة اكثر خلال التنشيف لاقطعت البروتين باودر وتاخذ كل إحتياج جسمك من البروتين من الأكل

أتمنى لك التوفيق

[جده ستي]

تبي الزبده تبي الكلام الصح شوف رد العضو بردان اول رد اسمع النصايح وراح تدعي له اعطك الزبده

[بارجيم]

ماقصرتوا يا اخوان بارك الله فيكم

اخوي عمر حاليا بستمر على المكلات الي عندي وبنظمها لاني مخسر عليها وحرام اجيب غيرها وانا عندي وشاكر لك حسن افادتك

اخوي جده ماقصرت على الافاده وان شاءا لله امشي على كلام اخوي بردان

[بارجيم]

اخوي بردان الجدول بكون الحين كالاتي

واي بروتين + كلين بترول+بي سي ايه ايه + محفزات الدايماتيز

الكور س الي بعده ان شاء الله بيكون واي بروتين + جاك 3 دي + امينو 6000

[جده ستي]

كلين بتروال اي شركه

[بردان1]

اخوي بردان الجدول بكون الحين كالاتي

واي بروتين + كلين بترول+بي سي ايه ايه + محفزات الدايماتيز

الكور س الي بعده ان شاء الله بيكون واي بروتين + جاك 3 دي + امينو 6000

معقول جدا كذا

موفق ان شاءالله

[بارجيم]

اخوي جده ستي الكلين بلغاري

اخوي بردان شاكر لك افادتك وسرعه ردك بارك الله فيك ولا خلا ولا عدم

[بارجيم]

سؤال اخير يالغالي


واي بروتين + كلين بترول+بي سي ايه ايه + محفزات الدايماتيز


اقدر اضيف معاهم الامينو اينيرجي الي يكون رجفات بين التمارين لان وقت التمرين بكون تعبان من الحرق

ياليت تفيدني بعد اذنك