زهقت وطفشت وتحطمت نفسيا كملت سنة بدون نتيجة ساعدوني تكفون

[AZEEEZ69]

معلومات المتقدم بالاستفسار :
العمر : 27 , الجنس : ذكر

الطول :181 متر
الوزن : 75 كيلوجرام

نسبة الدهون : 12

و الاستفسار كالتالي :
اكل كويس
نام كويس
تمرن كويس


هذي قاعدة لعبة الحديد وكمال الاجسام صح

من ابريل 2012 الى اليوم مايو 2013
وانا العب حديد ما انقطعت نهائيا نهااااااائيا

والنتيجة !!

ولا شي

ايه ولا شي حرفيا

ناس دخلوا بعدي وتعدوني بمداحل وانا مكانك سر
اقسم بالله قهرررر انا مقهور من نفسي

القهر اني مستمر وملتزم لكن مافيه نتيجة مرضية

صدقوني صرت خبير من كثر ما اقراء تقول لي تمرين غلط اكل غلط اقول لك مستحيل

هل ممكن يكون السبب بجسمي ؟؟

الحين بحط لكم صورة لي قبل سنة وصورة اليوم

[عبود النشمي]

اخوي اكتب بنا جدولك الغذائي + هل استعملت مكملات

[jonarica]

اخوي مده سنه المفروض تغير جسمك لانه في كمال الاجسام سنه يتغير شكليا الجسم
ننتضر الصور قبل وبعد وشنو نظامك الغذائي وشنو جدول تمارينك

[alla3b]

بانتظار الصوره

[Rashid.S]

وعليكم السلام ..

جداولك التدريبيه والغذائيه ورتينك اليومي بالتفصيل وان شاء الله تجد المساعده اللزمه من رواد المنتدى

[الغوريللا]

الصور وينها؟

يمكن عندك وسواس وبعدين فيه ناس جيناتهم كذا يحتاج لهم اكل اكثر من الغير وبروتينات بكميات اكثر من الباقين وهذا شي طبيعي جدا وموجود حولي بالنادي كذا

[ديزل ديزل]

​ان شاء الله حاجه بسيطه فى انتظار الصور

[AZEEEZ69]

انا اسف بس صار لي ساعتين احاول ارفع الصور مايقبل معي لا الموقع ولا أي موقع رفع عندي مشكلة باتصال الانترنت

[AZEEEZ69]

هذي صورة لي عاليمين قبل 7 اشهر وعاليسار اليوم اتوقع مافي فرررق http://im41.gulfup.com/OvV6a.jpg

[AZEEEZ69]

بتقول لي مكملات ؟؟ اتوقع انا اكثر شخص اشترى مكملات بهالسنة هذي صورة لبعض المكملات الي عندي الحين طبعا خلصت كورس انيمال تست و ستاك و ام ستاك بدون فايدة وحاليا كنسلت كل المكملات صاير استخدم البروتين سينثا بعد التمرين والواي بروتين الصبح وبديل لاي وجبة والجلوتامين والسوبر تشارج بس

[AZEEEZ69]

هذا جزء من المكملات الي عندي والي كنت استخدمها كلفتني الالف الريالات http://im42.gulfup.com/pF3CJ.jpg

[AZEEEZ69]

الاكل برنامجي كالتالي اول ما اصحى من النوم سكوب واي بروتين وبعدها الفطور بربع سعاة يعني على االساعة 10 او 10 ونص 5 بياض بيض مع قطعتين توست قمح او صحن فول (المعلب) بدون زيت ولا أي اضافات بعدها بساعتين اروح النادي ( انا اتمرن فترة الظهر دائما ) اجلس تقريبا ساعة ونص الى ساعتين بعد النادي سكوب بروتين مع جلوتامين وبعدها بنص ساعة ساندوتش تونا او دجاج مشوي الساعة 6 المساء دجاج مشوي شيش طاووق او مسحب الساعة 9 المساء علبتين زبادي قليل الدسم الساعة 11 او 12 اخر الليل دجاج مع خضار او رجاج مشوي او بياض بيض مع شرايح تركي (بدون كارب طبعا ) وبعدها نووووم من الساعة 2 تقريبا الى الساعة 10 الصبح

[AZEEEZ69]

التمرين والمكملات التمرين 3 ايام ويوم راحة كل يوم عضلتين جربت 6 ايام متواصلة ويوم راحة وجربت كل يوم عضلة ما احس في فرررق , اول يوم صدر وباي ثاني يوم ظهر وتراي ثالث يوم اكتاف وارجل , البطن مهمله شوي بس الحين صار لي تقريبا اسبوعين شاد على نفسي اتمرن يوم ويوم لا بدون انقطاع والخواصر شبه يومي

[AZEEEZ69]

اكثر شي معقدني بجسمي عضلات الصدر اكثر جزء مركز عليه بالتمارين ولا فيه أي استجابة لو تلاحضون اسفل الصدر فيه شوي نمو لكن الصدر العلوي كانه يقول يا انا يا انت , المشكلة ثاني يوم من كل تمرين احسب بالم بالعضلات يعني متمرن صح وقاعد اشيل اوزان لكن مافي نمووو

[AZEEEZ69]

في في بقول لكم عليه انا وزني كان 95 ونزلته الحمد لله خلال سنة الى 72 كيلو فعندي مشكلة ان جسمي زي الجلي مو مشدود نهائيا مع اني العب حديد صار لي سنة لكن باقي الجسم جيلي الصدر والبطن والخواصر

[AZEEEZ69]

ما الحل يا اخوان ؟؟ تبي مني التزام والله اني ملتزم سواء بالتمرين او بالاكل ماقطعت النادي نهائيا والاكل من السبت الى الخميس ملتزم بالدايت ماعدى يوم الجمعة لازم الواحد ياخذ راحته بيوم , انا ما ابي ضخامة ولا عضلات كبيرة كل الي ابيه جسم متناسق ومفصل ومشدود بسسسسسسسسسسسسسس , اسوي كارديو مع الحديد ؟؟ اجري مع الحديد ؟؟ يوم حديد ويوم كارديو ؟؟ والله محتار وكل شخص اسأله يفتي من راسه ومشكلتي الاحباط لاعب فيني وصاير اسمع أي كلام ينقال لي سواء صح او خطاء , وعلى فكرة المدربين بالنادي ما منهم أي فايدة جربت الاندية الرخيصة والاندية الغالية ابو رخيص همه الفلوس يعطيك بانادول ب 200 ريال و يقول لك هذا كويس للعضلات والنادي الغالي مايعطيك وجه تترجى فيه علشان يكلمك كانه مغصوب على الشغل

[ابو احمد09]

الله يعينك اخوي بسس انت مركز بالمكملات كثير انا اهم شي بالنسبة لي الاوزان ثم الاوزان ولاتلعب بالاجهزة كثير العب حر والعب عضلة وحدة في اليوم سبع تمارين او ست للعضلات الكبيرة وهمس او اربع للصغيرة انسى شي اسمع عضلتين نهائيا واقطع الكارديو لانك محتاج تزود عضل يعني اشف ان ماله داعي وبساالك اخوي كيف اوزانك هل تزداد دائم ولا لا كم اقصى وزن شلته بالصدر المستوي

[AZEEEZ69]

على فكرة نسبة الدهون عندي قستها بالمستشفى على جهاز خاص عن طريق الارجل كانت ١٣ بالمية وقستها قبل اسبوعين بالنادي فتنس تايم كانت ١١ بالمية
يعني النسبة كويسة ووزني اقل من المعدل اجل ليش الجسم صاير زي الجيلي ؟؟ ليه مايشد :12:

[fahod70]

ان شالله يفيدوك الشباب

بس اشوف انك ما تاكل كارب قبل النادي !!

[Rashid.S]

مع انك دوختني بالطرح .. ادري محتر وكل شوي تذكر شيء لكن يفضل تطرحها بمشاركة وحدة وترتبها عشان تكون واضحه

وما تسبب ازعاج بالقراءه ويقدرون يساعدونك الشبابا .. وبس والله يقويك واترك اللعبه




لا لا لا أمزح امزح خخخخخخ ..

شوف عزيزي انت عندك مشكله وهي انك متعقد من الكارب والفات .. فأكلك كله بروتين في بروتين

كيف راح تحفز وتدعم الغدد الصماء اذا ما تأكل دهون مفيدة
وكيف راح تبني العضلة بدون كارب هو مصدر الطاقة .. فتلزم الكارب عشان يساعدك بالبناء وبالأخص ان جسمك ما ينتفخ بسرعه والكارب بعد بيسهل عليك زيادة السعرات

الشيء الثاني هو التمرين أنت كمبتدئ ليش تلعب 6 أيام وترهق نفسك .. خل جدولك 4 أيام عضلتين أو 5 أيام كل يوم عضلة
وكل شهر غير الجدول مره ألعب تكرار 8-12 ومرة العب تكرار 4-8

ممكن أنك تصحح هالمشكله الغذائيه اللي عندك بانك تضيف فيتمينات متعدده مع زيت سمك وتأكل دهون مفيده مثل الموجوده في صفار البيض و المكسرات أخص اللوز والجوز و الزيوت الغير مهدرجة أو مؤكسدة

وتقدر تضيف قينر بعد التمرين بدال الواي ( اذا بغيت واحد خفيف خذلك السيتو فينر او الترو ماس او البروكمبلكس قينر او الريل قاين ) هذيلا يحتون على 600 - 800 كلوري في الجرعه
وان اردت واحد عالي في السعرات ممكن تستخدم ( السوبر قينر فيول او المارشل 5000 أو السيريس ماس أو الدب الروسي ) توصل السعرات فيهم إلى 2000 سعره يوميه لكن بالمعتاد 1800 لكل سكوبين أو 3 مع الحليب

وضيف أمينو زيادة 2222 أو 3000 وأكتفي فيهم وان شاء الله تشوف نتائج حلوه

[عبود النشمي]

اخوي ليش ساعتين بالنادي ?!

تمارين الحديد لا تتجاوز 45 دقيقه و مثل ما قالك الاخ كل يوم عضله يكون افضل

بروتيناتك قسمهم : مثلا انيمال ستاك و تيست اعتقد ما رح يفيدك لان عمرك جيد

لو تبي خذلك كورس جيد وهو : ترو ماس و امينو 10000 و كازين و نو اكسبلود و فيتامينات

و الاكل حاول ان تاكل 200 جرام كارب يوميا ( مثلا 100 جرام رز بعد النادي و صباحا كل حبه بطاطا مسلوقه

و حاول كل لوز مرتين باليوم للدهون الفيدة و نابع وزنك شهريا

و بالتوفيق

[أبو فارع]

انت يبيلك محفزات
او هرمون عشان تفجر جسمك
بس تراها خطيره مو اي واحد ياخذها
انتبه

[الغوريللا]

اللي قاله اخي راشد صحيح تماما انصحك باللي قاله خصوصا ان جسمك راسه يابس مو انت :)

[Mohd01]

الاكل برنامجي كالتالي اول ما اصحى من النوم سكوب واي بروتين وبعدها الفطور بربع سعاة يعني على االساعة 10 او 10 ونص 5 بياض بيض مع قطعتين توست قمح او صحن فول (المعلب) بدون زيت ولا أي اضافات بعدها بساعتين اروح النادي ( انا اتمرن فترة الظهر دائما ) اجلس تقريبا ساعة ونص الى ساعتين بعد النادي سكوب بروتين مع جلوتامين وبعدها بنص ساعة ساندوتش تونا او دجاج مشوي الساعة 6 المساء دجاج مشوي شيش طاووق او مسحب الساعة 9 المساء علبتين زبادي قليل الدسم الساعة 11 او 12 اخر الليل دجاج مع خضار او رجاج مشوي او بياض بيض مع شرايح تركي (بدون كارب طبعا ) وبعدها نووووم من الساعة 2 تقريبا الى الساعة 10 الصبح

قطعتين توست قمح او صحن فول = 25 غم كارب تقريبا
ساندوتش تونا او دجاج مشوي = 30 - 35 غم كارب تقريبا
علبتين زبادي قليل الدسم = 12 غم كارب تقريبا

المجموع حوالي 60 غم كارب تقريبا .. تحت المعدل الطبيعي حتى للي مسوي دايت !
انا جسمي يجمع دهون بسهوله ومع ذلك وقت الدايت الكاربز عندي يوميا تقريبا 150
ولو بتضخم المفروض الكارب مايقل عن 200 غم بأي حال من الاحوال .. هذا غير ان فيه ناس تاكل 300 - 400 غم يوميا
كل واحد وجسمه .. ماقدر افتيك بحسبه دقيقه .. لكن اللي اقدر ااكدلك اياه انك بهالاكل قاعد تحرق وبس

[Mohd01]

انت يبيلك محفزات
او هرمون عشان تفجر جسمك
بس تراها خطيره مو اي واحد ياخذها
انتبه

مع احترامي .. بس هالنوع من النصايح هو اللي مفروض تبتعد عنه


+ رد الكابتن راشد ماشاءالله مفيد جدا .. وهو اخبر مننا بهالمجال

[twohaibi]

اتفق مع الاخ راشد
الحل يا انك تزيد اكلك من كارب وتدخل دهون مفيده
او تاخد بروتين عالي السعرات
اذا ما ضبط معاك ما في حل الا الهرمونات وما انصح فيها
اقرا موضوعي هذا يمكن يفيدك
http://www.montada.com/showthread.php?t=768199&p=7464361#post7464361

[modlol]

انته المفروض ما تجلس سنه بعدين تسال ..المفروض من اول شهرين ثلاثه بالكثير ماشفت تغير في جسمك كان سالت على طول ..المهم

انا اشوف والله اعلم طبعا انه يمكن تكون المشكله في التمارين ولاتكثر مكملات ترى انا احس انها تجيب البلا ..خليك على الواي بروتين بس مع اكل تمام وخضار وفواكه ..خاصه بعد التمرين يعني حبه موز كويسه

الشي الثاني ركز مثلا لى عضلات اليدين والكتف بس لمده شهرين .. وتلاحظ فرق ان شاء الله ..يعني ركز على عضلات معينه فتره طويله شويه وسوي تمارين تضخيم

طبعا انا مبتدى مو خبير بس هذا احساسي ..والله يعينك

وانصحك تبعتد نهائيا عن الهرمونات والكلام الفاضي

(وملاحظه انته تقول كان وزنك 95 لاكن بالصورة مافيه فرق) :biggthump

[nocry]

اخوي دامك قلت انه وزنك كان 95 و صار 75 يعني اكيد مسوي دايت و بالدايت صعب العضلة تطلع
الافضل انك تبلش تزيد الكارب و الفات و شوف الفرق

[AZEEEZ69]

مشكورين اخواني وماقصرتوا خصوصا الاخ بو راشد واعذروني على الاسلوب وطريقة الطرح بس والله من القهر

الشباب الي يقولون مو مبين اني كنت ٩٥ هالكلام قبل لا ابداء بالحديد قبل سنتين بعد مانزلت بديت العب حديد

المهم

من بكره ببداء نظام جديد
التمرين

اول يوم صدر شامل مع تركيز واوزان عالية ٦ او ٧ تمارين مع باي تمرينين بس
ثاني يوم ظهر شامل مع تركيز واوزان عالية ٦ او ٧ تمارين مع تراي تمرينين بس
ثالث يوم اكتاب وترابيس
رابع يوم راحة
خامس يوم تراي وباي تركيز واوزان عالية
سادس يوم ارجل
سابع يوم راحة


كيف التمرين ؟؟
كذا احسن !! مره بالاسبوع مع تركيز واوزان عالية

الاكل
بغير البروتين الي بعد التمرين بشوف شي نظيف وفيه كارب عالي
وبزيد الكارب بالاكل
هو المفروض كم غرام باليوم الكارب علشان اعرف ولا ازيد ولا انقص


عموما شهرين بستمر على هالنظام وبرجع لكم وان شاء الله اشوف فرق

[ابو احمد09]

ياخوي انت لك سنة تلعب ياخي الغي شي اسمه عضلتين وش بتخسر كذا اوزانك مراح تطلع بالطريقة هذي بسرعة هذي نصيحتي وبالتوفيق

[ابو مالكـ]

الشباب ماقصروا بالنصائح خصوصا مسألة الكارب
بس حبيت اضيف نقطه اللي هي التكرار في التمرين
كان عندي مشكلة بالصدر انه مايتطور والاوزان ثابته لمده 6 شهور تقريبا
وبعدها دخلت تكرار لمدة 3 اسابيع مثلا صدر مستوي 15-15-15 صدر عالي 15-15-15 وهكذا
المهم الاسبوع الرابع صار تغيير كبير في شكل العضله + الاوزان تحسنت بشكل كبير
اتمنى اني افدتك

[جوكر اللعبة]

انت فيك عين :33:

[الناعسي]

انت فيك عين :33:
:bigeyes:

ههههههه

معليش يا جوكر بس ما قدرت امسك نفسي

بس هذا احتمال وارد :09:

[AZEEEZ69]

شكلي بجرب نصيحتك بالنسبة لعضلة الصدر لمدة اسبوعين ونشوف النتيجة
والله يحمينا من العين يابو عين ههههههههههههههههه

[Loismand]

زي ماقال الكابتن أبو راشد ،،، زود الكارب ،،،
وثاني شئ أنا أتوقع انو تمرينك تغش نفسك فيه ،،،
وشي مستغرب سنة وما سالت ،،،،
لكن الإحباط هو سبب ممكن ،،، توكل ع الله وقول أنا اقدر أوصل ،،،

[Syar1337]

حبيت افيد بس بعض مصادر الكاربز المفيده:

خضروات

فواكه

مشتقات القمح (توست اسمر, شوفان, عيش بني الخ,,,)

فاصوليا

مكسرات (غير مملحه او مدخنه)

----------------------------------------

دهون مفيده:

زيت الزيتون

دهون السمك

افاكادو

زبدة فول سوداني طبيعيه

مكسرات



و في غيرها كثير طبعا, هذول بعضهم و هم الأكثر إستخدامآ تقريبا

خل اكلك يكون زي كذا

40% بروتين
40% كاربز
20% دهون

[Omarb]

بالفعل مشكلتك بالكارب أولا
فركز ع الشوفان مثلا خليه مع فطورك فهو أفضل مصدر للكارب والطاقة وخذ منه مايعادل 100 غرام فأكثر ودق :D

وركز ع الرز المسلوق والبطاطا الحلوة والبطاطس والمكرونه السمرا والخبز الأسمر افترسهم هههههههههههه

ثانيا لاتزيد مدة تمرينك عن ساعة وربع ولو ساعة أفضل وبتشوف نتائج أحلى واسرع بإذن الله


الله يوفقك

[AZEEEZ69]

والله ماقصرتوا والف شكر لكم

ابشركم الحين الكارب صرت اهتم فيه حاله حال البروتين كان عندي معتقد غلط عن الكارب وانتوا صححتوه لي

بس سؤال
شرايكم الوجبات تكون خمس ؟؟؟

مثلاً

الساعة ١٠ الصبح فطور ( بروتين وكارب عالي )
الساعة ١ الظهر تمرين
وجبة بعد التمرين الساعة ٢ ونص ( ساندوتش كبير كارب و بروتين وخضار )
وجبة غداء الساعة ٦ المساء ( بروتين وكارب وخضار )
وجبة بين الغداء والعشاء الساعة ٩ بالليل ( ايش اكل ؟؟ ) ( زبادي ؟؟ ) ( موز ؟؟ ) ( مكسرات؟؟)
العشاء الساعة ١٢ نص الليل ( بروتين وخضار وكارب قليل )

طبعا غير البروتين والامينو
واي بروتين الصبح بعد التمرين سيرس ماس قبل النوم واي بروتين

الاكل كذا كويس ؟؟
ازيد شي او اعدل شي ؟؟
في سؤال ثاني كم غرام كارب الشخص يحتاج حسب الوزن والطول ؟؟
في معادلة معينة زي البروتين مثلا لكل كيلو من وزن الانسان غرام ونص الى غرامين بروتين

ملاحظة: اوقات الاكل والتمرين ما اقدر اغيرها لان دوامي دايم فترة مسائية من ٣ العصر الى ١١ المساء

ادري اني مزعج بالاسئلة لكن تحملوني شوي

[cooler2008r]

اخوي في ملاحظه بس ودي ااكد عليها واللي هيه تمرينك ما يزيد 45 دقيقة
وهذا الشي مجربه بنفسي.
يعني مثال . يوم ((الصدر والتراي ))
4 جلسات صدر مستوي 12-10 8-8
3 جلسات صدر علوي 12-10-8
3 جلسات غطس 12-10-8
واختر تمرين تراي او تمرينين كل واحد 3 مجموعات وبس ولاتزود عليها
وحاول تلعب باوزان حره ووخر عن الالات يعني عن نفسي افضل الدنابل بس بين كل فتره وفتره غير للبار.

ونفس الشي تسويه للايام الثانية .

واسف على الاطاله و مشاء الله الشباب ماقصرو معك
الله يوفقك

[بردان1]

بالنسبة لكم قرام كارب تحتاج
هو يفترض ياخذ من 40 الى 50 بالمية من اجمالي سعراتك الحرارية , بالتضخيم

على سبيل المثال لو كنت تاخذ 2500 سعرة حرارية باليوم
معناته من 250 الى 300 قرام كارب خلال اليوم

بالنسبة لك اقترح عليك
20 قرام مع الوي بروتين بالصبح
80 الى 100 صباحا مع الافطار ( للاستعداد للتمرين )
120 من السيريس ماس بعد التمرين
يبقى تقريبا من 30 الى 70 قرام توزعها على اول وجبتين بعد التمرين وبعد كذا تقطعه


توزيعك جدا جميل للوجبات مع اني ماحسبتهم
الوجبة الاخيرة ممكن تكون جبنة قريش , او لو كان الوجبات الي قبلها معطيتك الكمية المطلوبة من البروتين ممكن تصير علبة الى علبتين زبادي مع سلطة خضراء مع امينو لو كنت تستخدم ولو ماكنت مهو ضروري


موفق وماقصرو الاخوان

[Rashid.S]

بنسبة للوجبة اللي محتار فيها ممكن تاكل فيها بيض لو ما فطرت على بيض لان يصير غثيث اذا اكلته مرتين باليوم .. او تونا او دجاج مع صلطة .. أو ستيط لحم مع خضار .. وترتيبك حلو بتقليل الكارب في أخر وجبة