مشكله في استجابه العضلات اليمنى .؟

[Black Volcano]

معلومات المتقدم بالاستفسار :
العمر : 23 , الجنس : ذكر

الطول :168 متر
الوزن : 65 كيلوجرام

نسبة الدهون : 12

و الاستفسار كالتالي :
بسم الله الرحمن الرحيم

السلام عليكم ..
قبل شهر ونص تقريبا يا اخون مرضت سخونه وزكام وأخذت ادويه لين الحمد لله اتحسنت واختفى المرض تماما بعد اسبوع ونص
قطعت عن النادي فقط اسبوع خلال فتره العلاج لأني ما قدرت أشيل أوزاني المعتاده نقصت لأكثر من النصف

بعد رجعتي ولي شهر كامل وانا اعاني من مشكله غريبه ما عرفت القى لها حل وهي اني ما صرت احس بثلاث مناطق في التمرين
عضله الصدر الأيمن
عضله الكتف الأيمن
عضله التراي الأيمن

صارت العضلات اللي ذكرتها ضعيغه والأوزان اللي كنت اشيلها ما قدرت لها انخفظت جدا
تمارين الصدر صرت اذا اتمرن اتكي على العضله اليسار غصبا عني . احاول اشد اليمين وابذل عليها قوه مافي اي استجابه

مع العلم ان عضلات الجزء الأيمن بجسمي أقوى من اليسار قبل المشكله هذي والأوزان كانت اكبر من اليسار
احد صار له نفس المشكله أو سمع أو عنده حل لمشكلتي ؟

[Wael Abdullah]

شي غريب صراحة مامرت علي

اللي أعرفه أن الجسم يكون مرهق طبيعي بس اسبوع اسبوعين بالكثير

أما شهر والله مامرت علي بس بسألك ياغالي

وحمدالله على السلامة

[محمد الشمري 066]

اولا اذهب الى الطبيب وسو فحص على الاربطه يمكن فيه تمزق لا سمح الله
ثانيا نم ليلا ولا تتعرض لا اشعة الشمس ولازم تروح لنادي وانت شبعان نوم
شوف انا حصلت معي مرتين فقط والسبب كنت ما انام زين
اول كنت ارفع على البار مستوي تمرين صدر 25 كيلو ثاني يوم ماقدرت ارفع 12 كيلو تخيل سئلت الكبتن وبحثت يمين ويسار والسبب عدم النوم الجيد
والحمد الله يوم نمت كويس وزبطت وضعي رجعت مثل اول ارفع 25 واكثر بعد يمكن يكون السبب قلة النوم عندك بس اذا نومك تمام واكلك تمام سوف فحص على الاربطه ونشالله خير

[Black Volcano]

شي غريب صراحة مامرت علي

اللي أعرفه أن الجسم يكون مرهق طبيعي بس اسبوع اسبوعين بالكثير

أما شهر والله مامرت علي بس بسألك ياغالي

وحمدالله على السلامة

الله يسلمك أخوي وائل
وهذا اللي قاهرني أني اللحين بالأسبوع الخامس ونفس المشكله باقيه ليومي هذا والشي هذا مزعلني
وانتظرك يا غالي

[Black Volcano]

اولا اذهب الى الطبيب وسو فحص على الاربطه يمكن فيه تمزق لا سمح الله
ثانيا نم ليلا ولا تتعرض لا اشعة الشمس ولازم تروح لنادي وانت شبعان نوم
شوف انا حصلت معي مرتين فقط والسبب كنت ما انام زين
اول كنت ارفع على البار مستوي تمرين صدر 25 كيلو ثاني يوم ماقدرت ارفع 12 كيلو تخيل سئلت الكبتن وبحثت يمين ويسار والسبب عدم النوم الجيد
والحمد الله يوم نمت كويس وزبطت وضعي رجعت مثل اول ارفع 25 واكثر بعد يمكن يكون السبب قلة النوم عندك بس اذا نومك تمام واكلك تمام سوف فحص على الاربطه ونشالله خير



والله سألت الدكتور ما جيت اسئلكم هنا الا انه محد بيحس فيني الا انتم بما انكم مارستم هذي اللعبه ويمكن مرت على احد فيكم
وانت عارف كيف المستشفيات الخاصه بعد ما اخذو مني هذيك الحسبه والتحليل قلي مشكلتك غريبه وانا اول مره اسمع فيها كل كويس وان شاء الله تطيب !
ان شاء الله مافي أي تمزق لأني ما احس بأي ألم حتى أني العب الباي وهو بنفس الجهه اليمين بنفس الأوزان السابقه والنوم الحمد لله ممتاز وكامل
المشكله بس في العضلات اللي ذكرتها
مثلا : كنت العب أول جلسه في تمرين الكتف الضغط الجانبي 40 باوند لكل يد 12 عده وسهله .. اللحين بالقوه 3 عدات وافقد استجابتها واخليها نازله وأكمل عدات اليد اليسار لين 12

[Black Volcano]

سبحآن الله وبحمده .. سبحان الله العظيم

[عبود النشمي]

اخوي ما عندك حل الا انك تستخدم مالتي فيتامين و تبدا من الاول

يعني تشيل الاوزان الي تقدر عليها و بعديها تزود شوي و هكذا و رح يبين انها جابت نتيجه بعد شهر

بس في بعض الاحيان انا لما اقطع تمرين لشهر ارجع تكون اوزاني انخفضت للنص و بعديها باسبوعين او ثلاث ترجع نفس ما كانت

جرب الطريقه الي قلتلك عنها و بأذن الله تزبط معاك

[Black Volcano]

^^
شكرا على ردك لكن والله لو تدري ياعبود كيف صارت الجهه اليمين يمكن ما تصدق
المبتدئين بأول اسبوع لهم يشيلون اللي ما اشيله صعبه أرجع ابدأ من جديد والجهه اليسار تشيل اضعاف الجهه الثانيه

[عبود النشمي]

ظيب سويت تحاليل ?!

[twohaibi]

قد يكون عندك ديسك ضاغط على الحبل الشوكي
نصيحة راجع طبيب اعصاب

[Black Volcano]

ايه اخوي عبود حللت دم صوره كامله قلي الحمد لله سليم
وقلي نفس كلام الأخ twohaibi أني اراجع دكتور أعصاب وان شاء الله بروح وأشوف وش يصير

[عبود النشمي]

الف سلامه عليك يا وحش و باذن الله ترجع احسن من الاول

[Black Volcano]

الله يسلمك ويرضى عليك واللهم أمين ياصاحبي