المساعد الشخصي الرقمي

مشاهدة النسخة كاملة : التخسيس واللياقة رأيكم حول جدولي الغذائي بدون مكملات هل هو كافي؟؟


ابو نوف2013
15-06-2013, 09:56 PM
معلومات المتقدم بالاستفسار :
العمر : 25 , الجنس : ذكر

الطول :1.69 متر
الوزن : 62 كيلوجرام

نسبة الدهون : 12

و الاستفسار كالتالي :
السلام عليكم

كتبت موضوع حول المكملات الغذائية والتهاب الكبد

ولم تأتيني اجابات دقيقة

فحبيت اعرض لكم جدولي الغذائي وحبيت اخذ ارائكم هل هو كافي بالنسبة للبروتين وهل هو مفيد اذا كنت اطمح لشد الجسم

الهدف : شد الجسم
النظام التدريبي : جهاز ( هوم جيم ) + ( سير ) + ( دراجه ) + ( عقلة ) + ( ضغط ) + ( تمارين بطن )


بسم الله

الفطور : ملعقة عسل سدر جبلي + ربع ملعة حبة سودا + ربع ملعقة سمسم + كوب ماء زمزم + حبتين صفار بيض + نص كوب جبنة قريش خالي الدسم + كوب حليب خالي الدسم


بعد الفطور بساعتين : ربع كوب ( لوز )


الغداء : نص صدر دجاج مشوي + خبز تورتلا أسمر + كوب حليب خالي الدسم + طبق سلطه مكون من ( الخس والجرجير والبقدونس)


بعد الغداء بساعتين : 4 ملاعق شوفان + كوب حليب خالي الدسم


بعد التمرين : موزه واحده كامله + حبة بطاطس مسلوقه + زبادي خالي الدسم


العشاء : 7تمرات عجوة المدينه + كوب حليب خالي الدسم


بالإضافة الى شرب ( 8 اكواب ماء )


ايام الراحه : ( لا اكل بيض ولا اكل بطاطس مسلوق ) وتكون الوجبات كالتالي:


الفطور : مثل الفطور ايام التمارين ماعدى البيض < لاني ماحبه

بعد الفطور ب3 ساعات : (كوب كرز )

الغداء : نفس وجبة ايام التمارين واحيانا استبدل الدجاج بالسمك

بعد الغداء ب 3 ساعات: حبة موز + زبادي خالي الدسم

العشاء : 7 تمرات عجوة المدينه + كوب حليب خالي الدسم
StronGest
15-06-2013, 10:36 PM
وعليكم السلام
الفطور كل البيض كامل البياض فيه بروتين ومفيد ... اللوز زود معه زبادي او حليب ... الغداء صدر كامل ..
بعد التمرين مع البطاطس . يا سمك ياتونة يادجاج ... مع العشاء زود جبنة قريش ... ووضعك تمام التمام ...ولاتنسى ايام الراحه هي اللي الجسم يبني فيها العضل يعني تحتاج بروتين البيض.
بالتوفيق ياوحش
ابو نوف2013
16-06-2013, 07:02 AM
هلا فيك اخوي ، بالنسبه للوجبة الثانية اللي بعد الفطور اللي هي ( اللوز ) إذا زودت معها كوب حليب على حد كلامك على كذا بيصير في اليوم اشرب (4 اكواب حليب خالي الدسم ) < يعني تقريبا لتر حليب في اليوم < تشوفه عادي ولا فيه مشكله ؟؟ الشي الثاني انت تقول (صدر كامل ) انت تقصد صدر كامل في حبة دجاجه كامله ولا صدر الموجود في نص حبة دجاج ؟؟ ( لإن بعض الناس يسمون الصدر الموجود في حبة دجاج كامله صدرين ) فاياليت توضح لي هالنقطه ،،، الشي الثالث والاخير موضوع التونه ياليت ترشح لي اسم معين او نوع معين وتعلمني قيمتها الغذائية من حيث البروتين والكربوهيدرات والسعرات ونسبة الدهن ؟؟ وهل تشوف ان هذا نظام مناسب لشد الجسم ؟؟ احس انك بعد مازودت بعض الاشياء صار نظام تضخيم ؟
StronGest
16-06-2013, 10:11 AM
الصدر اللي في حبه كامله.. واذا ماتقدر عادي نص.. الحليب عادي تشرب لتر خصوصا انك موزعها على مدار اليوم. وهو من اهم مصادر البروتين والكالسيوم ..
التونه العلبه الكبيره اللي بمويه وملح.. فيها تقرييا 30 غرام بروتين. وشي لا يذكر كارب وبدون دهون. حاول تتعود على طعمها واخلطها مع اي خضار :09:...والشركات زي بعض كلها طعم مش حالك. ولا تخاف التضخيم يبي له زياده كاربو هايدرات مو بروتين.... بالتوفيق
srab9
16-06-2013, 04:20 PM
حسب مافهمت انك تبي تشد بس بدون ضخامه وانت ماتتمرن حديد
على كذا ماتحتاج بروتين كثير
بس
تكون الدهون قليله والكاارب قليل


وعلى فكره الدهون والكلسترول في صفار البيض
يعني الاولى تاكل البياض
ابو نوف2013
18-06-2013, 07:24 AM
شكرا لكم على الرد والله يعيني على هالبيض ، طيب الحين مافيه بديل للبيض؟ بصراحه يالله تعودت اكل صفار البيض وقريت عنه انه مضر للصحه العامه يعني يابياض البيض يا لاتاكل بيض طيب وش الحل ؟ بياض البيض ماخش مزاجي (الحمدالله ع النعمه ) مافيه بديـــــــل ؟ وهل فيه مشكله اذا اكل حبتين صفار بيض على الاقل يوم ايه ويوم لا؟
StronGest
18-06-2013, 09:37 AM
اذا ماتحبه لا تاكله.. صدق انه مصدر مهم للبروتين .. بس عادي عوض بجبن قريش او عدس او فول... والبياض والصفار كلهم مهمين.. بس لا تغصب نفسك كل اللي تحب وتشتهي.. عشان تستمر.. بالتوفيق
مشاري الرياض
18-06-2013, 11:30 AM
انا مثلك اول بالبيض حتى درجه مقدر ابلع احس اني برجع الله يكرمكم

لقيت الحل وريحني كثير حبه بيض مع قطعه موز للتسهيل عمليه البلع
ابو نوف2013
18-06-2013, 09:31 PM
اذا ماتحبه لا تاكله.. صدق انه مصدر مهم للبروتين .. بس عادي عوض بجبن قريش او عدس او فول... والبياض والصفار كلهم مهمين.. بس لا تغصب نفسك كل اللي تحب وتشتهي.. عشان تستمر.. بالتوفيق
الله يعطيك العافيه يا خوي جبنة قريش تكفي والله طمنتني لاهنت والله
ابو نوف2013
18-06-2013, 09:33 PM
انا مثلك اول بالبيض حتى درجه مقدر ابلع احس اني برجع الله يكرمكم

لقيت الحل وريحني كثير حبه بيض مع قطعه موز للتسهيل عمليه البلع

يارجال لو هي ع الاكل هين حطه جبنة قريش معها ولا شطه ولا فلفل اسود البلا من ريحة بياض البيض نفسه لكن من اليوم راح استبدل البيض بجبنة قريش خالي الدسم وازود الكميه والله يعينا على مشوار للدانوب كل 3 ايام ، لاهنت على طلتك اخوي
Loismand
19-06-2013, 12:57 PM
جدول جيد وحلو ..
يبغالك تضيف لبن زبادي خالي الدسم في وجبه العشاء ..
بالتوفيق ,