الجلسات و العدآت

[BlazeE]

معلومات المتقدم بالاستفسار :
العمر : 21 , الجنس : ذكر

الطول :174 متر
الوزن : 78 كيلوجرام

نسبة الدهون : 14

و الاستفسار كالتالي :
السلام عليكم ورحمه الله وبركاته

اسم الموضوع غريب شوي يمكن هههههههه بس انا أجهله واتمنى احد يفيدني فيه

انا اتمرن ثمان شهور

من الثمان شهور هذي اول ٤ شهور جسمي بيزيد و شغلي تمام لين وصل العضل فيني نسبه معينه مايزيد ابدا مع أن اكلي ممتاز ومكملاتي ممتازه واتمرن صح

بحثت بالنت عن مشكلتي هذي وقريت ان لازم اغير الجلسات والعدات

المهم رحت فرع جديد تبع النادي اللي مسجل فيه ولقيت مدرب اعرفه من اول المهم قلت له مشكلتي قالي العب 4 جلسات من 10 الى 12 < يعني غير الجلسات والعدات

طبعا انا اول ما سجلت بالنادي لحد 6 شهور وشوي وانا تحت اشراف مدرب مصري مايعرف شي باللعبه طبعا سحبت عليه من اول شهرين وكان معلمني اني العب 12 ، 10 ، 8 اربع شهور استفدت و ثلاث ولا كأني سويت شي

والحين من بعد نصيحة المدرب الجديد اربع جلسات في 12 وزني يزيد والعضل يزيد والدهون تنزل وأموري تمام

سؤالي هو متى اغير الجلسات او العدات وايش صار بالعضله من بعد الشي هذا ؟ هذا الشهر الثامن لي

[ARNOLD.]

غيرت جدولك ؟

[humax2007]

على حسب الهدف
تضخم او تقسيم

تضخيم مستحيل تقدر تلعب 4 جلسات كل وحده 12 لان اخر جلسه لازم تشيل اقصى وزن ومستحيل تسوي فيه 12 عده وهو ثقيل !

[MarwanJeeper]

4*12 بوزن ثابت

[BlazeE]

غيرت جدولك ؟

والله يالغالي ماغيرت جدول بس اذا قصدك تمارين ايه انا اغير التمارين يعني مافي روتين تمارين ثابت

[BlazeE]

على حسب الهدف
تضخم او تقسيم

تضخيم مستحيل تقدر تلعب 4 جلسات كل وحده 12 لان اخر جلسه لازم تشيل اقصى وزن ومستحيل تسوي فيه 12 عده وهو ثقيل !

اربعه في ١٢ والوزن عالي مو سهل لكن اذا مره تعبت فيه شي اسمه cheating تحايل على الوزن هههههههه بآخر عده او ثنتين بس

[BlazeE]

4*12 بوزن ثابت

لا مو ثابت تصاعدي احس لو ثابت ما يسوي شيء ابدا ً للعضله ولا ؟ من ناحيه ضخامه

[BlazeE]

يعطيكم العافيه على ردودكم ما توقعت بيصير معي تفاعل لان مر يوم عليه محد رد مشكورين جميعاً

[BlazeE]

يا جماعه ، هل فيه نظام امشي عليه بالنسبه للعدات والجلسات ؟ او امشي على حسب طاقتي ؟

[humax2007]

على حسب طاقتك
انا العب 8 8 8 واخر جلسه من 4 الى الى 6 حسب المقدره

[BlazeE]

طيب يقولون لو تبي تزيد عضلتك وتضخمها لازم تزيد من الوزن تدريجي هل هذا صحيح ؟ اذا كان صحيح

٨ ، ٨ ، ٨ < نفس الوزن ما تزيد من كتله العضله صح ؟

صححني اذا كنت غلطان مجرد اسأله تدور براسي وشكرا على ردك اخوي

[Bright Side]

ياحلو ركز معاي

امرين لا ثالث لهما ومعروفه كقاعده بالحديد

تضخيم (ثلاث جلسات 10 - 8 - 6)

تنشيف ( 15 - 12 - 10 )

طبعا مو معناته الكلام اللي يقولونه الشباب غلط لا..

بس المقصد ان الحديد كذا قاعدته ولك تختار ع حسب طبيعة جسمك وهدفك

[ديزل ديزل]

التضخيم و التنشيف بيرجع لنوع الاكل يعنى الاكل فى المقام الاول اهم شى فى التضخيم شده الحمل دى اهم حاجه لما الوزن يثبت بنعمل حاجه حلوه بتغير نظام التمرين بنلعب سوبر سيت او دروب سيت لكسر الروتين بنغير البرنامج الغذائى ونزود ايام الراحه وحاجه تانيه هى اضافه اوزان زياده والاهم من كل ده هو بعد فتره تمرين مكثفه بناخد اسبوع راحه للتعافى

[aalfarhood]

اذا الدهون تنقص معناها انت تنشف مو قاعد تبني ؟!
لان الصحيح وكلام مدرب كندي لي محد يسوي تنشيف وبنا بنفس الوقت.
اذا بتبني كل باليوم اكل غني بروتين وكاربز وشوي دهون صحي
وقسمها ٥ مثلا باليوم مع المكمل والمفروض فترت البناء تكسب دهون بسبب اكلك الكثير
اذا جسمك ينقص معنها جسمك مو قاعد ياخذ حاجته كامله من الاكل عشان كذا قاعده تنقص الدهون
جيد, اذا انت تنشف كمل وسو اللي قاعد تسويه اكل قليل سعات حراريه وعدات كثيره يعني حرق كالوريز اكثر من عملية بناء وهذا الهدف من التنشيف
اذا بناء معناها عدادت قليله وتسبب الم باليوم اللي بعده الم تمرين مو اصابه :09:. والدهون بتزيد عندك شوي وهذا يدل جسمك وصله حاجته مع اكل كالوريز عالي بس مو اكل صحي مو سكر وحلاو وببسي :D.
بالنهايه حدد هدفك وبناء عليه تحدد اكلك وتمرين والعدات
وتذكر ٧٠٪ من بناية الجسم بالاكل والنوم "الراحه" و ٣٠ بالجم

[humax2007]

طيب يقولون لو تبي تزيد عضلتك وتضخمها لازم تزيد من الوزن تدريجي هل هذا صحيح ؟ اذا كان صحيح

٨ ، ٨ ، ٨ < نفس الوزن ما تزيد من كتله العضله صح ؟

صححني اذا كنت غلطان مجرد اسأله تدور براسي وشكرا على ردك اخوي
8 8 8 عدد العدات بكل جوله
اذا تلعب كل جولاتك بنفس الوزن ماتضخم
لازم اول جوله مثلا تستخدم 40 % من طاقتك
ثانيه جوله مثلا تزيد الوزن وتستخدم 60 % من طاقتك
مثلا الجوله الثالثه تستخدم 70 %
اخر جوله تستخدم اقصى وزن تقدر ترفعه وتسوي فيه بين 4 الى 6 عدات حتى لو بمساعده

واذا تلعب تضخيم لازم عداتك ماتعدا 10
12 فما فوق يعتبر تقسيم

[ابو دانا الحربي]

لي وجهة نظر مختلفه بشكل بسيط :)

لايوجد رقم معين للعدات هو السحري .. وهو اللي راح يخليك وحش .. ولكن بشكل عام كل ماقللت عدد العدات فأنت تركز على القوه (لذلك تمارين ال PowerLifter تكون عدد رفعاتهم قليله بأعلى وزن مثل الرباعين ) كل ماتزيد العدد فأنت تقلل من القوه وتبدأ بتحريك عضلة القلب كأنك تلعب كارديو .. طيب الزبده كم العدد الصحيح والافضل لبناء العضلات .. باختصار لايوجد .. وكل شخص يختلف .. وكل شخص ينجح معه العدات اللي جالس يسويها .. مثل ماانت شايف فوق مع الاعضاء الكرام ..

بعض الاشخاص يبالغ في الموضوع فتجده يدرب العضلات بعدات مختلفه .. فالجزء العلوي له عدات والجزء السفلي له عدات مختلفه والعضلات الصغيره مثل الباي والبطن له عدات ايضا مختلفه عن الجميع :( ..

شخصيا اقوم بعدات قليله لتمارين ال compound ( مثل السكوات والبنش بريس والديدلفت ) لانها في نظري تعطيك قوه للجسم وراح تأثر على ادائك للتمارين بشكل عام .. العدات تكون بين 3-5 عدات بأعلى وزن ... وأحيانا اقوم برفعه واحد خصوصا الديدليفت .. طبعا اللي يقول الرفعات القليله ماتبني الجسم روح شوف ال PowerLifter مثل الاسطوره dan green كيف جسمه :) ..

تمارين ال isolation وهو التمارين البسيطه غير المركبه .. اقوم بعدات بين 6-8 .. هل اذا زودت الرقم الى 12 راح يأثر على العضل .. لااعتقد ذلك ولكنه راح تقضي وقت اطول في النادي ..

وقت الراحه بين العدات يكون تقريبا 30-60 ثانيه في التمارين البسيطه و دقيقتين الى 3 واحيانا اكثر في التمارين المركبه..

لااعتقد يوجد شخص جالس يضيع وقته .. مثل الشخص اللي ينشف ويقسم عن طريق لعب الحديد بعدات عاليه :) .. التنحيف يكون في الاكل والكارديو .. الحديد لبناء العضل :)

[فهاد الشمري]

لي وجهة نظر مختلفه بشكل بسيط :)

لايوجد رقم معين للعدات هو السحري .. وهو اللي راح يخليك وحش .. ولكن بشكل عام كل ماقللت عدد العدات فأنت تركز على القوه (لذلك تمارين ال PowerLifter تكون عدد رفعاتهم قليله بأعلى وزن مثل الرباعين ) كل ماتزيد العدد فأنت تقلل من القوه وتبدأ بتحريك عضلة القلب كأنك تلعب كارديو .. طيب الزبده كم العدد الصحيح والافضل لبناء العضلات .. باختصار لايوجد .. وكل شخص يختلف .. وكل شخص ينجح معه العدات اللي جالس يسويها .. مثل ماانت شايف فوق مع الاعضاء الكرام ..

بعض الاشخاص يبالغ في الموضوع فتجده يدرب العضلات بعدات مختلفه .. فالجزء العلوي له عدات والجزء السفلي له عدات مختلفه والعضلات الصغيره مثل الباي والبطن له عدات ايضا مختلفه عن الجميع :( ..

شخصيا اقوم بعدات قليله لتمارين ال compound ( مثل السكوات والبنش بريس والديدلفت ) لانها في نظري تعطيك قوه للجسم وراح تأثر على ادائك للتمارين بشكل عام .. العدات تكون بين 3-5 عدات بأعلى وزن ... وأحيانا اقوم برفعه واحد خصوصا الديدليفت .. طبعا اللي يقول الرفعات القليله ماتبني الجسم روح شوف ال PowerLifter مثل الاسطوره dan green كيف جسمه :) ..

تمارين ال isolation وهو التمارين البسيطه غير المركبه .. اقوم بعدات بين 6-8 .. هل اذا زودت الرقم الى 12 راح يأثر على العضل .. لااعتقد ذلك ولكنه راح تقضي وقت اطول في النادي ..

وقت الراحه بين العدات يكون تقريبا 30-60 ثانيه في التمارين البسيطه و دقيقتين الى 3 واحيانا اكثر في التمارين المركبه..

لااعتقد يوجد شخص جالس يضيع وقته .. مثل الشخص اللي ينشف ويقسم عن طريق لعب الحديد بعدات عاليه :) .. التنحيف يكون في الاكل والكارديو .. الحديد لبناء العضل :)

لكن يبو دانا حسب علمي تحتاج 3 عدات على الاقل لضخ الدم فالعضل

[ابو دانا الحربي]

لكن يبو دانا حسب علمي تحتاج 3 عدات على الاقل لضخ الدم فالعضل

لو ترفع رفعه واحده بوزن عالي جداً راح يضخ دم للعضله .. يمكن اقل من العدات اللي تكون بين ال 8-6 .. ولكن الهدف الاساسي من العدات القليله هو اعطاء الجسم قوه تحمل ..

ترى غالبية التمارين اللي العبها ... العدات تكون فيها بين 8-6 .. فقط البنش بريس والسكوات والديدلفت هو اللي العبه بعدات قليله (تقريبا 3 عدات) لهدف اعطاء الجسم قوه بشكل عام مثل ماذكرت في الاعلى ..


الحديد بشكل عام بأي عدات كنت تلعب.. راح يعطيك 3 أشياء : strength power-- hypertrophy -- endurance (قوه -- بناء عضل -- تحمل ) .. كل ماتقل في العدات يكون التركيز في strength power القوه اكثر .. اذا بدأت تزيد من العدات تركز في مجال ال hypertrophy واللي هو مفهوم بناء العضلات .. زدت في العدات اكثر راح تركز على ال endurance واللي هو التحمل ..

لايوجد رقم معين لكل هدف .. وماراح تخسر شي اذا جربت عدات قليله للتركيز على القوه لبعض التمارين (راح يفيدك في مجال بناء العضل لانه راح يخليك تشيل اوزان أعلى بشكل عام ) -- وعدات متوسطه لبقية التمارين ... ال endurance لايهمني كثيراً وخصوصا اني العب كارديو بشكل اسبوعي ..

[فهاد الشمري]

طيب والعضلة الحمراء؟ تحتاج عد كبير
والعضلة البيضاء تبني بالعد القليل

[ابو دانا الحربي]

طيب والعضلة الحمراء؟ تحتاج عد كبير
والعضلة البيضاء تبني بالعد القليل

وترى فيه العضلات الرماديه .. واللي هي خليط بين العضلات الحمراء والبيضاء :) ...

الموضوع فيه كلام كثير ونقاشات كثيره .. ولكن بشكل عام تقسيم العضلات الحمراء والبيضاء والرماديه تختلف من شخص لاخر بشكل كبير حسب جيناتك .. ممكن تكون نسبة العضلات الحمراء في الجزء العلوي اعلى من السفلي او العكس .. اللي يهتم في هذا الموضوع هم اللي هدفهم في الرياضه ال
endurance وهو التحمل .. مثل لاعبي السباقات السريعه والمتوسطه .. في بناء العضل في نظري وحسب ماقرأت لايوجد علاقه كبيره باختلاف لون العضله وكمية العدات الواجب تنفيذها .. وغالبية جداول المحترفين والمبتدأين لايضعون ارقام مختلفه بين التمارين ..