نقاش الرسامين أتمنى ان ترسم....:) [الأرشيف]

shaheen

23-03-2002, 11:56 PM

هذا موضوع جديد من نوعه...
فهناك الكثير من الرسامين والرسامات في المنتدى والحمدلله

الفكرة هي ماذا تتمنى ان ترى من رسومات معينة من رسامي المنتدى...
يعني لو نتكلم عن رسامات المنتدى
رانزي فطوم خلود لولي روري ريميتا طرزون جوجو وينتر سول زامبي... الخ
... انا احب واتمنى اشوف لهم رسمات يرسمون فيهه عن ستريت فايتر.. معركة بين المقاتلين
شرايكم؟

Rex

24-03-2002, 08:48 AM

موضوع جميل ... :)

أنا أريد يرسمون عن أي شيء يكون فيه شخصيات فيها خشونه وبعيده عن النعومه ههههههه !!! :D

بصراحة أنا أتمنى ذلك بصدق :)

orange road

24-03-2002, 09:49 AM

انا رسمت شخصيات ستريت فايتر.. بس البنات.. :D

والشباب ارسمهم بشكل كيوت.. بس ممكن احاول.. بس للاسف مشكلتي الازلية.. ما يطلع معاي الا بايشونين وستريت فايتر كلهم جبال من العضلات المتحركة..

بارسم قتال بين chun lee و كامي او ساكورا.. ممكن؟

shaheen

24-03-2002, 11:12 AM

ممكن ليش لا... وحطي الجمهور ريو وكين وساجات ههههههه او زانجيف:D
ترى خلود انتي حطيتي من قبل صورة لتشان لي روعة.. للحين اتذكرها... وايد حلوة!

fatoom

25-03-2002, 10:06 PM

ممكن أحط رسمه لكينق اوف فايترز ؟؟؟؟ صح ؟؟؟؟

:o

fatoom

25-03-2002, 10:07 PM

و هل هو بس على أبطال ستريت فايترز بس ؟؟؟؟

و لا أي قتال ؟؟؟؟

:أفكر: همممممممممم

shaheen

25-03-2002, 10:54 PM

أي قتال .. ولايهمّج!
بس نبي نشوف شئ:)

wanna

13-04-2002, 07:38 PM

وانا ودي ودي ودي حييييييييل اشوف رسمة حق مادوكا

جان زين احد منكم يرسمها........علشاني...........بلييييييييييييز:-) :-)

wildkitty

13-04-2002, 07:53 PM

رسم الاولاد اهو اصعب شي يعني الولد يكون اقدر برسم الولد صراحه الولد كل ما احاول ارسمه يسير بنت بالنهايه

Rewayah

13-04-2002, 09:43 PM

والعكس صحييح مع أغلب الأولاد يا وايلد كيتي! :p
أغلب ربعي اللي أعرفهم, يوم إيجون يبون يرسمون بنات, يطلعون أولاد :D كخخخخخخخ
أو تطلع بنت خشنه!! :D كخخخخخ

سوري... بس مو قصدي أتطنز! ":" ههههههه
بس والله كل شيء بالممارسة يصير! :)

إنزين! أنا بأختار لكل واحد شيء معين خاطري فيه...

أنا أبي من رالف يرسم لنا ليونا!! ليونا يا رالف!!
صاحبتك!!! يا "ناستي أنت"!!!! ":" ههههههه
طبعاً هي بالعادة تلبس لبس حربي!! ما عندي مشكلة! :D

وأبي من فطوم ترسم لنا... همممممم... إصبي إحليو لابس كندورة "دشداشة" حمدانية! :D
أعرفش يا فطوم! تجيدين هالشيء مرة!! بس هالمرة يكون كبير! مو سوبر ديفورمد!! ":"

وأورانج رود تقوم ترسم لنا شاب متوحش عاري الصدر وله جناحي تنين أو خفاش! ;-)

وأبي من شاهين يرسم لنا ملكة حسناء ذت ملابس مزركشة ليست من الأرض :o "يعني أي شيء مبتكر يا أخي" ;-) !! وأتكون أمبراطورة كونية من الفضاء الخارجي! :o

وأبي من ريفليكس يرسم لنا فتاة حسناء شعرها أشقر تحمل سلًة أزهار! ":" بأدبك عزيز ريفليكس من رسم الأسلحة والروبوتات! :D

وواينا ترسم لنا قرصان أشقر!! :o قرصان يا واينا قرصان بمعنا الكلمة!
يشبه صورتش نسبياً بس رجل! ":"

وبس! دارك آيز وروري ولولي وريميتا وميجان وهوك لاحقاً! -_^

Rewayah

13-04-2002, 09:49 PM

وأبغي دارك آيز يرسم أميرة أمورة! :D
لا حراشف فيها ولا يحزنون! ":"

وروري ولولي كل وحدة ترسم أي شخصية, والثانية ترسم الشخصية اللي تناسبها! ;-)
مثلاً ولد وبنت! :)
بطلين محاربين ثنائيين! أنور ومنير "الأخوان شوقي" على البال! :D
بس مو ساحرتان أختان! ":"

وريميتا ترسم لنا وحش أسطوري - تنين مثلاً! :واو:
بس مو شرط يكون متوحش :o
ممكن كائن تنيني يشبه ميمونة اللي في ميمونة ومسعود!! ;-)

أما ميجان!! فبعدنا ما شفنا أسلوبها الكامل بعد!! :)

وهوك!! أختار واحد من التالي:
أمرأة مصاصة دماء! إمرأة زومبي! إمرأة مومياء! إمرأة ذيبة! :D
وهقتك لاه؟ ":"

والبقية في الطريق! :)

orange road

13-04-2002, 10:56 PM

اوكي رواية..
بارسم المطلوب مني :D

بس صبروا علي يومين..
علشان الحق ارسم والون..

الحين الرسوم وايد زادت (اقصد الرسوم اللي ابي اشارك فيها في المواضيع زادت)

shaheen

14-04-2002, 03:01 PM

هههههههههه
عليك افكار:)

wildkitty

14-04-2002, 06:10 PM

ما اقدر كل ما ارسم ولد تسير نهايته بنت يبى ما يسير الاولاد صعب رسمهم
الولد ادرى بتفاصيل جسم الولد فيبرز جسمه بدقه والملامح مادري شلون تطلع خشنه
والبنت نفس الشي اهي ادرا برسم البنات
ودي ارسم ولد ما تنتهي نهايته لبنت
حتى الوحوش الي ارسمها نهايتها بنات وحوش

shaheen

14-04-2002, 09:56 PM

يا رسامات.. انتوا بكلامكم تعنون ان الرسامين الذكور افضل منكم لأنهم يرسمون اولاد وبنات بطريقة صحيحة... هل هذا ما قصدتن بالضبط؟ (اريد حماس وغضب وتحدي):D

وبالنسبة لك يا رواية ... اريدك ان ترسم رسمة لفتاة مراهقة مصاصة دماء لكنها سوداء البشرة:)

رسمة الامبراطورة جاهزة بس اول ارسم طلبي:) يا ي العزيز رواية:D

wildkitty

14-04-2002, 10:26 PM

الرسالة الأصلية كتبت بواسطة shaheen
يا رسامات.. انتوا بكلامكم تعنون ان الرسامين الذكور افضل منكم لأنهم يرسمون اولاد وبنات بطريقة صحيحة... هل هذا ما قصدتن بالضبط؟ (اريد حماس وغضب وتحدي):D

وبالنسبة لك يا رواية ... اريدك ان ترسم رسمة لفتاة مراهقة مصاصة دماء لكنها سوداء البشرة:)

رسمة الامبراطورة جاهزة بس اول ارسم طلبي:) يا ي العزيز رواية:D
نعم نعم لا حبيبي البنات يرسمون احسن من الاولاد بس انا خذيت السالفه من وجهة نظري حتى وجهت نظري البنات احسن

shaheen

14-04-2002, 11:03 PM

هذه وجهة نظرج... ما هي آراء الرسامات الاخريات؟:)

wildkitty

14-04-2002, 11:06 PM

هذا رأي ورأي معظم الرسامات
دايما ولا زم البنات احسن من الاولاد
يمكن الاولاد احسن مكن البنات بال

الازعــــــــــــــــــــاج

shaheen

14-04-2002, 11:11 PM

شوي شوي... ترى انا انسان هادي (منذ ان كنت صغيرا)...

ودعي الفرصة للرسامات الاخريات يا اخت وايلد كيتي!:D

wildkitty

14-04-2002, 11:31 PM

اي شاهين امبينه الهاداوه عدل
ترى للحين اقول منو يا شاهين

shaheen

14-04-2002, 11:38 PM

من هو؟؟؟

أنا..... !!!

انا عندي اسمين shaheen & Evil shaheen

اعتقد اني جاوبت على السؤال.. صح؟

الحمدلله:D ههههههههههههههههههه

wildkitty

15-04-2002, 02:13 PM

ترى انت افتكيت من الحنه لأن انا احن حتى اصل مرادي

shaheen

15-04-2002, 02:16 PM

وشكلج بلعتي الطعم;) :D

wildkitty

15-04-2002, 02:27 PM

اشلون تتجرأ وتقص علي
:غضب:
:" :" :" :" :" :"
ابي امي يقصون علي اهني

Rewayah

09-07-2002, 04:56 PM

أوووف تعب... :"
ياله ياله لقيت هالموضوع.. :(

أنزين... :)
شو عدنا هنيه:

الرسالة الأصلية كتبت بواسطة Rewayah
وأبي من شاهين يرسم لنا ملكة حسناء ذت ملابس مزركشة ليست من الأرض :o "يعني أي شيء مبتكر يا أخي" ;-) !! وأتكون أمبراطورة كونية من الفضاء الخارجي! :o

الرسالة الأصلية كتبت بواسطة shaheen
وبالنسبة لك يا رواية ... اريدك ان ترسم رسمة لفتاة مراهقة مصاصة دماء لكنها سوداء البشرة:)
أتصدق نسيت؟! :واو:
مو مكشلة. :p
بالنسبة للأمبراطورة يا شاهين حطها في ~صاحبة الجلالة~ (لو تريد), مو مشكلة. :)
أما الرسمة اللي تبيني أرسمها فوين تبغيني أحطها؟ :)
هنيه؟ :)

shaheen

10-07-2002, 12:58 AM

طبعا ارسمها هنا يا رواية.. :)

مستعجله بالمره

11-07-2002, 04:35 AM

فيه وظايف؟؟؟؟؟؟؟؟؟؟؟؟؟؟؟؟؟؟؟؟؟.......

..........

لا.......لا...امزح.........بس .....

يعني روايه ........ولا شاهين.......ولا اي احد ......يقولي وش ارسم ...بس هاه عيال ممنوع لا تقولون لي عيال ماعرف ارسمهم ابدااااااااا........ولا حتى عندي ميول لرسمهم ............مدري ليش ؟؟:": :": :":

على العموم ...........انتم اطلبو بس.......

ويا الله..............باي..

xero

11-07-2002, 04:47 PM

انا الان لي امنية واحدة!!!

اريد المال والمال والمزيد من المال!!!

ههه لا لا...كل ما اريد ان اراه في المنتدى جاليري غير الجاليري التعباااان اللي عندي يعرض رسوم للاليات المعروفة!!!

وان تحل مشكلة تعطل المنتدى(حتى نتفادى القادم!!)

Rewayah

11-07-2002, 09:17 PM

زيرو إذا سمعتك مرة ثانية تتكلم عن جالاريك بهالصورة مرة ثانية بزعل منك. :)
كل جالارياتكم حلوة جميلة وبها أفكار روعة وعلى قولة إخوانا اللبنانيين "مهضومِة". ;-)

أخي شاهين, الحمد لله خلصت من رسمة مصاصة الدماء السمراء اللي طلبتها. ;)
بس إن شاء الله تطلع نفس اللي أنت كنت تتوقعها مني. :)
كأني تأثرت بفلم الفامبايارز الجديد... :D

المهم هاذي الرسمة كاملة مع الخلفية, بس لو تنتظر عليه نص ساعة بالكثير بكون خلصت النسخة
الملونة اللي معذبتني. :p
تعب تعب التلوين, تعب...
طبعاً قاعد ألون بس الشخصية الأساسية وبعرضها فوراً بعد الإنتهاء منها. ;-)

حياكم جميعاً.

Rewayah

11-07-2002, 11:13 PM

هاي يا جماعة, سوري على التأخير. ^_^
كيف حالك شاهين؟ :)

تفضل ما طلبت, لكن هالمرة ملونة! :D
على ما أظن أنه ألحين الفامباير تبين أنها سمراء عدل لاه؟ ;-)
إن شاء الله تعجبك. :)

xero

12-07-2002, 06:32 AM

وااااااااااو حلوة حلوة تذكرني بفلم بلايد :D وشكرا يا رواية :# خجلتني!!

shaheen

12-07-2002, 10:25 AM

مايصير جذي... انت تأخرت وايد.. وشفت الفيلم.. انا كنت ابغيك ترسم الفكرة من خيالك:": ... على فكرة فكرتي هذي من قبل لا يحطون الفيلم يعني افكاري مبدعة ههههههههه:D

رائعة يارواية.. لقد جبتها من ذيلها... ورسمتك رائعة جدا... والتلوين رائع:)

لكني لاحظت على رسمك شئ.... ;)
اولا قلت انا طلبت فتاة مراهقة.. يعني صغيرة بالسن...
ثانيا انك لا تتعب نفسك في رسم الملابس... يعني لا تدقق فيه برسم الزخارف والحركات المعروفة في الازياء... (يبدو موضوعا جيدا.. سأكتبه)

ثالثا... رسمك للوحوش بالخلف.. بما انهم في الخلفية لذا لم تعطهم حصتهم في الابداع... (بهدلتكم بهذه الكلمة ها؟)

.... شكرا حبيبي رواية لقد نفذت الرسمة التي طلبتها منك اخيرا وقريبا اضع الرسمة التي طلبتها مني هنا:)

مستعجلة... اطلب منك ان ترسمي أميرة شقراء تركب طائرا يحلق فارشا جناحيه:) واطلبي مني ماتشائين:)

كبمارو

12-07-2002, 10:50 AM

احم احم

السلام للجميع .....
وبعد ياروايه شو هاي الرسمه الفضيعه

اصدقون انا ماصدق انه في انسان في هذا العالم بهاي المقدرة على الرسم

صراحه احس انك تقدر ترسم وانته مغمض عينيك من مهارتك

الرسمه حلوة حلوة وتدخل القلب تخلي الواحد ييلس ساعتين يتامل فيها

بس في ملاحظه صغيرة

شاهين على ماعتقد طلب مصاصه دماء مراهقه

وانا اشوفها الرسمه يمكن عمرها 29 مادري هذا رايي المهم الرسمه متقنه ومتعوب عليها ويا ريت نشوف مسلسل كارتوني خاص بك

يالله

تحياتي

كبمارو

Ralph Jones

12-07-2002, 06:09 PM

موضوع عجيب !! :D :D

تريدون ان ارسم شريكتي بالمهمات ليونا ؟؟؟ :) ( نعم انها جميلة !! همم :6 )
لا مشكلة ;) !!!

لكن بمجرد الانتهاء عليكم بعدم الضحك علي .... اوكي ;)

بالمناسبة رواية .... رسمتك جميلة جدا .... :) :) !!

ترقبوني قريبا ...

رالـــــــــــــــــــف":"

مستعجله بالمره

13-07-2002, 01:22 AM

الله اكبر..................

ايش هالفن يا روايه...........رهيييييييييييييييييييييييييييييييييييييييييييييبه والتلوين رااااااااااااااااااااااااااايق...............والله انك شي عجيب....

.....................................

شاهين طلبك على العبن والراس............والفكره راااااااااااااااااااااااائعه..........

انظر شوي على بال ما اخلص الرسمه...............

يارب ياااااااااااااااااااااااااااااااااااااااااارب.......

تطلع مقبوله.......

ايه ..................شاهين ارسم شخصيه من شخصيات رزدنت ايفل........مثلا..جيل........احلى شخصيه شفتها بحــــــــــــــــــــــــــــــــــــــــــــــــيــــــــــــــــــــــــــــــــــــــــــااااااا ااااااااااااااااتي..
ان شاء الله ما اكون ثقلت عليك...

سلام

Rewayah

13-07-2002, 02:08 AM

الرسالة الأصلية كتبت بواسطة كبمارو
اصدقون انا ماصدق انه في انسان في هذا العالم بهاي المقدرة على الرسم
صراحه احس انك تقدر ترسم وانته مغمض عينيك من مهارتك
طالعوا المبالغة والمغالاة أنتوا بس؟؟ :!
لا والمصيبة ياية من واحد من أهلي!! :غضب:
كبمارو, الكل يعرف أنك متحيز لرسوماتي دامك تتكلم بهالإسلوب!
أنته بعدك صغير وأغلبنا كبار!
نفهمها وهي طايرة!!
ليش تبالغ وايد؟
تأكد من كلامك قبل ما تنشره!
والله قهر!! :غضب:
أنا أعرف أأدبك!! بس ماعليه, بشوفك يوم بترجعون من السفر!
طبعاً مستانس, باتشر السفرة... بس موت حرّة!
نحنا بنطلع رحلات وعدنا مناسبات وتخطيطات ويا ربعنا!! ":"

المهم, أرجو أنك ما تعيدها وتبالغ مرة ثانية وأطيح "تمدّح" في رسوماتي! فاهم؟
ولا بأتبع أسلوب آخر في تعاملي معاك وأحرر ردودك! ;-)

مستعجله بالمره

13-07-2002, 05:14 AM

رسمتها ولونتها...............

طلعت ............

:أفكر: :أفكر: :أفكر:

عاديه........................

انا على بالي الطير بيصير سهل..............:": :": :":

بس خربتط بجناحاته........ماعرفت ارسمها زين................اخخخخخخخخ........الظاهر علشان لي فتره ما رسمه حيوانات ولا حتى طيور..............

يبيلي تدريب زياده:" :" :" :" .............

انزين شوفوها............

**lonely star**

13-07-2002, 05:25 AM

وااااااااااو
يالمستعجله فكره الرسمه فضيعه مره روعه خيال:واو:

مستعجله بالمره

13-07-2002, 05:39 AM

هاذي افكار شاهين العبقري..............;-) ;-) ;-)

shaheen

13-07-2002, 10:16 AM

هههههههههههه
رواية شوي شوي على كبمارو
ترى ماسوى جذي الا لأنه يحبك ويعزك
الله يخليه لكم:)

مستعجلة .. حلوة رسمتج وجبتي لي افكار منها هههههههه ماباقول

بالنسبة لرسمة عن ريزيدنت ايفل... على فكرة كنت ارسم كثير عن ريزيدنت ايفل يوم كنت العب الجزء الاول والثاني ... والثالث مارسمت شئ بصراحة... لكني الان سأرسم رسمة جديدة عشانج.... ومانسيت رسمة رواية;-)