أتمنى ان ترسم....:)

[shaheen]

هذا موضوع جديد من نوعه...
فهناك الكثير من الرسامين والرسامات في المنتدى والحمدلله

الفكرة هي ماذا تتمنى ان ترى من رسومات معينة من رسامي المنتدى...
يعني لو نتكلم عن رسامات المنتدى
رانزي فطوم خلود لولي روري ريميتا طرزون جوجو وينتر سول زامبي... الخ
... انا احب واتمنى اشوف لهم رسمات يرسمون فيهه عن ستريت فايتر.. معركة بين المقاتلين
شرايكم؟

[Rex]

موضوع جميل ...

أنا أريد يرسمون عن أي شيء يكون فيه شخصيات فيها خشونه وبعيده عن النعومه ههههههه !!!

بصراحة أنا أتمنى ذلك بصدق

[orange road]

انا رسمت شخصيات ستريت فايتر.. بس البنات..

والشباب ارسمهم بشكل كيوت.. بس ممكن احاول.. بس للاسف مشكلتي الازلية.. ما يطلع معاي الا بايشونين وستريت فايتر كلهم جبال من العضلات المتحركة..

بارسم قتال بين chun lee و كامي او ساكورا.. ممكن؟

[shaheen]

ممكن ليش لا... وحطي الجمهور ريو وكين وساجات ههههههه او زانجيف
ترى خلود انتي حطيتي من قبل صورة لتشان لي روعة.. للحين اتذكرها... وايد حلوة!

[fatoom]

ممكن أحط رسمه لكينق اوف فايترز ؟؟؟؟ صح ؟؟؟؟

[fatoom]

و هل هو بس على أبطال ستريت فايترز بس ؟؟؟؟


و لا أي قتال ؟؟؟؟


همممممممممم

[shaheen]

أي قتال .. ولايهمّج!
بس نبي نشوف شئ

[wanna]

وانا ودي ودي ودي حييييييييل اشوف رسمة حق مادوكا

جان زين احد منكم يرسمها........علشاني...........بلييييييييييييز:-) :-)

[wildkitty]

رسم الاولاد اهو اصعب شي يعني الولد يكون اقدر برسم الولد صراحه الولد كل ما احاول ارسمه يسير بنت بالنهايه

[Rewayah]

والعكس صحييح مع أغلب الأولاد يا وايلد كيتي!
أغلب ربعي اللي أعرفهم, يوم إيجون يبون يرسمون بنات, يطلعون أولاد كخخخخخخخ
أو تطلع بنت خشنه!! كخخخخخ

سوري... بس مو قصدي أتطنز! ":" ههههههه
بس والله كل شيء بالممارسة يصير!

إنزين! أنا بأختار لكل واحد شيء معين خاطري فيه...

أنا أبي من رالف يرسم لنا ليونا!! ليونا يا رالف!!
صاحبتك!!! يا "ناستي أنت"!!!! ":" ههههههه
طبعاً هي بالعادة تلبس لبس حربي!! ما عندي مشكلة!

وأبي من فطوم ترسم لنا... همممممم... إصبي إحليو لابس كندورة "دشداشة" حمدانية!
أعرفش يا فطوم! تجيدين هالشيء مرة!! بس هالمرة يكون كبير! مو سوبر ديفورمد!! ":"

وأورانج رود تقوم ترسم لنا شاب متوحش عاري الصدر وله جناحي تنين أو خفاش! ;-)

وأبي من شاهين يرسم لنا ملكة حسناء ذت ملابس مزركشة ليست من الأرض "يعني أي شيء مبتكر يا أخي" ;-) !! وأتكون أمبراطورة كونية من الفضاء الخارجي!

وأبي من ريفليكس يرسم لنا فتاة حسناء شعرها أشقر تحمل سلًة أزهار! ":" بأدبك عزيز ريفليكس من رسم الأسلحة والروبوتات!

وواينا ترسم لنا قرصان أشقر!! قرصان يا واينا قرصان بمعنا الكلمة!
يشبه صورتش نسبياً بس رجل! ":"

وبس! دارك آيز وروري ولولي وريميتا وميجان وهوك لاحقاً! -_^

[Rewayah]

وأبغي دارك آيز يرسم أميرة أمورة!
لا حراشف فيها ولا يحزنون! ":"

وروري ولولي كل وحدة ترسم أي شخصية, والثانية ترسم الشخصية اللي تناسبها! ;-)
مثلاً ولد وبنت!
بطلين محاربين ثنائيين! أنور ومنير "الأخوان شوقي" على البال!
بس مو ساحرتان أختان! ":"

وريميتا ترسم لنا وحش أسطوري - تنين مثلاً! :واو:
بس مو شرط يكون متوحش
ممكن كائن تنيني يشبه ميمونة اللي في ميمونة ومسعود!! ;-)

أما ميجان!! فبعدنا ما شفنا أسلوبها الكامل بعد!!


وهوك!! أختار واحد من التالي:
أمرأة مصاصة دماء! إمرأة زومبي! إمرأة مومياء! إمرأة ذيبة!
وهقتك لاه؟ ":"

والبقية في الطريق!

[orange road]

اوكي رواية..
بارسم المطلوب مني

بس صبروا علي يومين..
علشان الحق ارسم والون..

الحين الرسوم وايد زادت (اقصد الرسوم اللي ابي اشارك فيها في المواضيع زادت)

[shaheen]

هههههههههه
عليك افكار

[wildkitty]

ما اقدر كل ما ارسم ولد تسير نهايته بنت يبى ما يسير الاولاد صعب رسمهم
الولد ادرى بتفاصيل جسم الولد فيبرز جسمه بدقه والملامح مادري شلون تطلع خشنه
والبنت نفس الشي اهي ادرا برسم البنات
ودي ارسم ولد ما تنتهي نهايته لبنت
حتى الوحوش الي ارسمها نهايتها بنات وحوش

[shaheen]

يا رسامات.. انتوا بكلامكم تعنون ان الرسامين الذكور افضل منكم لأنهم يرسمون اولاد وبنات بطريقة صحيحة... هل هذا ما قصدتن بالضبط؟ (اريد حماس وغضب وتحدي)

وبالنسبة لك يا رواية ... اريدك ان ترسم رسمة لفتاة مراهقة مصاصة دماء لكنها سوداء البشرة

رسمة الامبراطورة جاهزة بس اول ارسم طلبي يا ي العزيز رواية