العصفورة الزرقا قالت لي.....

كيف الحال...؟!

اليوم وانا قاعد اهوجس واتذكر ايام الطفولة :happysad:...فجأة تذكرته :12: ...اكثر من كرهت يوم اني بزر...اكيد بعضكم عرفه...هو بدون مقدمات العصفور الازرق او الاخضر وفي بعض المناطق يسمونه العصفور المخطط...

للي ما يعرف...هذا يا شباب هو احدى وسائل الضغط النفسي الذي يمارسه الاهل وتحديدا الام على البزر المسيكين عشان تخليه يعترف بالجريمة اللي سواها...سواء كانت شباك مكسور..او زبالة محروقة...

فور اقسامبل..طفل بريء قاعد يلعب كورة في مجلس الرجال :newangel: وابو الشباب متخيل نفسه كابتن ماجد..وهجمه خطيرة...الللللله قوووووووو..طرطرطرطراااخ <-- ابد اللمبة انكسرت :أفكر:

تجي امه تسأله...مين اللي كسر اللمبة :reporter:..طبعا اي طفل بكامل قواه الطفلية بينكر الجريمة خصوصا ان محد شافه..ويلزق الموضوع في اخوه الصغير :salook:...

لكن المفاجأة وين...اذا طلعت الام السلاح السري..اللي هو العصفور الازرق...وتقول ترى العصفور الازرق قال لي انك انت اللي كسرتها..
يوء :bigeyes: ..من وين جا ذا ومتى شافني..اكيد ما دامه عصفور كان متخبي وما شفته..وبعد كذا يجي الاعتراف الكامل ويليه عقاب حلو من يدين ست الحبايب :p...

وفيه حركة ثانية اتذكرها بس هذي كان يسويها فينا عمي الصغير..كان اذا بغى الواحد يصدق يقول له احلف على كلامك وبعدين الحس هذي السكٌينة..اذا انت كذاب بينقطع لسانك..وان كنت صادق ما ضرك شي...ما فيه بزر بايع لسانه :p..

تدرون كيف كشفتها..يوم من الايام سويت بلوة زرقا ويوم سوا لي الاختبار..ينقطع لساني ولا يدرون وش سويت..وسلمت امري لله ولحست :lick:............وما انقطع لساني :p...


اللي عنده زيادة لا يبخل علينا...

العصفور الأزرق او الطير الأخضر حفظناها ذي


لكن مره كانت جدتي تقول اللي يكذب يصير لسانه احمر


مره وانا بالحوش العب طيحت خشبه على صندوق الببسي القزاز اللي ورى الفله


طبعا انا من الخوف رحت وزبنت مع العيال اللي كبري ولا من شاف ولا من دري


طبعا جدتي ذاك اليوم جت تسأل من اللي سواها ولا واحد قال انا



قالت يله طلعو السنتكم واحد واحد وكان فيه ولد خالة امي كبري بالعمر وكان دايم يجي عندهم ويخرب



فجت وقالتله لسانك احمل الا يالتسذوبي ومدري وش وتلزقت فيه وهو يحلف انه موب هو بس ما صدقوه وانا الطفل البرئ (قدام الناس) اناظر وكأني ما سويت شي :33:


ولكم باك نوافوه ونتمنى انك تنشب عندنا مره ثانيه :09:

حياك الله يامغبر

وينك مختفي .. ؟

وبالنسبة للعصفور الازرق .. فسمعت فيها

اما السكين جديده ذي .. :06:

والحمدلله على السلامه ..

العصفور الازرق ما سمعت بها
لكن خالي كان مجنني بالبحرية!! :31:

اخبر حقت السكين عند المصاريه على ما أعتقد -____- لا تكون مصري بس ..

اما الطريقة المعروفه والسهله لأعتراف هي الضرب بالعقال ولا بالنعال -____- لين الواحد يهرج ويعترف ..

و ولكم باك ايها المغترب -____- ..

مؤيد...

حلوة حقت اللسان الاحمر هذي :)...وبأذن الله انا ناشب لكم...على طول...


HArb200..

والله ظروف يا حبي :)...دراسة وغربة...وما فيه انترنت عربي لما ركبته في الشقة اليوم...:)


نيو ايرفين...

اي بحرية...فسر؟!


THE LUCKY GUY...

مدري والله يمكن اخذها من الشغالة <-- شغالتهم ذاك الوقت مصرية :33:

يوم كنا صغار كانت امي لما تروح للجيران .. نطلع نلعب مع عيال الجيران الثانين بالشارع :09: .. و عيال الجيران اللي عندهم امي يعلمون علينا :31:


و طبعا امي تجي و تقول لنا وش موديكم عند الجيران.. العصفوورة الزرقاء قالت لي :tongue2:



هذا موقف اذكره بس ما اذكر غيره صراحة ^^


مشكور عالموضوع الحلو ^^

انا اذكر الطير الاخضر

بس اللي كان مرعب صدق

اذكر يوم كنا صغار اذا واحد كسر شي ولا خرب شي يهدد بوسيلة شنيعه كان يقاله لو ما قلت الصدق ترا والله لاخلي اذاني واذانك اربع :p

وحنا صغار داجين ما ندري ايش معنها في بال الواحد انه بيقطع اذانه او يقسمها قسمين او شي من ذلك

flarestar...

مرة فكرت اني ادخل غرفة امي وادور على العصفور (اكيد ما دامه يعلمها بيكون قاعد عندها)...واغتاله :12:...


deadman9002...

تعددت الاسماء والنذل واحد.. :أفكر:

ايه يا جيل النيدو ..
عصافير زرقا و حمرا ..
الله يرحم ايام اول ..
لما تسوي مصيبة مجلود مجلود سواء في عصافير و الا ما فيش http://www.webpost.net/sp/spikeyman/dog.gif ..

اقتباس:

---

المشاركة الأصلية كتبت بواسطة عماد 18

ايه يا جيل النيدو ..
عصافير زرقا و حمرا ..
الله يرحم ايام اول ..
لما تسوي مصيبة مجلود مجلود سواء في عصافير و الا ما فيش http://www.webpost.net/sp/spikeyman/dog.gif ..

---

احلى يا الشايب :p...

الجلد مو الموضوع...هالاسلوب كان يخليك تعترف..وبعدها يجي الجلد :12:

ايه انا اقصد انك تنجلد اولا ثم تطرح الاسئلة :tongue2: ..

ولكم باك اخوي نواف

يا ريت تنشب لنا هنا

و لا تنسى تسلم على توني بلير و قول له m_m يتوقع لك نهاية مأساوية :tongue2:

والله انا امي كانت تقولي العصفورة(لاحظ انها مؤنث!!حتى حريم العصافير يحبون الكلام :أفكر: )قالت لي.. من غير تحديد لون ازرق اواخضر..

عموما انا من صنف الاخ عماد..الجلد اول بعدين الاستجواب :31:

شكرا اخ تشاندلر على الموضوع.. :)

ياحليلك

انا ياشيخ كان حدي فار رصاصي

على العموم حبيت اسلم عليك ومبروك على الرقم القياسي في القطاعة
لا يكون سكنت في الايجوارد رود
كانك ساكن فيها فسلم لي على عيال حارتنا فيذاك :31: