كيف الحال...؟!
اليوم وانا قاعد اهوجس واتذكر ايام الطفولة ...فجأة تذكرته ...اكثر من كرهت يوم اني بزر...اكيد بعضكم عرفه...هو بدون مقدمات العصفور الازرق او الاخضر وفي بعض المناطق يسمونه العصفور المخطط...
للي ما يعرف...هذا يا شباب هو احدى وسائل الضغط النفسي الذي يمارسه الاهل وتحديدا الام على البزر المسيكين عشان تخليه يعترف بالجريمة اللي سواها...سواء كانت شباك مكسور..او زبالة محروقة...
فور اقسامبل..طفل بريء قاعد يلعب كورة في مجلس الرجال وابو الشباب متخيل نفسه كابتن ماجد..وهجمه خطيرة...الللللله قوووووووو..طرطرطرطراااخ <-- ابد اللمبة انكسرت
تجي امه تسأله...مين اللي كسر اللمبة ..طبعا اي طفل بكامل قواه الطفلية بينكر الجريمة خصوصا ان محد شافه..ويلزق الموضوع في اخوه الصغير ...
لكن المفاجأة وين...اذا طلعت الام السلاح السري..اللي هو العصفور الازرق...وتقول ترى العصفور الازرق قال لي انك انت اللي كسرتها..
يوء ..من وين جا ذا ومتى شافني..اكيد ما دامه عصفور كان متخبي وما شفته..وبعد كذا يجي الاعتراف الكامل ويليه عقاب حلو من يدين ست الحبايب ...
وفيه حركة ثانية اتذكرها بس هذي كان يسويها فينا عمي الصغير..كان اذا بغى الواحد يصدق يقول له احلف على كلامك وبعدين الحس هذي السكٌينة..اذا انت كذاب بينقطع لسانك..وان كنت صادق ما ضرك شي...ما فيه بزر بايع لسانه ..
تدرون كيف كشفتها..يوم من الايام سويت بلوة زرقا ويوم سوا لي الاختبار..ينقطع لساني ولا يدرون وش سويت..وسلمت امري لله ولحست ............وما انقطع لساني ...
اللي عنده زيادة لا يبخل علينا...