خبر مصيبة عن مايكروسوفت ( مهم جدا ) عن الاضواء الحمراء + استفسار للسعوديين .. !!

السلام عليكم


انا احد اخوانكم من الكويت اصيب جهازين لي ( اللون الابيض ) سابقا بالاضواء الحمراء للأسف ( اشارة الموت ) والسبب اننا اربعة اخوة نشتغل ( شيفتات على الجهاز ) كل واحد 6 ساعات باليوم والحصيلة الجهاز مشتغل 24 ساعة الى ان ( يطفش ) ويموووووت .. !!


والآن حصل لجهازنا الثالث ( الـ Elite ) نفس الموضوع ولكن الميزة اننا لم نلعب به كثيرا وايضا لم نتعبث بالجهاز من ناحية البرمجة والتطوير , وهناك كفالة كما تعرفون من مايكروسوفت عن الجهاز لمدة ثلاث سنوات ... وهذا يخولني بان اكون احد المستحقين بصيانة مجانية لجهازه .


استخدمت موقع مايكروسوفت للابلاغ عن الجهاز فكانت عن طريق خطوات .. :


1 - ارسلت لهم رسالة لخدمة دعم العملاء فلم يجيبوني واستمريت في الارسال لمدة اسبوع حتى استلمت رسالتهم وفيها رابط تسجيل مشكلة الجهاز .. !!


2 - سجلت البيانات المطلوبة منهم ومن بعدها جلست اسبوعان بدون رد حتى استلمت رسالة تقول لي اتصل على اقرب فرع لك من خدمة عملاء مايكروسوفت .. !!


3 - وجدت الموقع فيه خدمة عملاء في المملكة العربية السعودية الشقيقة مع وجود هذا الرقم لكن لاحظت يقول الدوام

اقتباس:

Saudi Arabia: 800-8-443-784. Hours of Operation: Monday-Sunday 10:00-18:00. (http://www.xbox.com/en-ae)

الدوام من الاثنين الى الأحد ؟؟ ( يعني الجمعة دوام ) مستحيل .. و الدوام من 10 الصبح الى 6 المغرب والرقم هو784-433-8-800 ( والمصيبة اضيف لهم رمز الدولة 00966 ويطلع الرقم خطأ ) ؟؟


المصيبة هي : اهمال خدمة العملاء لاصحاب اشارة الموت واتذكر كلام بيتر مور يوم يقول انتوا اهم ناس عندنا .. !! غريييييبة


أخواني السعوديين


لو سمحتوا اذا ممكن يأكد لي شخص على الرقم الله يجزاكم خير .. :)
ويسأل عن طريقة التصليح علما بأنني سجلت طلب واعطاني الكود اللي اراجع فيه خدمة العملاء

اقتباس:

To expedite service, please provide Service Request Number 1046784557 when you call

وهو 1046784557


خلاصة الموضوع : اريد ان اعرف خطوات ارسال الجهاز الى المملكة للتصليح .. :)


وجزاكم الله خيرا


أخوانكم اصحاب يوزر :
HO HO FAWA ZO - HO HO AHMA DO


وشكرا

صور الجهاز !!!!

والله اخوي مادري شقول حتى انا جهازي خربان وغسلت ايدي منه شهرين واخترب !!!

بس اعتقد ان في السعودية والامارات الدعم فقط للاجهزة للرسمية يعني الاوروبي

شوف هالموضوع

نداء لأهل السعودية والامارات...

اقتباس:

---

والآن حصل لجهازنا الثالث ( الـ Elite ) نفس الموضوع ولكن الميزة اننا لم نلعب به كثيرا وايضا لم نتعبث بالجهاز من ناحية البرمجة والتطوير , وهناك كفالة كما تعرفون من مايكروسوفت عن الجهاز لمدة ثلاث سنوات ... وهذا يخولني بان اكون احد المستحقين بصيانة مجانية لجهازه

---

نشوف ردود متعصبين الاكس بوكس 360 الحين يقولون الElite خالي من المشاكل :09:

انا والله جهازي اعاملة كملك و بعد خايف يخترب :D

و ان شاء الله تشوف حل حق مشكلتك

Elite شكثر صارله عندكم
شنو اخترب فيه بالضبط ؟؟ !!

في رقم الدعم الفني للإمارات ...بس نسته
رامي يعرفه ..الي دووم يخبر كم خن خفض اسعاار الجهااز

أنا إللي اعرفه أنه بعد ما تعبي البيانات وتدزه للدعم الفني راح يدزون لك صندوق خاص تحط فيه الإكس 360 وتدزه لهم

أخوي مالك إنك تحط شكوتك في منتدى الإكس بوكس .. وهذا الرابط

http://forums.xbox.com/9/ShowForum.aspx

على فكرة إذا كان جهازك أمريكي ما تقدر تصلحه أو تستبدله في السعودية أو الإمارات لأنه مسؤولين عن أجهزة الأوروبية فقط (PAL) .. إذا ردو عليك المشرفين في قسم الدعم الفني في منتدى الإكس بوكس وقالو اتصل عليهم قولهم أنا بالكويت مو بأمريكا ولا تقولهم نهائياً إنك شريت الإكس 360 بالكويت

اتمنى اكون إني ساعدتك :)

يعطيكم العافية اخواني ,

انا توني شاريه تقريبا من شهرين

وان شاء الله بطبق خطواتكم ..

اقتباس:

---

المشاركة الأصلية كتبت بواسطة RE4

يعطيكم العافية اخواني ,

انا توني شاريه تقريبا من شهرين

وان شاء الله بطبق خطواتكم ..

---

الجهاز شاريه من قبل شهرين ومن غير كفالة المحل :wow:!!!

أنا اقول رجعه للمحل إلي شريت منه وبدله بجهاز جديد طالماً إنه خرب عليك بعد شهرين .. عندك كفالة ثلاث شهور من المحل عدل ؟

من أي محل شريته ؟

اذا يشغل كوبي انساه ....

اقتباس:

---

خبر مصيبة عن مايكروسوفت ( مهم جدا ) عن الاضواء الحمراء + استفسار للسعوديين .. !!

---

عبالي شركة مايكروسوفت فلست

:D

ان شاء الله يفيدونك الاخوان

ههههههههه

الي مستغرب منه محد دافع عن الElite !!!! :أفكر:

عشان تدرون ان مشاكل الاكس بوكس ماراح تنتهي :D

اخيراً دخلت المنتدى


اخوي تاكد من كيبل جهازك لانه " يكون سبب الـ3 ردلايت في الاجهزه مثل الـ Elite " خصوصاً اذا كان امريكي


ومن الوايرات اذا مب مركبها عدل

انا كان عندي واحد اول ما نزل والحين دايما يقول لي ان الالعاب مشمخه وهي ما عليها شمخ ويطفي علي في نص اللعبه ويقولي clean the disk!
على العموم قطيته في الزباله وشريت Xbox 360 Halo 3 special edition ولحد الحين ماشي حاله بس خايف منه
اما الPS3 يشتغل مثل العسل ومافي خوف

وانا اقول ليه مبيعات الجهاز وصلت فوق 12 مليون

ما شاء الله 3 اجهزه !!

اقتباس:

---

المشاركة الأصلية كتبت بواسطة Mr.Chief

اخيراً دخلت المنتدى


اخوي تاكد من كيبل جهازك لانه " يكون سبب الـ3 ردلايت في الاجهزه مثل الـ Elite " خصوصاً اذا كان امريكي


ومن الوايرات اذا مب مركبها عدل

---

ياخي مع احترامي لك بس انت كذا كانك تستخف بصاحب الموضوع

اكيد الرجال عارف كيف يشبك الواير بحكم ان عنده 3 اجهزه 360